Êsêkiêl 1:24 - Nau Brah Ndu Ngơi 2023

²⁴ Tơlah khân păng hăn leo panăp, gâp tăng nteh rpuh lĕ nting năr khân păng nâm bu nteh dak hoch djhut djhut, nâm bu bâr Nơm Geh Lĕ Nau Brah, nteh drơu drơu phung tahan. Tơlah khân păng gŭ nsrŭng, nting năr khân păng nhop.

Êsêkiêl 1:24 ပူးပေါင်းရင်းမြစ်များ

II Phung Hađăch 7:6

Yorlah Kôranh Brah hŏ ƀư ăn ma phung tahan Aram tăng nteh ndeh seh, nteh seh jêh ri nteh du phung tahan toyh ngăn, pôri khân păng lah ndrăng khân păng pô aơ: “Aơ, hađăch Israel hŏ manh phung hađăch Hitit jêh ri Êjipt gay văch lơh he.”

Ndrom Samƀŭt bơh Yôp 37:2

Iăt hom, ăn iăt hom nau Păng nâm bu nteh nglaih, Nau nteh bâr nglaih luh bơh trôm mbung Păng!

Nau Mprơ Ơm 18:13

Brah Yêhôva mpơl lơp nglaih ta klơ lĕ ndâr trôk, Bâr Nơm Dŭt Prêh nteh huy ngăn, Ta nklang mih tŭp pler jêh ri lĕ lơp nglaih nchrat ŭnh.

Nau Mprơ Ơm 68:33

Păng jêng Nơm ncho ta klơ ma lĕ ndâr trôk ntơm bơh saơm, Iăt hom bâr Păng nter huy.

Êsêkiêl 10:5

Nteh rpuh nting năr chêrubim bu tăng kŏ tât ta nkual nhuang padih nâm bu bâr Brah Ndu Geh Lĕ Nau Brah tơlah Păng lah.

Êsêkiêl 3:13

Gâp tăng đŏng nau nteh bơh rpuh nting năr mpa rêh rpuh ndrăng khân păng, nteh jâng ndeh kêng pŭng lĕ mpa rêh nây jêh ri nteh n'găr neh ntu ktang ngăn.

Êsêkiêl 43:2

Gâp saơ nau chrêk ma lơp Brah Ndu Israel tă bơh mpeh luh nar văch tât. Nteh bâr Păng nâm bu nteh n'gôr dak toyh, jêh ri tâm neh nchrat ang yor nau chrêk ma lơp Păng.

Daniel 10:6

Săk jăn păng tâm ban ma lŭ khlay bêril, muh măt păng chrat nâm bu lơp, bar măt păng tâm ban ma mpiăt ŭnh hit, kôp ti jêh ri kôp jâng păng tâm ban ma kông tho chrêk, jêh ri nteh bâr ngơi nâm bu nteh phung âk.

Nau Tâm Mpơl 1:15

jâng păng nâm bu kông tho chrêk hŏ ƀư kloh jêh tâm ŭnh năk; bâr Păng nâm bu nteh n'gôr âk n'hor dak.

Nau Tâm Mpơl 19:6

Jêh nây gâp tăng geh nteh nâm bu nteh du mpôl bunuyh âk ngăn, nâm bu nteh n'gôr âk n'hong dak, nâm bu nteh nglaih ktang, lah: “Halêluya! Yorlah Kôranh Brah he jêng Brah Ndu Geh Lĕ Nau Brah chiă uănh.