19 Tơlah mpa rêh hăn, lĕ jâng ndeh nây hăn êp kêng pŭng; jêh ri dôl lĕ rngôch mpô mpa rêh hao tă bơh neh, pôri lĕ jâng ndeh nây ăt hao tâm ban lĕ.
Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!
Dôl gâp uănh ma puăn mlâm mpa nây, gâp saơ ta neh geh du mlâm jâng ndeh gŭ êp ta meng puăn mlâm mpô mpa rêh nây, ăp mpa rêh tâm puăn pŭng geh du mlâm jâng ndeh da dê.
Tơlah ăp mpa rêh hăn, khân păng hăn đŏng; tơlah lĕ mpa rêh nsrŭng, khân păng ăt nsrŭng; jêh ri tơlah ăp lĕ mpa rêh hao klơ tă bơh neh, pôri lĕ jâng ndeh hao klơ ndrel ma khân păng đŏng; yorlah huêng brah mpa nây gŭ tâm lĕ jâng ndeh.
Tơlah phung chêrubim hăn lĕ jâng ndeh hăn ta meng; tơlah phung chêrubim lĭ nting năr gay hao klơ tă bơh neh pôri lĕ jâng ndeh hôm gŭ ta meng khân păng.
Phung chêrubim lĭ nting năr hao du luh tă bơh neh tanăp măt gâp dôl khân păng hăn ndrel ma lĕ jâng ndeh êp meng. Khân păng hăn gŭ ntŭk lăp mpông pêr mpeh luh nar ngih Brah Yêhôva, jêh ri nau chrêk rmah Brah Ndu Israel gŭ ta klơ khân păng.