Êsêkiêl 1:16 - Nau Brah Ndu Ngơi 2023

¹⁶ Rup jêh ri bu ƀư lĕ jâng ndeh nây nâm bu lŭ khlay bêril nchrat rêp ƀlêp; lĕ rngôch puăn jâng nây tâm ban da dê; rup jêh ri bu ƀư nâm bu jâng ndeh gŭ tâm trôm jâng ndeh êng ri.

Êsêkiêl 1:16 ပူးပေါင်းရင်းမြစ်များ

I Phung Hađăch 7:33

Lĕ rngôch jâng ndeh bu ƀư tâm ban ma jâng ndeh seh: Lĕ rngôch mâng rnung, săng, ryŏng, jêh ri lĕ glo đŭm tâm khan đah rnung bu tŏ da dê.

Ndrom Samƀŭt bơh Yôp 9:10

Păng ƀư lĕ kan dŭt toyh mâu dơi gĭt rbăng, Jêh ri âk râk ntil nau khlay ngăn.

Nau Mprơ Ơm 36:6

Nau sŏng srăng May jêng tâm ban ma phung yôk toyh huy; Nau May phat dôih jêng tâm ban ma ntu jru ngăn. Ơ Brah Yêhôva, dăn May prăp phung bunuyh jêh ri mpô mpa.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Ngluh Êjipt 39:13

mbor tal puăn jêng găr bêril, găr ônik, găr jaspidi. Lĕ găr lŭ khlay nây bu nkrêp tâm ndor năp ma mah.

Nau Mprơ Ueh 5:14

Ti păng nâm bu lĕ dĭng ma mah Lĭr ndop lŭ khlay. Săk jăn păng nâm bu glo ma la pler rlip, Lĭr ndop lŭ saphir.

Daniel 10:6

Săk jăn păng tâm ban ma lŭ khlay bêril, muh măt păng chrat nâm bu lơp, bar măt păng tâm ban ma mpiăt ŭnh hit, kôp ti jêh ri kôp jâng păng tâm ban ma kông tho chrêk, jêh ri nteh bâr ngơi nâm bu nteh phung âk.

Daniel 7:9

Gâp uănh kŏ tât Lĕ sưng hađăch dơi dăp ueh djrêp, Geh Nơm Gŭ Rêh Bơh Rnôk Kăl E gŭ ta klơ nây. Ao Păng nglang nâm bu pler, Sŏk ta klơ bôk Păng nâm bu rsau biăp kloh. Sưng hađăch Păng jêng mpiăt ŭnh Geh lĕ jâng ndeh ŭnh sa hit.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Êphêsô 3:10

Aƀaơ aơ, tă Phung Ngih Brah Ndu, nau blau mĭn mâu blau lôch Brah Ndu dơi tâm mpơl ma phung kôranh chiă uănh, lĕ nau dơi ktang tâm lĕ ntŭk klơ trôk,