Êsêkiêl 1:15 - Nau Brah Ndu Ngơi 2023

¹⁵ Dôl gâp uănh ma puăn mlâm mpa nây, gâp saơ ta neh geh du mlâm jâng ndeh gŭ êp ta meng puăn mlâm mpô mpa rêh nây, ăp mpa rêh tâm puăn pŭng geh du mlâm jâng ndeh da dê.

Êsêkiêl 1:15 ပူးပေါင်းရင်းမြစ်များ

I Phung Hađăch 7:30

Tâm ăp mlâm ndơl geh puăn mlâm jâng ndeh ma kông nđâp ma mâng rnung ma kông. Ta puăn njônh ndơl nây geh lĕ jâng meh gay ndăl ngan grưng dak, nđâp ma lĕ rvang kao ta meng ăp jâng meh.

Êsêkiêl 1:6

ƀiălah ăp mpa rêh geh puăn măt jêh ri puăn nting năr.

Êsêkiêl 10:2

Păng lah ma bunuyh nsoh ao bok mhay pô aơ: “Lăp hom ta nklang lĕ jâng ndeh gŭ rvah tâm dâng phung Chêrub. Sŏk hom ŭnh rnga tă bơh phung chêrubim ăn bêng lĕ bar ti may jêh ri srih ndơ nây ta klơ ƀon aơ.” Bunuyh nây lăp ntŭk nây tanăp măt gâp.

Êsêkiêl 10:9

Gâp uănh jêh ri saơ geh puăn mlâm jâng ndeh ta meng phung chêrubim, ăp jâng ndeh ta meng du mlâm chêrub, jêh ri rup lĕ jâng ndeh nây nâm bu lŭ khlay bêril.

Êsêkiêl 3:13

Gâp tăng đŏng nau nteh bơh rpuh nting năr mpa rêh rpuh ndrăng khân păng, nteh jâng ndeh kêng pŭng lĕ mpa rêh nây jêh ri nteh n'găr neh ntu ktang ngăn.

Daniel 7:9

Gâp uănh kŏ tât Lĕ sưng hađăch dơi dăp ueh djrêp, Geh Nơm Gŭ Rêh Bơh Rnôk Kăl E gŭ ta klơ nây. Ao Păng nglang nâm bu pler, Sŏk ta klơ bôk Păng nâm bu rsau biăp kloh. Sưng hađăch Păng jêng mpiăt ŭnh Geh lĕ jâng ndeh ŭnh sa hit.

Nau Tâm Mpơl 4:7

Mpa rêh rơh nguay nâm bu yau mŭr, mpa rêh rơh bar nâm bu du mlâm ndrôk nkuăng, mpa rêh rơh pe geh muh măt nâm bu măt bunuyh, jêh ri mpa rêh rơh puăn nâm bu du mlâm klang ƀŭng dôl mpăr.