Êsêkiêl 1:13 - Nau Brah Ndu Ngơi 2023

¹³ Rup săk jăn mpô mpa nây tâm ban ma rup rnga ŭnh dôl hit jêh ri rup chiông ŭnh chai, hăn rsong ta vah vang lĕ mpa rêh nây; ŭnh hit nchrang jêh ri geh lơp nglaih luh tă bơh ŭnh nây.

Êsêkiêl 1:13 ပူးပေါင်းရင်းမြစ်များ

Nau Ntơm 15:17

Nôk nar lĕ nhâp jêh ri nau ngo nkŭm, ri, geh du mlâm ŭnh năk dôl luh nhhŭk jêh ri geh ŭnh rdo hit ngăn hăn rgăn ta klang puăch mpa hŏ blah bar buh nây.

Nau Mprơ Ơm 104:4

Păng mprơh sial jêng nơm mbơh Păng, Mpiăt ŭnh ƀư oh mon Păng.

Êsêkiêl 1:7

Jâng khân păng sŏng, mpang jâng nâm bu mpang jâng ndrôk kon nkuăng nchrat ang nâm bu kông chrêk.

Êsêkiêl 10:2

Păng lah ma bunuyh nsoh ao bok mhay pô aơ: “Lăp hom ta nklang lĕ jâng ndeh gŭ rvah tâm dâng phung Chêrub. Sŏk hom ŭnh rnga tă bơh phung chêrubim ăn bêng lĕ bar ti may jêh ri srih ndơ nây ta klơ ƀon aơ.” Bunuyh nây lăp ntŭk nây tanăp măt gâp.

Daniel 7:9

Gâp uănh kŏ tât Lĕ sưng hađăch dơi dăp ueh djrêp, Geh Nơm Gŭ Rêh Bơh Rnôk Kăl E gŭ ta klơ nây. Ao Păng nglang nâm bu pler, Sŏk ta klơ bôk Păng nâm bu rsau biăp kloh. Sưng hađăch Păng jêng mpiăt ŭnh Geh lĕ jâng ndeh ŭnh sa hit.

Mathay 28:3

Tông mpăr ral nâm bu lơp nglaih jêh ri ao nglang nâm bu pler.

II Têsalônik 1:7

jêh ri ma khân may jêng phung dơn nau rêh ni geh nau rlu ndrel ma hên, tâm nar Kôranh Brah jêng Brah Yêsu mra tâm mpơl bơh trôk ta nklang chiông ŭnh hit, ndrel ma phung tông mpăr bêng nau dơi Păng.

Nau Tâm Mpơl 10:1

Pakơi nây, gâp saơ du huê tông mpăr êng geh nau dơi jŭr tă bơh trôk, geh du ndâr tŭk nkŭm păng. Ta klơ bôk tông mpăr geh bêh tŭng tĭng; muh măt tông mpăr nâm bu nar jêh ri jâng nâm bu n'gâng ŭnh.

Nau Tâm Mpơl 18:1

Pakơi nây, gâp saơ du huê tông mpăr êng geh nau dơi toyh ngăn jŭr tă bơh trôk; lĕ neh ntu jêng n'gă ang da dê ma nau chrêk rmah tông mpăr nây.

Nau Tâm Mpơl 4:5

Tă bơh sưng hađăch nây luh lơp nglaih, bâr ngơi jêh ri nglaih; geh pơh ŭnh kađen hit ang tanăp sưng hađăch, nây jêng pơh huêng Brah Ndu.