Êsêkiêl 1:10 - Nau Brah Ndu Ngơi 2023

¹⁰ Bi ma muh măt khân păng, ăp puăn mlâm geh muh măt bunuyh da dê; puăn mlâm geh muh măt yau mŭr da dê mpeh pa ma; puăn mlâm geh muh măt ndrôk da dê mpeh pa chiau jêh ri puăn mlâm geh muh măt klang lêl da dê.

Êsêkiêl 1:10 ပူးပေါင်းရင်းမြစ်များ

I Nau Rêh Jêng 12:8

Tâm ndŭl mpôl Gat, geh phung hăn gŭ mpeh Y-Đavit ta pôih tâm bri rdah. Khân păng jêng phung janh ktang, blau nau tâm lơh, blau djôt khêl jêh ri rjăng tak; muh măt khân păng nâm bu muh măt yau mŭr, khân păng nchuăt prăl nâm bu yơng ta klơ yôk.

Ndrom Samƀŭt bơh Yôp 39:27

Ma nau ji nuih, păng nchuăt prăl nâm bu lơp nglaih, Tăng uh nŭng, păng mâu dơi đăp gŭ ôh,

Nau Hôr 14:4

Ta ntŭk mâu geh ndrôk, ta nây hip gơ̆ nsoih dơm, Ƀiălah tă n'hâm suan ndrôk, geh play ba âk rmeh.

Êsai 40:31

Ƀiălah mbu nơm kâp gân tâm Brah Yêhôva nanê̆ mra geh nau dăng ktang mhe, Mpăr hao prêh tâm ban ma klang, Nchuăt mâu hŏt rgănh ôh, Hăn mâu huăr rgănh ôh.

Êsai 46:8

“Ăn khân may kah gĭt nau aơ jêh ri sek mĭn; Ơ phung ƀư tih, ăn khân mĭn tay!

Êsêkiêl 1:6

ƀiălah ăp mpa rêh geh puăn măt jêh ri puăn nting năr.

Êsêkiêl 10:14

Ăp chêrub geh puăn muh măt: măt rơh nguay jêng muh măt Chêrub; muh măt rơh bar jêng muh măt bunuyh; muh măt rơh pe jêng muh măt yau mŭr; muh măt rơh puăn jêng muh măt klang lêl.

Êsêkiêl 41:19

du mlâm muh măt păng rle mpeh ma rup tơm sala jêng mpeh đah aơ, du mlâm muh măt rup yau mŭr kon rle mpeh ma rup tơm sala đah ri. Lam lĕ rngôch ngih brah bu kach nsêr da dê nâm pônây.

Daniel 7:4

Mpa bri rơh nguay tâm ban ma yau mŭr ƀiălah geh năr klang ƀŭng. Gâp uănh kŏ tât lĕ năr păng bu nkê̆ch pă, bu pư păng bơh neh jêh ri ăn păng dâk râng ma bar mlâm jâng tâm ban ma bunuyh; bu ăn ma păng nau mĭn bunuyh.

Nau Kơp Bunuyh 2:10

Phung tahan Ruben ndâk ngih bok mpeh tâm rđŭng tĭng nâm ăp phung tâm dâng n'ha kơ khân păng. Kôranh phung ƀon lan Ruben jêng Y-Êlisur, kon bu klâu Y-Sêdur,

Nau Kơp Bunuyh 2:18

Rmlak tahan Êphraim ndâk mpeh nhâp nar tĭng nâm ăp phung tâm dâng n'ha kơ khân păng. Kôranh phung ƀon lan Êphraim jêng Y-Êlisama, kon bu klâu Y-Amihut

Nau Kơp Bunuyh 2:25

Rmlak tahan Dan ndâk mpeh dor geh bok tĭng nâm ăp phung, tâm dâng n'ha kơ khân păng nơm. Kôranh phung ƀon lan Dan jêng Y-Ahiêser, kon bu klâu Y-Amisadai,

Nau Kơp Bunuyh 2:3

Rmlak tahan phung Yuđa mra gŭ mpeh pa lơ, mpeh luh nar, tĭng n'ha kơ jêh ri tĭng ntơ phung khân păng. Kôranh ma phung ƀon lan Yuđa jêng Y-Nahsôn, kon bu klâu Y-Aminadap,

Luka 15:10

Kơt nây đŏng, Gâp lah ma khân may, phung tông mpăr Brah Ndu mra răm maak ma du huê bunuyh tih rmal nau tih.”

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

Nau Vay Nkah Tay 28:49

Brah Yêhôva mra njŭn leo du ndŭl mpôl bơh ntŭk dŭt ngai tât, bơh dŭt bri dŭt neh, tâm ban klang ƀŭng mpăr ngăch ngăn jŭr gay nhŭp khân may, du phung ƀon lan khân may mâu gĭt rbăng ôh nau ngơi khân păng,

Nau Tâm Mpơl 4:7

Mpa rêh rơh nguay nâm bu yau mŭr, mpa rêh rơh bar nâm bu du mlâm ndrôk nkuăng, mpa rêh rơh pe geh muh măt nâm bu măt bunuyh, jêh ri mpa rêh rơh puăn nâm bu du mlâm klang ƀŭng dôl mpăr.

Nau Tâm Mpơl 5:5

Ƀiălah du huê tâm phung kôranh bu ranh lah ma gâp: “Lơi ta nhĭm, ri, Yau mŭr tă bơh ndŭl mpôl Yuđa, phung kon sau Y-Đavit, dơi jêh rĭ dĭng dơi pơk ndrom samƀŭt jêh ri doh lơi ndơ pơh tâp pŏng.”

Phung Kôranh Phat Dôih 14:18

Pônây, tâm nar tal pơh, êlor ma nar nhâp, lĕ phung tâm ƀon toyh nây lah ma păng: “Moh ndơ njŭng lơn ma dak sŭt, Moh ndơ ktang lơn ma yau mŭr?” Y-Samsôn lah ma khân păng: “Tơlah khân may mâu chuar ôh tâm mir ma ndrôk me druh gâp, Khân may mâu mra dơi rblang nchroh n'hôr gâp ôh.”