Êsêkiêl 1:1 - Nau Brah Ndu Ngơi 2023

¹ Năm rơh pe jât, năng prăm ta khay puăn, dôl gâp gŭ ta nklang phung bu nă, gŭ ta kơh dak krong Kêbar, lĕ ndâr trôk pơk jêh ri gâp geh nau tâm saơ Brah Ndu mpơl ma gâp.

Êsêkiêl 1:1 ပူးပေါင်းရင်းမြစ်များ

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Ntơm 46:2

Tâm du măng, Brah Ndu ngơi ma Y-Israel bơh nau tâm saơ. Păng kuăl: “Y-Yakôb, Y-Yakôb!” Y-Israel ơh: “Gâp ta aơ.”

Nau Mprơ Ơm 137:1

Hên dôl gŭ ta kơh dak krong Babilôn, Kah gĭt ma ƀon Siôn jêh ri nhĭm.

Nau Ngluh Êjipt 24:10

khân păng saơ Brah Ndu Israel. Tâm dâng jâng Păng geh du ntil ndơ tâm ban ma du ndơl lŭ saphir rsang nâm bu trôk nđôch.

Êsai 1:1

Tâm rnôk Y-Usia, Y-Jôtham, Y-Ahas jêh ri Y-Hêsêkia jêng phung hađăch Yuđa, Y-Êsai, kon bu klâu Y-Amôt, dơn nau tâm saơ ma bri dak Yuđa jêh ri ma ƀon Yêrusalem.

Êsai 6:1

Năm hađăch Usia khĭt, gâp hŏ saơ Kôranh Brah gŭ ta du mlâm sưng hađăch dŭt prêh ngăn, ntôr ao jâr Păng ƀư bêng ngih brah.

Yêrêmi 29:15

Yorlah khân may lah jêh: “Brah Yêhôva n'hao jêh phung mbơh lor ma he tâm Babilôn!”

Êsêkiêl 1:3

geh nau Brah Yêhôva lah êng ma kôranh ƀư brah Y-Êsêkiêl, kon bu klâu Y-Busi, tâm n'gor Kaldê, ta kơh krong Kêbar. Ta ntŭk nây, ti Brah Yêhôva dơm ta păng.

Êsêkiêl 10:1

Gâp uănh jêh ri saơ đôr trôk ta klơ bôk chêrubim geh ndơ nâm bu du mlâm sưng hađăch ma lŭ chrêk saphir.

Êsêkiêl 10:10

Bi ma rup, lĕ puăn jâng ndeh tâm ban da dê, ăp mlâm nâm bu jâng ndeh gŭ tâm trôm jâng ndeh êng ri.

Êsêkiêl 10:15

Rnôk nây, phung chêrubim hao klơ: Aơ jêng lĕ mpa rêh gâp hŏ saơ jêh ta kơh dak krong Kêbar.

Êsêkiêl 10:20

Nây jêng lĕ mpa rêh gâp saơ jêh gŭ tâm dâng Brah Ndu Israel ta kơh dak krong Kêbar, jêh ri gâp gĭt khân păng jêng phung chêrubim.

Êsêkiêl 10:22

Rup muh măt khân păng nâm bu muh măt gâp saơ lĕ rup jêh ri khân păng nơm, ta kơh dak krong Kêbar. Ăp mpa rêh hăn sŏng rlet panăp da dê.

Êsêkiêl 11:24

Huêng Brah chông gâp leo klơ jêh ri ma nau tâm saơ, Huêng Brah, Brah Ndu dơi njŭn gâp lăp n'gor bri Kaldê, tât ma phung bu mprơh du jêng bu nă. Jêh ri nau tâm mpơl gâp hŏ saơ du jêh bơh gâp.

Êsêkiêl 3:15

Gâp hăn tât ma phung bu mprơh jêng bu nă gŭ ta ƀon Têlavip, gŭ ta kơh dak krong Kêbar. Gâp nsrŭng ta ntŭk khân păng dôl gŭ jêh ri gŭ ta nây ndrel ma khân păng tâm pơh nar, nuih n'hâm bêng ma nau rngot.

Êsêkiêl 3:23

Pôri gâp hăn ro ma ntŭk neh lâng. Jêh ri ta nây, gâp saơ nau chrêk rmah Brah Yêhôva gŭ ta nây nâm bu nau chrêk rmah gâp hŏ saơ jêh ta kơh krong Kêbar. Gâp păn muh măt ta neh.

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Êsêkiêl 43:3

Nau tâm saơ gâp saơ rnôk nây tâm ban đah nau tâm saơ hŏ mpơl ma gâp tơlah Păng văch ƀư rai ƀon aơ. Păng tâm ban đah nau tâm saơ gâp hŏ tâm saơ ta kơh dak krong Kêbar jêh ri gâp păn muh măt ta neh.

Êsêkiêl 8:3

Păng yơr ti tâm ban ma rup mpang ti djôt du pha sŏk ta klơ bôk gâp. Huêng Brah chông gâp leo klơ vah vang trôk đah neh tâm nau tâm saơ Brah Ndu mpơl ma gâp. Gâp dơi leo tât ma ƀon Yêrusalem, ta ntŭk lăp mpông pêr tâm nkual tâm trôm mpeh pa lơ, jêng ntŭk geh ndâk rup brah nau ntôn ƀư ma nau ntôn.

Ndrom Samƀŭt bơh Ôsê 12:10

Gâp jêng Yêhôva Brah Ndu may Ntơm ƀơh may du tă bơh n'gor bri Êjipt, Gâp mra ăn may gŭ đŏng tâm dâng lĕ ngih bok Nâm bu tâm lĕ nar tâm Rƀŭn.

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Nau Kơp Bunuyh 4:3

ntơm bơh pe jât năm tât ma prăm jât năm, jêng lĕ rngôch phung dơi lăp tâm pah kan Ngih Bok Nau Tâm Rƀŭn.

Mathay 17:9

Dôl tơlah Păng ndrel ma phung oh mon jŭr tă bơh yôk, Brah Yêsu lah ma khân păng: “Lơi nkoch tay ma bu ôh nau tâm saơ aơ kŏ tât Kon Bunuyh dâk rêh tay tă bơh nau khĭt.”

Mathay 3:16

Dôl geh ƀaptem jêh, dôl Brah Yêsu dâk tă bơh dak, uănh ri, lĕ ndâr trôk pơk mpơl, Păng saơ Brah Huêng Ueh Brah Ndu jŭr nâm bu sĭm plŭk drâm ta klơ Păng.

Markôs 1:10

Dôl Brah Yêsu luh tă bơh dak, Păng saơ lĕ ndâr trôk pơk mpơl, jêh ri Brah Huêng Ueh jŭr drâm ta klơ Brah Yêsu nâm bu sĭm plŭk.

Luka 3:21

Nôk lĕ rngôch phung ƀon lan dơn nau ƀaptem da dê, Brah Yêsu dơn đŏng nau ƀaptem. Dôl Păng mbơh sơm trôk pơk mpơl,

Luka 3:23

Brah Yêsu ntơm nau pah kan nôk Păng klăp lah tâm pe jât năm. Tĭng nâm bu mĭn Păng jêng kon Y-Yôsep, Y-Yôsep jêng kon Y-Hêli,

Yôhan 1:51

Jêh nây Brah Yêsu lah: “Nanê̆ ngăn, Gâp lah ngăn ma khân may: Khân may mra saơ trôk pơk jêh ri tông mpăr Brah Ndu jŭr ta klơ Kon Bunuyh.”

Kôranh Oh Mon 10:11

Păng saơ trôk pơk mpơl, jêh ri geh ndơ tâm ban ma du blah bok toyh kât puăn njônh ndrel jŭr tât ta neh,

Kôranh Oh Mon 10:3

Klăp lah mông pe kêng măng, tâm du nau tâm saơ, păng saơ rah vah du huê tông mpăr Brah Ndu lăp tâm ngih păng jêh ri lah: “Hơi Y-Kôrnei!”

Kôranh Oh Mon 7:56

Păng lah: “Ri, gâp saơ lĕ ndâr trôk pơk mpơl jêh ri Kon Bunuyh gŭ dâk pa ma Brah Ndu.”

II Kôrintô 12:1

Gâp rnê êng ma gâp nơm, nđâp tơlah mâu geh khlay ôh, ƀiălah gâp đŏng mra ngơi ma nau tâm saơ jêh ri ma nau tâm mpơl bơh Kôranh Brah.

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

Nau Tâm Mpơl 4:1

Jêh nau nây, gâp n'gơr uănh, ri, geh du mlâm mpông pơk ta klơ trôk! Bâr tal nguay gâp hŏ tăng, nâm bu bâr nŭng ngơi ma gâp pô aơ: “Hăn hao hom ta aơ, Gâp mra ntĭm ăn may moh nau mra tât kăndơ̆.”