Êsai 9:9 - Nau Brah Ndu Ngơi 2023

⁹ “Glo neh uk rlâm jêh, Ƀiălah he mra rdâk tay ma lŭ khlay; Bu kăl chôt jêh tơm sikamôr, Ƀiălah he mra ntrok ma tơm Sêdar ta ntŭk khân păng.”

Êsai 9:9 ပူးပေါင်းရင်းမြစ်များ

I Phung Hađăch 22:25

Y-Mika lah: “May mra gĭt rah vah nau nây tâm nar may nchuăt tă bơh jrô aơ tât ma jrô ri gay du krap.”

Nau Hôr 16:18

Nau sưr hăn lor, nau rai lôch groi pakơi, Jêh ri nau n'hao êng nơm hăn lor tâm nau tŭp.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 28:1

Rêh ni ngăn ma đon hađăch sưr phung mơng nhêt ndrănh ta bri Êphraim, Rêh ni ngăn ma rvang kao gơnh nhop, jêng ndơ nkrơ̆ khlay prăk Ma ƀon toyh ta klơ kô yôk rlŭng jêng ngăn, ma phung vay nhŭl ndrănh!

Êsai 28:3

Đon hađăch sưr phung vay nhŭl ndrănh ta bri Êphraim. Mra jot rchiăt tâm jâng

Êsai 46:12

Ơ phung geh nuih n'hâm dăng, Ơ phung gŭ ngai bơh nau sŏng srăng, Gŭ iăt hom Gâp.

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Êsai 7:2

Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Êsai 9:8

Lĕ rngôch phung ƀon lan, jêng phung Êphraim jêh ri phung gŭ tâm ƀon Samari, Mra gĭt nau ngơi nây. Sŏk nuih n'hâm sưr n'hao êng, khân păng lah pô aơ:

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Êsêkiêl 30:19

Gâp mra ƀư rai nau phat dôih ma bri Êjipt, Jêh ri khân păng mra gĭt Gâp jêng Brah Yêhôva.’”

Êsêkiêl 33:33

Yorlah, pônây, tơlah nau mhĭk aơ geh tât, jêh ri aơ, păng dôl tât, nôk nây khân păng gĭt geh du huê nơm mbơh lor gŭ jêh ta nklang khân păng.”

Êsêkiêl 7:27

Hađăch mra nhĭm vơl, phung kôranh chiă uănh mra nsoh nau klach, ti phung ƀon lan tâm n'gor bri râm sâr da dê. Gâp mra ƀư ma khân păng tĭng nâm nau khân păng gŭ ngao; Gâp mra phat dôih khân păng tĭng nâm khân păng hŏ ƀư tih. Rnôk nây, khân păng mra gĭt ma Gâp jêng Brah Yêhôva.’”

Êsêkiêl 7:9

Măt Gâp uănh mâu nhhuach ôh ma may, mâu lĕ yô̆ ôh ma may. Gâp mplơ̆ ma may tĭng trong may hăn jêh ri lĕ nau ƀơ̆ ƀơch may mra gŭ ta nklang may. Rnôk nây, khân may mra gĭt Gâp yơh, Brah Yêhôva, jêng Nơm tâm rmal.

Ndrom Samƀŭt bơh Ôsê 8:14

Phung Israel hŏ chuêl jêh Nơm Rhăk Njêng khân păng, Mĭn ndâk âk rplay ngih hađăch; Phung Yuđa hŏ ntop âk ƀon toyh geh mpêr nâp; Ƀiălah Gâp mra su ma ŭnh lĕ ƀon toyh nây Jêh ri ŭnh mra sa pôih nâp păng.

Malachi 1:4

Tơlah phung Êđôm lah: “Hên lĕ rai jêh, ƀiălah hên mra plơ̆ sĭt đŏng ndâk tay ta ntŭk lĕ rlâm rai jêh,” pôri Brah Yêhôva ma phung tahan lah pô aơ: “Khân păng mra ndâk đŏng ƀiălah Gâp mra ƀư rlâm lơi, bu mra ntơ khân păng jêng N'gor Bri Djơh Mhĭk, jêng phung ƀon lan Brah Yêhôva ji nuih n'ho ro.”

Malachi 3:13

Brah Yêhôva lah: “Khân may hŏ sŏk jêh nau ngơi brơl ŭch tâm rdâng đah Gâp.” Ƀiălah khân may lah: “Hŏ geh hên ngơi tâm rdâng đah May?”

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.