Êsai 9:6 - Nau Brah Ndu Ngơi 2023

⁶ Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Êsai 9:6 ပူးပေါင်းရင်းမြစ်များ

II Samuel 7:13

Păng mra ndâk du mlâm ngih brah ma amoh Gâp, jêh ri Gâp mra ƀư sưng hađăch păng nâp n'ho ro.

II Samuel 7:16

Pônây, nau chiă uănh jêh ri ƀon bri hađăch may mra jêng nâp n'ho ro tanăp măt may; sưng hađăch may mra dơi nâp mro mrăng.’”

I Phung Hađăch 10:9

Mât ton ma Yêhôva Brah Ndu may, Nơm hŏ maak nuih n'hâm n'gân may gŭ ta sưng hađăch phung Israel! Yorlah Brah Yêhôva rŏng ma phung Israel kŏ tât ƀaƀơ n'ho ro, yor ri Păng hŏ njêng jêh may ƀư hađăch gay ƀư nau di jêh ri nau sŏng.”

I Phung Hađăch 2:33

Mham khân păng mra nkhŭt tay ta klơ bôk Y-Jôap jêh ri ta klơ bôk phung kon sau păng kŏ tât ƀaƀơ n'ho ro. Bi Y-Đavit jêh ri phung kon sau păng, ma nau chiă uănh jêh ri ma sưng hađăch păng mra dơi đăp mpăn tă bơh Brah Yêhôva mro mrăng.”

I Phung Hađăch 2:45

Ƀiălah hađăch Salômôn mra geh nau ueh uĭn, jêh ri sưng hađăch Đavit mra dơi njêng nâp tanăp măt Brah Yêhôva kŏ tât ƀaƀơ n'ho ro.”

Nêhêmi 9:32

Pôri aƀaơ, hơi Brah Ndu hên, jêng Brah Ndu dŭt toyh, nơm brah, geh nau klach yơk, Djôt prăp nau tâm rnglăp jêh ri nuih n'hâm ueh, Dăn lơi uănh n'gơch nau rêh ni hŏ ăn tât ma hên, Ma phung hađăch, ma phung kôranh chiă uănh, ma phung kôranh ƀư brah, ma phung nơm mbơh lor, ma phung chô yau hên, Jêh ri ma lĕ rngôch phung ƀon lan Kôranh Brah tă bơh rnôk phung hađăch Asiri kŏ tât ta nar aơ.

Nau Mprơ Ơm 45:3

Hơi hađăch geh nau dơi, cheng hom đao ta bŭt; Tâm nau chrêk rmah jêh ri nau hit rnam may.

Nau Mprơ Ơm 45:6

Ơ Brah Ndu, sưng hađăch May hôm ƀaƀơ n'ho ro; Nau dơi ƀon bri hađăch May jêng nau dơi sŏng.

Nau Mprơ Ơm 45:7

May rŏng nau sŏng srăng jêh ri tâm rmot nau djơh mhĭk. Yor nây Brah Ndu jêng Brah Ndu may Hŏ tŏ dak ngi nau maak ma may, jêh ri dơm may ta klơ phung hađăch êng,

Nau Mprơ Ơm 50:1

Nơm geh nau brah jêng Brah Ndu, jêng Brah Yêhôva, Lah jêh ri kuăl lĕ rngôch bunuyh Ntơm bơh mpeh nar luh kŏ tât mpeh nar nhâp.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 72:3

Ăn phung yôk dơi geh nau ndrŏng, Jêh ri lĕ dor yôk djôt nau sŏng srăng ma phung ƀon lan.

Nau Mprơ Ơm 72:7

Tâm rnôk hađăch chiă uănh, nau sŏng srăng ndrŏng ktang, Jêh ri nau đăp mpăn mra jong kŏ tât khay mâu hôm nchrat ang đŏng ôh.

Nau Mprơ Ơm 85:10

Nau yô̆ nđach jêh ri nau nanê̆ ngăn tâm mâp ndrel jêh; Nau sŏng srăng jêh ri nau đăp mpăn hŏ tâm chŭm jêh.

Nau Mprơ Ơm 89:5

Ơ Brah Yêhôva, lĕ ndâr trôk mra mprơ tâm rnê lĕ nau mbên khlay May; Nau răp jăp May ăt dơi mprơ tâm rnê phung kloh ueh.

Nau Hôr 8:23

Bu hŏ njêng Gâp ntơm bơh kăl e dŭt ngăn, Ntơm saơm, êlor geh rplay neh.

Êsai 10:21

Ƀaƀă phung hôm e klen, jêng phung ƀon lan hôm e klen Yakôb, mra plơ̆ tay ma Brah Ndu nau brah.

Êsai 11:5

Nau sŏng srăng mra jêng rse vân bŭt Păng, Jêh ri nau răp jăp mra jêng rse vân n'gang bŭt Păng.

Êsai 16:5

Nôk nĕ, sưng hađăch mra dơi nâp tâm nau ueh, Tâm rmlak Y-Đavit mra geh du huê nơm chiă uănh Gŭ tâm sưng hađăch nây ma nau răp jăp; Păng mra joi nau di. Jêh ri gơnh ƀư nau sŏng.”

Êsai 26:12

Ơ Brah Yêhôva, May ndâk nau đăp mpăn ma hên, Yorlah lĕ rngôch kan hên, May sâm ƀư an da dê jêh ma hên!

Êsai 26:3

Mbu nơm ăn nau mĭn păng rnơm nsing ma Kôranh Brah Păng mra mât mray păng tâm nau đăp mpăn nŭm rĭng, Yorlah păng rnơm nsing ma May.

Êsai 28:29

Nau nây tât đŏng tă bơh Brah Yêhôva ma phung tahan, Nau Păng dăp ƀư khlay ngăn, Nau blau mĭn Păng dŭt ueh ngăn ngên!

Êsai 32:1

Aơ, du huê hađăch mra chiă uănh ma nau sŏng srăng, Phung kôranh mra chiă uănh ma nau di.

Êsai 37:32

Yorlah mra geh phung hôm klen hăn luh bơh Yêrusalem, jêh ri du phung klaih jêh mra luh bơh yôk Siôn. Nau duh nđơr Brah Yêhôva ma phung tahan mra ƀư nau aơ.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 53:2

Păng văch ma toyh jêh tanăp Brah Yêhôva tâm ban ma du nkŭr chăt, Tâm ban ma reh luh bơh neh sơh. Păng mâu geh nau ueh ôh mâu lĕ geh nau rnam gay ma he ŭch uănh; Săk jăn Păng mâu geh ueh gay ăn he ŭch rŏng ôh.

Êsai 53:5

Ƀiălah bu ƀư sôt jêh Păng yor nau tih he, Ƀư sôt rmanh jêh Păng yor nau djơh mhĭk he. Yor nau tâm rmal tŭp ta Păng, ăn he đăp mpăn, Yor Păng anh nau bu rpăt, ăn he bah ji.

Êsai 63:16

Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Êsai 66:12

Yorlah Brah Yêhôva lah: “Aơ, Gâp mra ăn nau đăp mpăn hor hoch tât ta păng tâm ban ma du n'hong dak krong, Jêh ri nau chrêk rmah lĕ bri dak bêng ler tâm ban ma n'hor dak; Khân may mra pu, bu mra chông khân may ta pŭng vĕ, Jêh ri rbot ta kômâk.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 8:18

Aơ, gâp jêh ri phung kon Brah Yêhôva ăn jêh ma gâp jêng nau mbên khlay jêh ri nau tâm mbơh tâm bri Israel tă bơh Brah Yêhôva ma phung tahan, Nơm gŭ ta yôk Siôn.

Yêrêmi 31:22

Ơ bu ur druh mâu răp jăp, Ndah nâm jŏ ay nsong blêng ntŭk aơ ntŭk ri? Yorlah Brah Yêhôva hŏ ƀư jêh du ntil nau mhe ta klơ neh ntu: Nây jêng du huê bu ur mra nkŭm nking du huê bu klâu.”

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Ndrom Samƀŭt bơh Agê 2:9

Brah Yêhôva ma phung tahan lah: ‘Nau chrêk ma lơp ngih brah pakơi aơ taơ mra toyh lơn ma nau chrêk ma lơp ngih ntơm saơm. Gâp mra ăn nau đăp mpăn tâm ntŭk aơ.’ Brah Yêhôva ma phung tahan lah pônây.”

Mathay 1:1

Amoh phung chô yau Brah Yêsu Krist, kon sau Y-Đavit, kon sau Y-Abraham.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 2:11

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Luka 21:15

Yorlah Gâp mra ăn ma khân may nau ngơi jêh ri nau blau mĭn, ƀiălah mâu geh phung rlăng dơi tâm rdâng jêh ri tâm rlăch đah khân may ôh.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:16

Jêh ri tâm Păng jêng tu nau rmeh ler, lĕ rngôch phung he sŏk dơn nau yô̆ da dê, lơ hâu ntop nau yô̆.

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Samƀŭt Pôl Njuăl Ăn Ma Phung Nsing Ta Ƀon Rôm 8:32

Brah Ndu mâu nhhuach Kon Păng nơm, ƀiălah Păng jao jêh Kon nây ma lĕ rngôch he, mâm ƀư Păng mâu ăn lĕ ntil ndơ ndrel Kon nây ma he?

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 15:25

Yorlah Păng chiă uănh, tât nôk Brah Ndu “dơm lĕ phung rlăng tâm dâng jâng Păng.”

II Kôrintô 5:19

Nây jêng, tâm Brah Krist, Brah Ndu ăn ma neh ntu geh nau tâm nsĭr đah Păng, mâu hôm kơp nau tih ma kon bunuyh ôh, jêh ri Păng jao ma hên nau mbơh ma nau tâm nsĭr.

Nau Vay Nkah Tay 10:17

yorlah Yêhôva Brah Ndu khân may jêng Brah Ndu ma phung brah jêh ri Kôranh Brah ma phung kôranh, jêng Brah Ndu toyh, bêng nau brah jêh ri ăn geh nau klach yơk, jêng Nơm mâu ôh tĭng du dĭng, jêh ri mâu dơn ôh drăp tâm blŏl.

Kôlôh 2:3

tâm Păng pôn prăp lĕ rngôch drăp ndơ khlay ma nau blau mĭn jêh ri nau gĭt rbăng.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

ហេឞ្រើ 1:8

Ƀiălah lah ma Kon geh nau lah: “Ơ Brah Ndu, sưng hađăch May hôm ƀaƀơ n'ho ro, Nau dơi ƀon bri hađăch Kôranh Brah jêng nau dơi sŏng.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Nau Tâm Mpơl 19:16

Ta ao jêh ri ta tơm blu Păng geh nchih du amoh: HAĐĂCH MA PHUNG HAĐĂCH, KÔRANH BRAH MA PHUNG KÔRANH BRAH.

Phung Kôranh Phat Dôih 13:18

Tông mpăr Brah Yêhôva plơ̆ lah: “Mâm ƀư may ôp ma amoh gâp? Tâm amoh gâp jêng khlay ngăn.”