Êsai 9:19 - Nau Brah Ndu Ngơi 2023

¹⁹ Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Êsai 9:19 ပူးပေါင်းရင်းမြစ်များ

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 13:13

Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 13:18

Na khân păng mra pănh nchah phung bu klâu ndăm; Khân păng mâu yô̆ nđach ôh ma phung kon jê̆ tâm ndŭl mê̆; Măt khân păng mâu mra nhhuach ma phung kon se ôh.

Êsai 13:9

Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 3:5

Phung ƀon lan mra tâm tŭn jot ndrăng khân păng, Nơm aơ đah nơm ri, Phung chiau meng đah chiau meng. Kon se suai rak đah bu ranh, Bunuyh dơm dam tŭn jot ma nơm bu yơk.

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Êsai 4:4

Tơlah Kôranh Brah sŏk nau di jêh ri huêng brah nau su gay rao lơi nau ƀơ̆ ƀơch phung kon bu ur ƀon Siôn, jêh ri ƀư kloh lơi mham tă bơh tâm nklang ƀon Yêrusalem,

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 5:30

Tâm nar nây, mra geh nau ngrông tâm rdâng đah phung nây, Tâm ban ma nteh rbuh dak mƀŭt djhut djhut; Tơlah mbu nơm uănh lăp tâm n'gor knŏng saơ nau ngo klĕng jêh ri nau mhĭk, Ndâr tŭk nkŭm lơi nau ang ƀư ma nau ngo klĕng.

Êsai 60:2

Aơ, nau ngo nkŭm neh ntu, Nau ngo mbâl nkŭm phung ƀon lan; Ƀiălah Brah Yêhôva sol ang ta klơ may, Nau chrêk rmah Păng mpơl ta klơ may.

Êsai 8:22

jêh nây khân păng kŭnh uănh ta neh ntu, ƀiălah knŏng saơ nau rêh ni jêh ri nau ngo, nau rngot klâng; bu mra nklơ̆ khân păng tâm nau ngo mbâl.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Êsêkiêl 9:5

Jêh nây gâp tăng Păng lah ma phung êng pô aơ: “Tĭng hom pakơi bunuyh nây, hăn lam ƀon jêh ri lơh nkhĭt; măt may uănh lơi nhhuach ôh, mâu lĕ geh nau yô̆.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Yôel 2:3

Tanăp măt khân păng, geh ŭnh sa rvăn, Pakơi khân păng, geh chiông ŭnh sa ƀhiau. Êlor panăp khân păng văch, bri neh nâm bu n'gar Êđen; Pakơi khân păng rgăn, knŏng hôm jêng bri rdah rngot njăp. Mâu geh ôh ndơ dơi klaih bơh khân păng.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Amôt 5:18

“Rêh ni ngăn ma khân may jêng phung kâp gân nar Brah Yêhôva! Ndơ jan khân may kâp gân ma nar Brah Yêhôva? Nây jêng nar nau ngo klĕng, mâu di nar nau ang ôh.

Apdia 1:18

Ngih Yakôb mra jêng ŭnh Jêh ri ngih Yôsep mra jêng mpiăt ŭnh; Ngih Êsau mra jêng mbŭch rhe Khân păng mra su jêh ri ŭnh sa. Ngih Êsau mâu hôm geh nơm mra rêh” Yorlah Brah Yêhôva hŏ lah jêh nau nây.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Mika 7:6

Yorlah kon bu klâu ƀư nau prêng rmot ma mbơ̆ păng, Kon bu ur tâm rdâng đah mê̆ păng, Ƀăn tâm rdâng đah po bu ur păng Jêh ri phung rlăng tă bơh bu jêng bunuyh tâm ngih vâl may nơm.

Sakari 11:6

Brah Yêhôva lah: “Nanê̆, Gâp mâu mbeh ôh ma phung bunuyh ƀon lan gŭ tâm n'gor bri aơ đŏng. Ƀiălah aơ, Gâp mra jao ăp nơm tâm ti phung chiau meng păng jêh ri tâm ti hađăch păng. Khân păng mra jot plên bri neh, jêh ri Gâp mâu mra tâm rklaih ôh khân păng tă bơh ti phung nây.”

Sakari 11:9

Nôk nây, Gâp lah: “Gâp mâu hôm chiăp phung biăp đŏng ôh. Moh biăp khĭt, ăn păng khĭt; moh biăp roh, ăn păng roh; bi ma phung biăp hôm e tâm kăp tâm sa ndrăng khân păng.”

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 27:45

Ntơm bơh nklang bôk nar tât pe mông mhaơ, geh nau ngo nkŭm lam neh ntu.

Kôranh Oh Mon 2:20

Nar mra plơ̆ jêng ngo klĕng, Khay mra jêng mham Lor tât nar dŭt toyh jêh ri chrêk rmah Kôranh Brah.

II Pêtrôs 2:4

Yorlah tơlah Brah Ndu mâu yô̆ an ma phung tông mpăr nôk khân păng ƀư tih, ƀiălah klŭp lơi khân păng tâm ndrung ŭnh jêh ri krŭng prăp tâm ntŭk ngo ngăn gay gŭ kâp tât nar phat dôih;