Êsai 9:18 - Nau Brah Ndu Ngơi 2023

¹⁸ Yor nau Brah Yêhôva ma phung tahan ji nuih, Bri neh ŭnh sa, phung ƀon lan jêng tâm ban ma ndơ ăn ŭnh sa. Bu mâu geh nhhuach ôh ma oh nâu păng.

Êsai 9:18 ပူးပေါင်းရင်းမြစ်များ

I Phung Hađăch 16:21

Nôk nây, phung ƀon lan Israel tâm pă bar phung: du n'gul tĭng ndô̆ Y-Tipni, kon bu klâu Y-Ginat, jêh ri ŭch njêng păng jêng hađăch; du n'gul ri tĭng ndô̆ Y-Ômri.

Nau Mprơ Ơm 37:20

Bi ma phung mhĭk mra rai yot; Phung rlăng Brah Yêhôva mra nâm bu ngi kon biăp, Bu mra su gŭch, rai lêk roh hêt nâm bu nhhŭk tŭk.

Nau Mprơ Ơm 68:2

Roh rai nâm bu nhhŭk ŭnh Kôranh Brah mra ƀư ma khân păng rai lêk lơi kơt nây lĕ; Tâm ban ma mpêt lêk tâm ŭnh Pônây yơh phung ƀai mra roh rai tanăp măt Brah Ndu kơt nây lĕ.

Nau Mprơ Ơm 83:14

Nâm bu ŭnh sa bri, Nâm bu ŭch sa yôk tâm ban lĕ,

Êsai 1:31

Bunuyh ktang mra tâm ban ma rse mhay bu ƀư brai, Nau kan păng tâm ban ma mprănh ŭnh, Lĕ bar ŭnh mra sa ndrel n'grŭp, Mâu geh nơm dơi buh nhhât.

Êsai 1:7

Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 27:4

Gâp mâu hôm ji nuih ôh. Lah păng knŏng deh rtau lok jêh ri pih pŭm, Gâp mra hăn tâm lơh đah khân păng, Gâp mra su lơi khân păng ndrel n'grŭp.

Êsai 3:5

Phung ƀon lan mra tâm tŭn jot ndrăng khân păng, Nơm aơ đah nơm ri, Phung chiau meng đah chiau meng. Kon se suai rak đah bu ranh, Bunuyh dơm dam tŭn jot ma nơm bu yơk.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsai 33:12

Phung ƀon lan mra jêng tâm ban ma klo dôl gŭch, Tâm ban ma lok bu kăl jêh ri su jêh tâm ŭnh.

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 50:11

Aơ, lĕ rngôch khân may jêng phung sŭnh ŭnh, Jêh ri ŭnh rdo, Hăn hom ta nklang mpiăt ŭnh Jêh ri ŭnh rdo khân may su jêh! Aơ jêng nau ti Gâp hŏ ƀư ma khân may: Khân may mra lâng săk ma nau rêh ni!

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Ndrom Samƀŭt bơh Ôsê 13:3

Yor nây, khân păng mra jêng nâm bu ndâr tŭk ơm ôi, Nâm bu dak ngom ang ôi gơnh sơh, Nâm bu njŏk nja sial đô̆ bơh ta nkual mprah ba, Nâm bu nhhŭk ŭnh luh tă bơh mpông bloh!

Yôel 2:20

Gâp mra ăn phung rlăng mpeh pa lơ du ngai ma khân may, Mprơh khân păng tâm ntŭk neh kro nđang jêh ri bri rdah: Mprơh du phung tahan panăp khân păng tâm dak mƀŭt luh nar, Phung tahan pakơi khân păng tâm dak mƀŭt nhâp nar. N'hôl khân păng ƀâu ngăn, N'hôl khân păng luh ƀâu chrĭ.” Yorlah n'hêl nanê̆ Kôranh Brah hŏ ƀư lĕ nau kan toyh.

Yôel 2:3

Tanăp măt khân păng, geh ŭnh sa rvăn, Pakơi khân păng, geh chiông ŭnh sa ƀhiau. Êlor panăp khân păng văch, bri neh nâm bu n'gar Êđen; Pakơi khân păng rgăn, knŏng hôm jêng bri rdah rngot njăp. Mâu geh ôh ndơ dơi klaih bơh khân păng.

Amôt 7:4

Kôranh Brah Yêhôva tâm mpơl ma gâp pô aơ: Aơ, Kôranh Brah Yêhôva njuăl nau phat dôih ma ŭnh; păng ƀư suăt kro ntu jru jêh ri sa rvăn lĕ neh.

Apdia 1:18

Ngih Yakôb mra jêng ŭnh Jêh ri ngih Yôsep mra jêng mpiăt ŭnh; Ngih Êsau mra jêng mbŭch rhe Khân păng mra su jêh ri ŭnh sa. Ngih Êsau mâu hôm geh nơm mra rêh” Yorlah Brah Yêhôva hŏ lah jêh nau nây.

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Nau Vay Nkah Tay 32:22

Yorlah ŭnh nau ji nuih lĕ hit jêh tâm Gâp, Ŭnh nây sa kŏ tât ta mbon ƀon phung khĭt, Ŭnh sa neh jêh ri play do, Ŭnh sa kŏ tât ta mbon phung yôk.

ហេឞ្រើ 6:8

Ƀiălah tơlah ntŭk neh knŏng hon lok jêh ri gơ̆ mhĭk, păng mâu geh nau khlay ôh jêh ri geh nau rtăp rak, tât nglĕ dŭt bu su păng tâm ŭnh.

Nau Tâm Mpơl 14:11

Nhhŭk ŭnh bơh nau nđêh nji khân păng thŭl hao n'ho ro. Phung bunuyh yơk mbah ma mpô mpa dŭt janh ndrel ma rup păng, jêh ri mbu nơm sŏk dơn nau mbên amoh păng, pôri măng nâm nar mâu mâp rlu ôh.”