Êsai 9:14 - Nau Brah Ndu Ngơi 2023

¹⁴ Bôk jêng kôranh bu ranh jêh ri nơm bu yơk Chiăng jêng nơm mbơh lor nti lah nau mƀruh.

Êsai 9:14 ပူးပေါင်းရင်းမြစ်များ

Êsai 10:17

Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 19:15

Tâm bri Êjipt bu mâu hôm dơi kơl ôh, Gĭt lah bôk mâu lah chiăng, nau kan toyh mâu lah kan jê̆.

Êsai 30:13

Yor ri đah khân may, Nau tih aơ tâm ban ma ntŭk trôm đang mpơl ta klơ pêr prêh, Dăch rlâm tŭp ƀât lât, tâm ntơ̆ măt.

Yêrêmi 6:21

Yor ri, Brah Yêhôva lah: “Aơ, Gâp mra dơm ndơ king tanăp phung ƀon lan nây Ƀư ăn khân păng chêh prah; Lĕ rngôch mê̆ mbơ̆ jêh ri phung kon, Phung chiau meng jêh ri mĭt jiăng khĭt roh da dê.”

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Nau Nhĭm Vơl 4:16

Brah Yêhôva hŏ ƀư chah rai khân păng, Păng mâu uănh treng khân păng đŏng ôh. Kôranh ƀư brah mâu nănh n'gơr măt, Phung bu ranh mâu geh nau bu yơk ôh.

Ndrom Samƀŭt bơh Ôsê 1:4

Rnôk nây Brah Yêhôva lah ma păng: “Ntơ hom amoh păng jêng Y-Jesrêel, yorlah mâu hôm jŏ đŏng ôh Gâp mra tâm rmal ma ngih Y-Jêhu ma nau tih pling mham ta ntŭk Jesrêel, jêh ri mra ngroh lơi ƀon bri hađăch ngih Israel.

Ndrom Samƀŭt bơh Ôsê 1:6

Păng ntreo đŏng jêh ri deh du huê kon bu ur. Brah Yêhôva lah ma Y-Ôsê: “Ntơ hom amoh păng jêng H'Lô-Ruhama, yorlah Gâp mâu hôm yô̆ nđach ma ngih Israel, mâu lĕ yô̆ an ma khân păng đŏng ôh.

Ndrom Samƀŭt bơh Ôsê 1:9

Brah Yêhôva lah: “Ntơ amoh păng jêng Y-Lô-Ammi, yorlah khân may mâu hôm jêng phung ƀon lan Gâp đŏng ôh jêh ri Gâp mâu lĕ hôm jêng Brah Ndu khân may.”

Ndrom Samƀŭt bơh Ôsê 10:15

Hơi phung Bêthel, Nây jêng nau bu mra ƀư ma khân may, Yorlah nau djơh mhĭk khân may toyh ngăn. Kêng ơm ôi, Hađăch Israel bu mra nkhĭt lơi.

Ndrom Samƀŭt bơh Ôsê 13:3

Yor nây, khân păng mra jêng nâm bu ndâr tŭk ơm ôi, Nâm bu dak ngom ang ôi gơnh sơh, Nâm bu njŏk nja sial đô̆ bơh ta nkual mprah ba, Nâm bu nhhŭk ŭnh luh tă bơh mpông bloh!

Ndrom Samƀŭt bơh Ôsê 4:5

May mra chêh prah dôl nôk nar; Phung nơm mbơh lor mra chêh prah ndrel may dôl bri măng tâm ban lĕ, Jêh ri Gâp mra ƀư rai mê̆ may.

Ndrom Samƀŭt bơh Ôsê 8:8

Israel bu sa rvăn jêh. Aƀaơ aơ khân păng gŭ ta nklang phung ƀon lan Nâm bu ndô ndơ bu mâu ŭch rŏng ôh.

Amôt 3:12

Brah Yêhôva lah: “Nâm bu phung rmăk biăp knŏng dơi đŏt mphâk bar mlâm jâng, Mâu lah du mlâm trôm tôr luh tă bơh trôm mbung yau mŭr Pôri phung ƀon lan Israel gŭ ta n'gor Samari, Ta njônh sưng jêh ri ta sưng bê̆ch bri Damas Ăt mra dơi rklaih tâm ban pônây lĕ.

Amôt 6:11

Yorlah Brah Yêhôva ntrŭnh nau ntăm pô aơ: Ngih toyh mra mbang nchah lĕ rlâm jêh, Ngih jê̆ mra nchah rhên.

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Nau Tâm Mpơl 18:10

Yorlah klach nau rêh ni păng, rĭ dĭng khân păng gŭ dâk ngai, jêh ri khân păng lah: “Rêh ni ngăn! Rêh ni ngăn! Ƀon dŭt toyh, Ƀon Babilôn ndrŏng kuăng! Knŏng tâm du mông, nau phat dôih ma may tât jêh!”

Nau Tâm Mpơl 18:17

Yorlah tâm du mông, nau dŭt ndrŏng bơh păng rai lĕ jêh.” Lĕ rngôch kôranh kumpăn, lĕ rngôch phung ncho ta klơ kumpăn, phung bunuyh ƀĭt kumpăn jêh ri lĕ rngôch phung tăch rgâl drăp ndơ tâm dak mƀŭt gŭ ngai da dê;

Nau Tâm Mpơl 18:8

Yor ri, tâm du nar lĕ nau rêh ni mra văch ma păng: Nau khĭt, nau klâng ndrê, nau sa sât ji ngot. Ŭnh mra su lơi păng, Yorlah Kôranh Brah, Nơm phat dôih păng, jêng Brah Ndu geh bêng nau dơi.”