Êsai 9:13 - Nau Brah Ndu Ngơi 2023

¹³ Yor nây, knŏng tâm du nar, Brah Yêhôva mra koh lơi bơh phung Israel Nđâp bôk jêh ri chiăng, nđâp ma n'gĭng tơm jŏk ndrel ma tơm rpho.

Êsai 9:13 ပူးပေါင်းရင်းမြစ်များ

II Nau Rêh Jêng 28:22

Tâm nau rêh ni, hađăch Ahas lơ ƀư tih lơn đah Brah Yêhôva;

Ndrom Samƀŭt bơh Yôp 36:13

Nuih n'hâm phung mâu chroh rŏng ma nau ji nuih; Lah geh Păng kât se rvăk mâu đŏng nter gay ăn bu kơl an.

Êsai 1:5

Mâm ƀư khân may ŭch tâm rdâng ƀaƀơ Gay ŭch bu rmal đŏng bơh? Lam bôk sôt rmanh da dê, Nuih n'hâm chah rai da dê.

Êsai 19:15

Tâm bri Êjipt bu mâu hôm dơi kơl ôh, Gĭt lah bôk mâu lah chiăng, nau kan toyh mâu lah kan jê̆.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 7:20

Tâm nar nây, Kôranh Brah mra dŏng pêh poih nkhôm mpeh đah ri dak krong, jêng hađăch bri Asiri, gay poih bôk jêh ri rsau jâng khân may, jêh ri poih nđâp ma têp kang tâm ban lĕ.

Yêrêmi 15:7

Gâp hŏ sŏk dông nsiăng khân păng Ta lĕ ntŭk mpông ƀon tâm n'gor. Gâp hŏ ntŭng rdu phung kon khân păng jêh ri ƀư rai phung ƀon lan Gâp, Yorlah khân păng mâu chalơi trong ơm jêh ri plơ̆ sĭt tay.

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Êsêkiêl 22:24

“Hơi kon bunuyh, lah hom ma păng pô aơ: ‘May jêng bri mâu geh kloh ôh, tâm nar Gâp nuih mâu geh dak mih ôh.

Êsêkiêl 24:13

Nau ƀơ̆ ƀơch may jêng nau tih văng tĭr. Yorlah Gâp hŏ ƀư kloh jêh may ƀiălah may mâu ŭch dơi ƀư kloh, rĭ dĭng may mâu mra dơi ƀư kloh đŏng ôh, kŏ tât nau Gâp ji nuih đah may mâu hôm.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Ndrom Samƀŭt bơh Ôsê 7:16

Khân păng mâu rle mpeh ma Nơm Dŭt Prêh Klơ; Khân păng nâm bu na lĕ djơh jêh, Phung kôranh khân păng cha lôt yor ma đao Yorlah mpiăt khân păng luh nau ngơi ji nuih ngăn. Khân păng jêng ndơ bu gơm mưch Tâm n'gor bri Êjipt.

Amôt 4:10

“Gâp njêng nau ji tưp tât ma khân may nâm bu tâm n'gor bri Êjipt. Gâp nkhĭt jêh phung bu klâu ndăm khân may ma đao Jêh ri seh khân may lĕ Gâp nhŭp jêh. Gâp hŏ ƀư nau ƀâu ôm tă bơh ntŭk khân may njơh, n'hôl tât ma trôm muh khân may. Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah pônây.

Amôt 4:6

“Bi ma Gâp, Gâp hŏ ƀư kloh jêh sêk khân may tâm ăp ƀon khân may Jêh ri ƀư kƀah ƀănh tâm lĕ rngôch ntŭk khân may gŭ. Nđâp lah pônây, khân may mâu lĕ ŭch plơ̆ sĭt ma Gâp!” Brah Yêhôva lah pônây.

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Nau Vay Nkah Tay 4:29

Ƀiălah bơh ntŭk nây đŏng khân may mra joi Yêhôva Brah Ndu jêh ri ndah nâm jŏ khân may joi Păng ma lĕ nuih n'hâm, ma lĕ huêng, pôri khân may mra tâm mâp đah Păng.