Êsai 9:12 - Nau Brah Ndu Ngơi 2023

¹² Ƀiălah phung ƀon lan mâu sĭt ôh ma nơm dong khân păng, Mâu lĕ khân păng joi Brah Yêhôva ma phung tahan.

Êsai 9:12 ပူးပေါင်းရင်းမြစ်များ

II Phung Hađăch 16:6

Rnôk nây, hađăch Aram jêng Y-Rêsin sŏk sĭt tay Êlat ma bri dak Aram. Hađăch mprơh phung Yuđa du luh bơh Êlat, jêh ri phung Êđôm văch tât ma Êlat, gŭ ta nây tât ma nar aơ.

II Nau Rêh Jêng 28:18

Phung Philistin văch rvan đŏng ăp ƀon tâm bri Sêphêla jêh ri Nêgep tâm n'gor Yuđa. Khân păng sŏk pit ƀon Bet-Sêmes, Aijalon, Gêdêrôt, Sôkô nđâp ma ƀon dăch păng, Timna nđâp ma ƀon dăch păng, jêh ri Gimsô nđâp ma ƀon dăch păng; jêh ri khân păng n'ho gŭ tâm ăp ntŭk nây.

Nau Mprơ Ơm 79:7

Yorlah khân păng sa rvăn jêh Yakôb, Jêh ri ƀư rai ntŭk păng gŭ.

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 11:14

Khân păng mra hăn lơh phung Philistin mpeh nhâp nar, Ndrel n'grŭp pit sŏk ndơ phung mpeh Lur Nar; Ti khân păng yơr nau tâm rdâng ma phung Êđôm jêh ri phung Môap, Phung Ammôn mra tông bâr ma khân păng.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 9:17

Yorlah nau ƀai sa tâm ban ma ŭnh, Păng sa rtau lok jêh ri pih pŭm, Păng sa lĕ tơm si ta krŏng mbâl, Ƀư ma ŭnh nhhŭk dŭk dŭk mpăr leo klơ.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 15:7

Gâp hŏ sŏk dông nsiăng khân păng Ta lĕ ntŭk mpông ƀon tâm n'gor. Gâp hŏ ntŭng rdu phung kon khân păng jêh ri ƀư rai phung ƀon lan Gâp, Yorlah khân păng mâu chalơi trong ơm jêh ri plơ̆ sĭt tay.

Yêrêmi 35:11

Ƀiălah rnôk Y-Nêbukatnetsar, hađăch Babilôn, văch lơh bri dak aơ, hên tâm lah ndrăng nơm: ‘Kay lŏng he hăn hao Yêrusalem gay der ma phung tahan Kaldê jêh ri phung tahan Siri.’ Yor nây, hên gŭ tâm ƀon Yêrusalem.”

Yêrêmi 4:8

Yor nây, put hom bok ƀau tâm săk Nhĭm nhhiăng vơl dăn, Yorlah nau Brah Yêhôva ji nuih Ê hŏ du bơh he ôh.”

Êsêkiêl 16:27

Yor ri, Gâp hŏ yơr ti Gâp tâm rdâng ma ay; ƀư n'hŭch n'har bri ay jêh ri jao ay ăn ma phung rlăng ay, jêng phung kon bu ur Philistin, jêh ri khân păng bêk prêng ma nau văng tĭr ay.

Êsêkiêl 6:14

Pônây, Gâp mra yơr ti tâm rdâng ma khân păng, jêh ri lam ntŭk khân păng gŭ, Gâp mra ăn bri dak jêng rngol, roh yot, ntơm bơh bri rdah tât ma ƀon Ribla. Nôk nây khân păng mra gĭt Gâp jêng Brah Yêhôva.”

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Amôt 4:10

“Gâp njêng nau ji tưp tât ma khân may nâm bu tâm n'gor bri Êjipt. Gâp nkhĭt jêh phung bu klâu ndăm khân may ma đao Jêh ri seh khân may lĕ Gâp nhŭp jêh. Gâp hŏ ƀư nau ƀâu ôm tă bơh ntŭk khân may njơh, n'hôl tât ma trôm muh khân may. Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah pônây.

Amôt 4:11

“Gâp hŏ ƀư rai ƀaƀă tâm phung khân may Nâm bu Brah Ndu ƀư rai Sôdôm jêh ri Gômôrơ Jêh ri khân may nâm bu rlŭt ŭnh bu rhuăt bơh ntŭk ŭnh sa, Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah.

Amôt 4:6

“Bi ma Gâp, Gâp hŏ ƀư kloh jêh sêk khân may tâm ăp ƀon khân may Jêh ri ƀư kƀah ƀănh tâm lĕ rngôch ntŭk khân may gŭ. Nđâp lah pônây, khân may mâu lĕ ŭch plơ̆ sĭt ma Gâp!” Brah Yêhôva lah pônây.

Amôt 4:8

Yor ri, bu hăn nsong blêng ntơm bơh ƀon toyh aơ tât ƀon toyh ri gay joi dak nhêt Ƀiălah joi mâu tŏng ôh dak ma nhêt. Ƀiălah khân may mâu plơ̆ sĭt ôh ma Gâp” Brah Yêhôva lah pônây.

Amôt 4:9

“Gâp hŏ dŏng sial duh jêh ri ndrŭng sa ba khân may. Geh âk n'gar trao, đang krăk ƀâu, tơm play rvi, tơm play ôlive khân may geh krah ndrach gĭnh mpŭng jêh. Ƀiălah khân may mâu lĕ plơ̆ sĭt ma Gâp,” Brah Yêhôva lah pônây.

Sôphôni 1:6

Nđâp phung lĕ chalơi jêh mâu tĭng Brah Yêhôva, Phung mâu ŭch joi Brah Yêhôva, jêh ri mâu ôp ôh Păng.

Sôphôni 3:2

Păng mâu tông ôh bâr bu, Mâu dơn nau nkra ntĭm; Mâu rnơm nsing ma Brah Yêhôva, Mâu hăn dăch ôh Brah Ndu păng.

Nau Vay Nkah Tay 31:17

Tâm nar nây, Gâp mra ji nuih ma khân păng. Gâp mra chalơi khân păng jêh ri pôn muh măt Gâp ma khân păng, bu mra kăp rvăn khân păng kđôi jêh ri âk ntil nau mhĭk, nau uh ah tât ma khân păng. Tâm nar nây, khân păng mra lah: ‘Mâu di hĕ nau mhĭk aơ tât ma gâp yorlah Brah Ndu mâu ŭch gŭ ta nklang gâp mâu?’