Êsai 8:20 - Nau Brah Ndu Ngơi 2023

²⁰ Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Êsai 8:20 ပူးပေါင်းရင်းမြစ်များ

Êsra 10:3

Pôri aƀaơ, he tâm rnglăp hom đah Brah Ndu he, mprơh lơi lĕ rngôch phung bu ur nây jêh ri phung kon sau khân păng, tĭng nâm nau nchră bơh kôranh gâp jêh ri bơh phung geh nuih n'hâm klach yơk nau vay ntăm bơh Brah Ndu he. He ƀư hom lĕ nau nây tĭng nau vay Kôranh Brah nti.

Nau Mprơ Ơm 119:130

Nau rblang bơh Nau Ngơi May djôt leo nau ang, Păng ăn nau gĭt rbăng ma phung tông bâr.

Nau Mprơ Ơm 78:5

Păng njêng jêh nau ntĭnh ma Yakôb, Dơm du nau vay tâm phung Israel, Jêh ri ntrŭnh nau ntăm ma phung chô yau he Ntĭm nti tay hom ma phung kon sau khân păng;

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 1:10

Ơ phung chiă uănh ƀon Sôdôm, Gŭ iăt hom nau Brah Yêhôva ngơi! Ơ phung ƀon lan Gômôrơ, Rkêng hom tôr iăt nau vay Brah Ndu he!

Êsai 8:16

Kât nâp hom nau mbơh, nchăng prăp hom nau nti ta nklang phung oh mon Gâp!”

Êsai 8:22

jêh nây khân păng kŭnh uănh ta neh ntu, ƀiălah knŏng saơ nau rêh ni jêh ri nau ngo, nau rngot klâng; bu mra nklơ̆ khân păng tâm nau ngo mbâl.

Yêrêmi 6:16

Brah Yêhôva lah: “Dâk hom kêng lĕ trong hăn jêh ri kâp uănh, Joi ôp lĕ trong ngai kăl e, Uănh ntŭk jêng trong di lĕ trong sŏng jêh ri hăn trong nây, Joi hom ntŭk rlu ăn ma huêng may. Ƀiălah khân păng plơ̆ lah: ‘Hên mâu ŭch hăn trong nây.’

Yêrêmi 8:9

Phung blau mĭn mra prêng, Roh nau duh nđơr jêh ri geh dăk. Khân păng hŏ chalơi nau Brah Yêhôva, Mâm hôm dơi blau mĭn đŏng?

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Mika 3:6

Yor ri, nôk măng mra nkŭm tâm khân may yor nây mâu geh ôh nau tâm saơ; Nau ngo mra văch yor nây mâu geh ôh nau mbơh lor; Nar mra nhâp tâm phung mbơh lor nây Jêh ri nôk nar mra jêng ngo klĕng tâm khân păng.

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 22:29

Brah Yêsu plơ̆ lah: “Khân may vĭ jêh, yorlah khân may mâu gĭt rbăng ôh Nau Brah Ndu Ngơi, mâu đŏng gĭt rbăng ma nau brah Brah Ndu.

Mathay 6:23

ƀiălah tơlah măt may chieh, lĕ săk jăn may mra jêng nau ngo. Pôri, tơlah nau ang tâm may knŏng jêng nau ngo ri mơ nau ngo nây mra toyh ngăn yơh!”

Markôs 10:3

Brah Yêsu ôp: “Moh nau Y-Môis ntăm ma khân may?”

Luka 10:26

Brah Yêsu plơ̆ lah: “Moh ndơ bu nchih jêh tâm nau vay? Mâm nau may gĭt vât?”

Yôhan 5:39

Khân may sek uănh joi Nau Brah Ndu Ngơi, yorlah mĭn tâm nây geh nau rêh n'ho ro. Nau Brah Ndu Ngơi nây yơh mbơh nkoch ma Gâp,

Kôranh Oh Mon 17:11

Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

Samƀŭt Pôl Njuăl Ăn Ma Phung Nsing Ta Ƀon Rôm 1:22

Khân păng êng mbơh khân păng nơm jêng blau mĭn, ƀiălah plơ̆ jêng brŭt rluk.

II Pêtrôs 1:19

Yor ma nau nây, nau mbơh lor hên geh lơ hô ngơi rah vah lơn. Ăn khân may rkêng tôr iăt ma nau aơ nâm bu ŭnh kađen sol ang tâm ntŭk ngo, kŏ tât mpơl nôk nar jêh ri mănh mbing ôi luh tâm nuih n'hâm khân may.

II Pêtrôs 1:9

Yorlah mbu nơm pưt lĕ nau nĕ jêng bunuyh uănh ngai mâu saơ, bunuyh chieh măt, chuêl ma păng nơm geh jêh nau ƀư kloh bơh lĕ nau tih ơm.