Êsai 8:10 - Nau Brah Ndu Ngơi 2023

¹⁰ Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Êsai 8:10 ပူးပေါင်းရင်းမြစ်များ

Nau Ntơm 21:22

Rnôk nây, hađăch Abimêlek jêh ri Y-Pikôl jêng kôranh tahan, lah ma Y-Abraham: “Brah Ndu kơl may tâm lĕ kan may ƀư.

II Samuel 15:31

Bu mbơh ma Y-Đavit: “Y-Ahitôpel đŏng gŭ tâm phung tâm nchră ndrel ma Y-Apsalôm.” Y-Đavit mbơh sơm: “Ơ Brah Yêhôva! Dăn ƀư ma tâm nchră kan Y-Ahitôpel jêng nau rluk.”

II Samuel 17:23

Tơlah Y-Ahitôpel saơ bu mâu ƀư tĭng nau nchră păng, păng dăp ưn seh bri păng hăn trong plơ̆ sĭt ma ngih păng tâm ƀon păng nơm. Jêh păng ƀư lôch lĕ kan ma ngih vâl păng, păng nkhĭt săk nơm. Bu tâp păng tâm môch mbơ̆ păng.

II Samuel 17:4

Nau nchră nây ƀư maak ma Y-Apsalôm jêh ri lĕ rngôch kôranh bu ranh Israel.

II Phung Hađăch 6:12

Du huê tâm phung oh mon păng lah: “Hơi hađăch jêng kôranh gâp, mâu geh tâm hên ôh. Ƀiălah Y-Êlisê, nơm mbơh lor phung Israel, ăn ma hađăch Israel gĭt lĕ nau may ngơi tâm jrô may bê̆ch.”

II Nau Rêh Jêng 13:12

Aơ, Brah Ndu gŭ ndrel ma hên jêh ri chiă uănh ma hên. Phung kôranh ƀư brah Păng djôt nŭng ntrŭt tahan uh huy tâm rdâng đah khân may. Ơ phung Israel! Lơi ta tâm rdâng ôh đah Yêhôva Brah Ndu phung chô yau khân may, yorlah khân may mâu mra dơi ôh!”

Ndrom Samƀŭt bơh Yôp 5:12

Păng ƀư rai lơi nau ndơm bơh phung blau plĕch, Ƀư ăn ti khân păng kan mâu dơi lôch.

Nau Mprơ Ơm 21:12

Kôranh Brah mra ăn khân păng plơ̆ nchuăt du, May van na pănh ta măt khân păng.

Nau Mprơ Ơm 46:1

Brah Ndu jêng ntŭk mbe krap jêh ri nau ktang hên, Păng kơl tâm lĕ nau rêh ni.

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:8

Văch hom uănh lĕ nau kan Brah Yêhôva, Nau Păng ƀư rai ƀư jêh ta neh ntu.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Êsai 14:27

Yorlah Brah Yêhôva ma phung tahan hŏ dăp jêh Mbu nơm chalơi? Ti Păng yơr jêh Mbu nơm dơi rhuăt lơi?

Êsai 28:18

Rnôk nây, nau khân may tâm rnglăp đah nau khĭt mâu mra hôm jêng ôh, Nau khân may tâm rnglăp đah ƀon phung khĭt mâu mra dâk nâp ôh. Lah nau tât ƀư rai bêng ler rgăn, Khân may mra rai yot.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 8:8

n'ho hoch lăp tâm bri Yuđa, hoch ler kơh jêh ri rlêng kŏ tât băm trô ko. Ơ Êmanuel, nting năr păng ling luh nkŭm lĕ bri neh may!”

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 42:11

Lơi ta klach ôh ma hađăch Babilôn, jêng ma nơm khân ay may klach; Brah Yêhôva lah, lơi klach ôh ma hađăch nây, yorlah Gâp gŭ ndrel ma khân ay may gay koh dŏng jêh ri tâm rklaih khân may tă bơh ti hađăch nây.

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Nau Nhĭm Vơl 3:37

Mbu ntrŭnh ăn nau nây tât ngăn, Tơlah mâu di Kôranh Brah hŏ ntĭnh jêh?

Yôel 3:9

Mbơh hom nau aơ ta nklang lĕ bri dak: Ndrăp hom ma nau tâm lơh, Nsônh hom phung tahan janh ktang. Lĕ rngôch phung tahan tâm lơh hăn văch tât hom jêh ri rduh hom tâm lơh!

Ndrom Samƀŭt bơh Agê 1:13

Y-Agê, nơm mbơh bơh Brah Yêhôva, mbơh Nau Mhe Mhan Ueh Brah Yêhôva ma phung ƀon lan pô aơ: “Brah Yêhôva lah: ‘Gâp nơm gŭ ndrel ma khân may.’”

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Samƀŭt Pôl Njuăl Ăn Ma Phung Nsing Ta Ƀon Rôm 8:13

Yorlah tơlah khân may gŭ rêh tĭng nâm nglay săk, khân may mra khĭt; ƀiălah tơlah ma Brah Huêng Ueh ƀư ăn khĭt kan tĭng nâm săk jăn, khân may mra rêh.

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Nau Vay Nkah Tay 20:1

“Lah hăn tâm lơh đah phung rlăng, tơlah khân may saơ khân păng geh âk seh, âk ndeh seh jêh ri phung tahan âk lơn ma khân may, lơi klach ôh, yorlah Yêhôva Brah Ndu khân may jêng Nơm hŏ njŭn leo jêh khân may luh bơh n'gor Êjipt, mra gŭ ndrel ma khân may.

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.