Êsai 7:3 - Nau Brah Ndu Ngơi 2023

³ Brah Yêhôva lah ma Y-Êsai: “May ndrel kon bu klâu may jêng Y-Sêar-Jasup hăn tâm mâp đah Y-Ahas ta dŭt n'ho rmlông dak bơh nglao klơ, ta trong toyh leo tât ta mir phung ƀư kloh bok.

Êsai 7:3 ပူးပေါင်းရင်းမြစ်များ

II Phung Hađăch 16:1

Năm rơh jât ma pơh rnôk rô̆ Y-Pêka, kon Y-Rêmalia chiă uănh, geh Y-Ahas, kon Y-Jôtham hađăch Yuđa, hao jêng hađăch.

II Phung Hađăch 18:17

Ƀiălah hađăch Asiri prơh Y-Tartan, Y-Rabsaris, jêh ri Y-Rapsaka hăn, djôt leo ndrel ma du phung tahan ktang tă bơh Lakis tât ta ƀon Yêrusalem tâm mâp đah hađăch Hêsêkia. Khân păng hao tât ta ƀon Yêrusalem. Tơlah tât ta nây, khân păng gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

II Phung Hađăch 20:20

Lĕ nau kan êng Y-Hêsêkia ƀư, nau ktang păng, nau păng ƀư nglao dak, jêh ri ƀư rmlông dak jêh ri n'hoch ăn tât dak tâm ƀon, mâu di hĕ bu hŏ nchih da dê tâm ndrom samƀŭt nau rêh jêng ma phung hađăch Yuđa?

Nêhêmi 3:16

Ta meng păng Y-Nêhêmi, kon Y-Asbuk, kôranh chiă uănh du n'gul nkual Bet-Sur, nkra tay mpêr ƀon tât ma ntŭk tâm tra đah lĕ môch Y-Đavit, ntu prăp dak jêh ri tât ma ngih phung dăng ktang.

Nau Ngluh Êjipt 7:15

Hăn mâp hom Pharaôn nôk ôi, dôl păng hăn ta kơh dak krong. Kâp hom păng ta kơh dak krong jêh ri may djôt mâng jra tâm ti hŏ tă kêng jêng bêh.

Êsai 10:21

Ƀaƀă phung hôm e klen, jêng phung ƀon lan hôm e klen Yakôb, mra plơ̆ tay ma Brah Ndu nau brah.

Êsai 22:10

Khân may kơp ngih tâm ƀon Yêrusalem, jêh ri ƀư rai lơi bar pe ngih gay ma ăn nâp mpêr ƀon.

Êsai 22:11

Khân may lŏ ndâk ntu prăp dak vah vang bar tăp mpêr ƀon gay prăp dak bơh dak nglao ơm, ƀiălah khân may mâu rnơm ôh ma Nơm ƀư nau nây; khân may mâu uănh ma Nơm hŏ ŭch ƀư nau nây bơh kăl e.

Êsai 36:2

Hađăch bri Asiri njuăl Rabshakeh bơh Lakis tât ta Yêrusalem đah du phung tahan âk gay nkrit nhhu hađăch Hêsêkia. Rabshakeh gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Yêrêmi 22:1

Brah Yêhôva lah: “Hăn trŭnh hom rlet ma ngih hađăch Yuđa, ta nây may mbơh nau ngơi aơ.

Samƀŭt Pôl Njuăl Ăn Ma Phung Nsing Ta Ƀon Rôm 9:27

Bi Y-Êsai hao ngơi ma phung Israel pô aơ: “Nđâp tơlah phung kon Israel âk tâm ban ma choih dak mƀŭt, knŏng du kô̆ hôm e klen mra dơi tâm rklaih;