Êsai 7:16 - Nau Brah Ndu Ngơi 2023

¹⁶ Yorlah êlor ma kon se nây blau dun nau mhĭk jêh ri săch nau ueh, pôri bri dak geh bar hê hađăch may klach nây mra jêng rngot njăp.

Êsai 7:16 ပူးပေါင်းရင်းမြစ်များ

II Phung Hađăch 16:9

Hađăch Asiri dơn nau Y-Ahas dăn, leo phung tahan păng hao lơh pit sŏk ƀon Damas, nhŭp phung ƀon lan tâm ƀon njŭn leo tât ma Kir jêh ri nkhĭt lơi Y-Rêsin.

Êsai 8:14

Păng mra jêng du ntŭk kloh ueh; ƀiălah Păng jêng glo lŭ chêh jâng bu jêh ri lŭ toyh ƀư prah ma lĕ bar đah ndŭl mpôl Israel, ăt jêng tanh srang jêh ri dăk sân ma phung gŭ tâm ƀon Yêrusalem.

Êsai 8:4

yorlah êlor ma kon se nây gĭt kuăl: ‘Mbơ̆ gâp!’ mâu lah, ‘Mê̆ gâp!’ hađăch Asiri mra hăn sŏk lĕ drăp ndơ bơh Damas jêh ri ndơ pit sŏk bơh Samari.”

Êsai 9:11

Phung Aram panăp, jêh ri phung Philistin pakơi, Hă trôm mbung rvăn phung Israel. Nđâp lah kơt nĕ, nau păng ji nuih mâu du ôh, Ƀiălah ti Păng ăt hôm yơr!

Yêrêmi 7:15

Gâp mra mprơh khân may bơh panăp Gâp, nâm bu Gâp hŏ mprơh oh nâu khân may, jêng lĕ rngôch ndŭl mpôl Êphraim.’

Ndrom Samƀŭt bơh Ôsê 5:3

Gâp gĭt ngăn Êphraim, Jêh ri Israel mâu dơi ndâp ôh đah Gâp; Hơi Êphraim, may hŏ jêng bu ur ka n'hong! Bi Israel lĕ ƀơ̆ ƀơch jêh!

Ndrom Samƀŭt bơh Ôsê 5:9

Êphraim mra jêng rngot njăp Tâm nar nau tâm rmal; Ta nklang ndŭl mpôl Israel Gâp mbơh du ntil nau jêng n'hêl nanê̆ ngăn mra geh tât.

Yônais 4:11

Bi Gâp, mâm dĭng Gâp mâu nhhuach ma ƀon Ninive, yorlah tâm ƀon nây geh rmeh ma du rsen bar rmưn bunuyh mâu gĭt tâm rnglah ôh ti pa ma đah ti pa chiau, ndrel ma âk mpô mpa ta nây hĕ?”

Nau Vay Nkah Tay 1:39

Bi phung kon jê̆ khân may, khân may mĭn khân păng mra jêng ndơ ma phung rlăng pit sŏk, jêh ri phung kon bu klâu khân may, nar aơ ê mâp gĭt năl nau ueh mâu lah nau mhĭk, khân păng mra dơi lăp tâm n'gor nây. Gâp mra ăn n'gor nây ma khân păng gay ƀư drăp ndơn.