Êsai 7:14 - Nau Brah Ndu Ngơi 2023

¹⁴ Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 7:14 ပူးပေါင်းရင်းမြစ်များ

Nau Ntơm 16:11

Tông mpăr lah tay ma păng: “Aơ, ay dôl ntreo jêh ri mra deh kon bu klâu, Ntơ amoh păng jêng Y-Ismaêl, Yorlah Brah Yêhôva lĕ tăng jêh nau ay vơl dăn.

Nau Ntơm 29:32

H'Lêa ntreo jêh ri deh du huê kon bu klâu, amoh păng Y-Ruben jêh ri lah: “Brah Yêhôva uănh jêh ma nau rngot gâp, aƀaơ sai gâp mra rŏng ma gâp.”

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Ntơm 30:6

H'Rachel lah: “Brah Ndu hŏ treng uănh ma gâp jêh, tăng jêh bâr gâp, jêh ri ăn ma gâp du huê kon bu klâu.” Yor nây, păng tâm amoh kon nây Y-Dan.

Nau Ntơm 30:8

H'Rachel lah: “Gâp hŏ tâm lơh ktang ngăn đah nur gâp, jêh ri gâp lĕ dơi jêh.” Yor ri, păng ntơ amoh kon nây Y-Naptali.

Nau Ntơm 4:25

Y-Ađam gŭ tay đah ur păng, ur păng deh du huê kon bu klâu, kuăl amoh jêng Y-Set, yor păng lah: “Brah Ndu hŏ ăn đŏng ma gâp du huê kon bu klâu êng ntrok Y-Abel nơm Y-Kain hŏ nkhĭt lơi jêh.”

I Phung Hađăch 13:3

Tâm nar nây, bunuyh Brah Ndu ăn nau mbên khlay jêh ri lah: “Aơ jêng nau mbên khlay gay tâm mpơl pô aơ Brah Yêhôva ngơi jêh: Nơng ƀư brah mra đang jêh ri buh ta klơ nơng ƀư brah mra hŭk.”

Nau Mprơ Ơm 46:8

Văch hom uănh lĕ nau kan Brah Yêhôva, Nau Păng ƀư rai ƀư jêh ta neh ntu.

Êsai 38:7

Aơ jêng nau mbên bơh Brah Yêhôva ăn ma may gay mpơl nau Brah Yêhôva mra ăn tât nau Păng ton nây:

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Êsai 8:8

n'ho hoch lăp tâm bri Yuđa, hoch ler kơh jêh ri rlêng kŏ tât băm trô ko. Ơ Êmanuel, nting năr păng ling luh nkŭm lĕ bri neh may!”

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Yêrêmi 31:22

Ơ bu ur druh mâu răp jăp, Ndah nâm jŏ ay nsong blêng ntŭk aơ ntŭk ri? Yorlah Brah Yêhôva hŏ ƀư jêh du ntil nau mhe ta klơ neh ntu: Nây jêng du huê bu ur mra nkŭm nking du huê bu klâu.”

Yêrêmi 44:29

Brah Yêhôva lah: ‘Aơ jêng nau mbên khlay ăn ma khân may gĭt Gâp mra tâm rmal khân ay may tâm ntŭk aơ, gay ma khân ay may gĭt pô aơ nau Gâp lah ma nau mhĭk tât jêng nau geh ngăn ma khân may.’

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Luka 1:31

Nĕ aơ, ay mra bă ntreo, deh ma du huê kon bu klâu jêh ri mra ntơ amoh YÊSU.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 2:12

Aơ jêng nau mbên gay ma khân may dơn gĭt Păng: Khân may mra tâm mâp du huê kon se jê̆ nkŭm ma bok gŭ bê̆ch tâm hip gơ̆.”

Luka 20:44

Kơt nĕ, hađăch Đavit kuăl Păng jêng Kôranh Brah, mâm ƀư Brah Yêsu dơi jêng kon hađăch nây?”

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

Phung Kôranh Phat Dôih 6:36

Y-Gidêôn ngơi đah Brah Ndu: “Tơlah Kôranh Brah ŭch dŏng ti gâp gay rklaih phung Israel, di nâm nau Kôranh Brah hŏ lah jêh,

I Samuel 1:20

Dôl tâm năm nây lĕ, H'Anna hŏ ntreo jêh ri păng deh du huê kon bu klâu, păng ntơ amoh jêng Y-Samuel, yorlah păng lah: “Gâp hŏ dăn jêh păng tă bơh Brah Yêhôva.”

I Samuel 4:21

Păng ntơ amoh kon se jê̆ nây jêng Y-Ikabôt, yorlah păng lah: “Nau chrêk rmah luh du jêh tă bơh phung Israel!”; păng ŭch lah ma nau bu sŏk jêh Hip Nau Tâm Rnglăp Brah Ndu, jêh ri ma nau khĭt po păng nđâp sai păng.