Êsai 7:13 - Nau Brah Ndu Ngơi 2023

¹³ Y-Êsai lah: “Hơi ngih Y-Đavit, iăt hom! Mâm khân may lah ƀư rsuak bu jêng nau kan jê̆, kŏ aƀaơ khân may ŭch ƀư rsuak Brah Ndu gâp đŏng?

Êsai 7:13 ပူးပေါင်းရင်းမြစ်များ

Nau Ntơm 30:15

Ƀiălah H'Lêa lah: “Ê tŏng hĕ ay pĭt sŏk jêh sai gâp? Aƀaơ ay hôm ŭch sŏk play pom bri bơh kon gâp đŏng?” H'Rachel lah: “Pôri, gâp mra ăn Y-Yakôb bê̆ch ndrel ay măng aơ gay ma gâp dơi geh play pom bri kon ay.”

II Nau Rêh Jêng 21:7

Ƀiălah, yorlah Brah Yêhôva hŏ ƀư jêh nau tâm rnglăp đah Y-Đavit, Păng hŏ ton mra ăn du mlâm ŭnh kađen ma Y-Đavit jêh ri ăn tât ma phung kon sau păng kŏ tât ƀaƀơ n'ho ro, yor ri Păng mâu ŭch ƀư rai ngih Y-Đavit.

Nau Mprơ Ơm 45:5

Lĕ hăr mplanh may Ntâp bluh ta play nuih phung rlăng may; Phung ƀon lan prah tâm dâng jâng may da dê.

Êsai 1:14

Gâp tâm rmot ma lĕ nau rƀŭn khay mhe Jêh ri ma lĕ nau rƀŭn nhêt sông tĭng nâm khân may tâm nal jêh. Khân păng ƀư jâk gâp Lĕ nau rƀŭn nây plơ̆ jêng kan jâk jêr ma Gâp,

Êsai 1:24

Yor nây, Kôranh Brah jêng Brah Yêhôva ma phung tahan, Nơm Nau Brah Israel lah: “Ơ! Nuih n'hâm Gâp mra maak rmal ma phung tâm rdâng đah Gâp, Jêh ri plơng bôk phung rlăng đah Gâp.

Êsai 22:22

Gâp mra dơm keh khuă ngih Y-Đavit ta klơ săng nglik păng. Păng pơk mâu geh nơm dơi nchăng ôh, jêh ri păng nchăng mâu geh nơm dơi pơk ôh.

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 43:24

Khân may mâu sŏk prăk rvăt rpho ƀâu kah ma Gâp, Jêh ri mâu sŏk ngi mpa ƀư brah ƀư ăn Gâp mpay. Ƀiălah may sŏk nau tih may nơm ƀư ma nuih n'hâm Gâp rngot, Jêh ri sŏk nau djơh mhĭk ƀư ma Gâp rgănh jêh.

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Êsai 7:12

Ƀiălah Y-Ahas lah: “Gâp mâu mra dăn ôh jêh ri mâu đŏng janh rlong uănh Brah Yêhôva.”

Êsai 7:2

Tơlah bu mbơh ma ngih Y-Đavit pô aơ: “Phung Aram tâm rnglăp jêh đah phung Êphraim,” nuih n'hâm hađăch Ahas nđâp ma phung ƀon lan râm nsâr tâm ban ma tơm si tâm krŏng n'goh n'gơ tanăp sial.

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Yêrêmi 6:11

Yor nây, nuih n'hâm gâp prăp bêng ma nau ji nuih Brah Yêhôva, Gâp mâu dơi ât rklăk ôh. “Nkhŭt hom nau ji nuih nây ta klơ phung kon se ta trong sâng, Ta klơ phung ndăm dôl tâm rgum; Lĕ rngôch ur nđâp ma sai, Bu ranh jêh ri bunuyh âk năm bu mra nhŭp da dê.

Êsêkiêl 16:20

‘Ay sŏk phung kon bu klâu, phung kon bu ur ay deh ăn ma Gâp jêh djôt nhhơr ƀư mpa ƀư brah ăn ma khân păng gay ma khân păng sa rvăn lơi. Lĕ nau văng tĭr nây jêng ntil nau jê̆ lĕ?

Êsêkiêl 16:47

Bi ay mâu knŏng chuat hăn tâm trong khân păng jêh ri hôm ƀư nau mhĭk tâm ban ma khân păng. Ay kơp nau nây jêng jê̆ lê̆ hĕ? Ay hŏ ƀư êng ma ay nơm mhĭk lơn tâm lĕ rngôch trong ay hăn.

Êsêkiêl 34:18

Phung khân may sa gơ̆ tâm ndrêch gơ̆ nse ueh mâu hŏ tŏng hĕ dĭng khân may sŏk jâng jot plên lơi gơ̆ hôm e? Khân may nhêt dak rsang mâu hŏ tŏng hĕ dĭng khân may sŏk jâng nchŭ lơi ăn rkhăl dak hôm e rmeh?

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Amôt 3:13

Kôranh Brah Yêhôva, Brah Ndu ma phung tahan lah: Iăt hom jêh ri mbơh nau tâm rdâng đah ngih Y-Yakôb.

Malachi 2:17

Khân may hŏ rsuak jêh Brah Yêhôva ma nau khân may ngơi, khân may lah đŏng pô aơ: “Ntŭk geh hên ƀư rsuak Păng?” Nây jêng lah khân may ngơi: “Ăp nơm ƀư nau mhĭk jêng ueh tanăp măt Brah Yêhôva, jêh ri Păng ŭch ngăn phung bunuyh pônây.” Mâu lah ôp: “Ta ntŭk gŭ Brah Ndu nau sŏng?”

Nau Kơp Bunuyh 16:13

Di lĕ jêng du nau jê̆ nau may hŏ njŭn leo hên du luh bơh n'gor bêng ma dak toh jêh ri dak sŭt, gay khĭt tâm bri rdah, gay njêng may nơm kôranh hên?

Nau Kơp Bunuyh 16:9

Brah Ndu phung Israel hŏ prăp êng jêh khân may bơh phung Israel tâm rƀŭn, jêh ri djôt leo khân may hăn dăch Păng, gay ƀư kan tâm Ngih Bok Brah Yêhôva, jêh ri pah kan tanăp phung tâm rƀŭn. Nau pah kan ma khân păng jêng jê̆ lĕ?

Luka 1:69

Păng hŏ n'hao ma phung he, tâm ngih Y-Đavit, oh mon Păng, Du huê Nơm Tâm Rklaih bêng nau brah!

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

ហេឞ្រើ 3:10

Pôri, Gâp ji nuih jêh ma phung rnôk nĕ, Jêh ri lah: ‘Nuih n'hâm khân păng vĭ nhhơt mro, Mâu gĭt trong Gâp ôh.’