Êsai 7:11 - Nau Brah Ndu Ngơi 2023

¹¹ “Dăn hom du nau tâm mbên khlay bơh Yêhôva Brah Ndu may, tâm dâng nau jru tâm ƀon phung khĭt mâu lah tâm klơ trôk.”

Êsai 7:11 ပူးပေါင်းရင်းမြစ်များ

I Phung Hađăch 13:3

Tâm nar nây, bunuyh Brah Ndu ăn nau mbên khlay jêh ri lah: “Aơ jêng nau mbên khlay gay tâm mpơl pô aơ Brah Yêhôva ngơi jêh: Nơng ƀư brah mra đang jêh ri buh ta klơ nơng ƀư brah mra hŭk.”

II Phung Hađăch 19:29

Hơi Y-Hêsêkia, aơ mra jêng nau mbên ma may: Năm aơ may mra sa play kao hon êng; năm rơh bar sa play kao chăt hon bơh găr ntil êng tŭp; ƀiălah tât năm rơh pe, srih hom jêh ri rek hom, tăm tơm krăk ƀâu jêh ri sa play păng.

Nau Ngluh Êjipt 7:9

“Lah Pharaôn đă khân may: ‘Ƀư hom du nau mbên khlay,’ ăn may ngơi đah Y-Arôn: ‘Sŏk hom mâng jra may jêh ri klŭp păng tanăp măt Pharaôn, păng mra jêng bêh.’”

Êsai 37:30

Hơi Y-Hêsêkia, aơ mra jêng nau mbên ma may: Năm aơ may mra sa play kao hon êng, năm rơh bar sa play kao chăt hon bơh găr ntil êng tŭp; ƀiălah tât năm rơh pe, srih hom jêh ri rek hom, tăm tơm krăk ƀâu jêh ri sa play păng.

Êsai 38:22

Y-Hêsêkia ôp: “Geh nau tâm mbên gay ăn ma gâp gĭt lĕ, gâp hôm dơi hao ta ngih Brah Yêhôva?”

Êsai 55:13

Tơm si mirtơ mra hon ntrok ma pŭm lok, Jêh ri tơm si mirtơ mra hon ntrok ma lok rting; Nau nây mra jêng ndơ gĭt năl ma amoh Brah Yêhôva, Jêh ri jêng du nau tâm mbên n'ho ro, mâu mâp ƀư rai ôh.”

Êsai 7:10

Brah Yêhôva ngơi tay đah Y-Ahas:

Êsai 7:12

Ƀiălah Y-Ahas lah: “Gâp mâu mra dăn ôh jêh ri mâu đŏng janh rlong uănh Brah Yêhôva.”

Yêrêmi 19:1

Brah Yêhôva lah: “May tât hom ntŭk nơm mon glah rvăt du mlâm yăng ma neh gŭch. Jêh nây may jă du huê bar hê phung kôranh bu ranh tâm phung ƀon lan jêh ri phung kôranh ƀư brah ranh rlau lơn hăn ndrel ma may

Yêrêmi 19:10

Jêh nây may dong nchah yăng tanăp phung bunuyh hăn ndrel ma may,

Yêrêmi 44:29

Brah Yêhôva lah: ‘Aơ jêng nau mbên khlay ăn ma khân may gĭt Gâp mra tâm rmal khân ay may tâm ntŭk aơ, gay ma khân ay may gĭt pô aơ nau Gâp lah ma nau mhĭk tât jêng nau geh ngăn ma khân may.’

Luka 2:12

Aơ jêng nau mbên gay ma khân may dơn gĭt Păng: Khân may mra tâm mâp du huê kon se jê̆ nkŭm ma bok gŭ bê̆ch tâm hip gơ̆.”