Êsai 66:8 - Nau Brah Ndu Ngơi 2023

⁸ Mbu nơm mâp tăng nau tâm ban pônây? Mbu nơm mâp saơ nau geh tâm ban pônây? Geh lĕ du bri dak ji deh tâm du nar, Mâu lah du ndŭl mpôl bunuyh bu deh tâm du nar dơm? Bi ma ƀon Siôn ntơm bê̆ch veng ŭnh, Hŏ deh kon jêh.

Êsai 66:8 ပူးပေါင်းရင်းမြစ်များ

Êsai 64:4

Bơh rnôk ơm, bu mâu mâp tăng ôh, Tôr mâu mâp tăng, măt mâu mâp saơ, Rlau ma May, Mâu geh Brah Ndu êng ôh, Nơm hŏ pah kan kơl kơt nĕ ma phung gŭ kâp Păng.

Yêrêmi 18:13

Yor ri, Brah Yêhôva lah: “Ôp hom tâm lĕ bri dak Geh nơm hŏ mâp tăng jêh nau tâm ban pônây lĕ? Bu ur druh Israel Hŏ ƀư du nau mhĭk toyh ngăn.

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Kôranh Oh Mon 21:20

Jêh tăng nau nây, khân păng tâm rnê ma Brah Ndu, jêh ri khân păng lah ma Y-Pôl: “Hơi nâu, may saơ nây, geh âk rmưn phung Yuđa hŏ chroh; lĕ rngôch khân păng duh nđơr djôt nau vay.

Kôranh Oh Mon 4:4

Nđâp tơlah kơt nây, geh âk bunuyh tâm phung khân păng hŏ tăng jêh nau Kôranh Brah ngơi jêh ri chroh, jêh ri rnoh phung bu klâu chroh tât prăm rbăn nuyh.

I Kôrintô 2:9

Ƀiălah, tâm ban ma nau nchih: “Lĕ nau măt mâu mâp saơ, tôr mâu mâp tăng, Jêh ri nuih n'hâm mâu mâp mĭn Brah Ndu hŏ ơm rơm jêh ma phung bunuyh rŏng ma Păng.”