Êsai 66:5 - Nau Brah Ndu Ngơi 2023

⁵ Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Êsai 66:5 ပူးပေါင်းရင်းမြစ်များ

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

II Phung Hađăch 22:10

Kôranh nchih samƀŭt Y-Saphan lah tay: “Kôranh ƀư brah toyh lơn Y-Hilkia ăn ma gâp du ndrom samƀŭt.” Jêh nây Y-Saphan răk ndrom samƀŭt nây ma hađăch tăng.

II Nau Rêh Jêng 34:27

‘Tơlah may tăng jêh nau Gâp lah tâm rdâng đah ntŭk aơ jêh ri phung ƀon lan gŭ tâm ntŭk aơ, pôri may geh nuih n'hâm rdơ̆ rbăn, ntrŭnh dêh rhêt tanăp măt Gâp, nkhêk ao jêh ri nhhiăng nhĭm tanăp măt Gâp, yor ri Gâp hŏ tăng jêh nau may; Brah Yêhôva lah kơt nây.

Êsra 9:4

Lĕ rngôch phung bunuyh tâm rƀŭn gŭ jŭm gâp, klach râm nsâr ngăn ma nau ngơi Brah Ndu Israel, yorlah tih mâu geh gŭ ueh răp jăp phung tă ƀư bu nă lĕ sĭt jêh hŏ ƀư tih; bi gâp lĕ krit ngăn gŭ ta nây kŏ tât mông nhhơr ndơ ƀư brah kêng mhaơ.

Nau Mprơ Ơm 119:120

Nglay săk gâp râm sâr yor klach ma May, Gâp klach râm sâr đŏng gŭ tanăp nau May phat dôih.

Nau Mprơ Ơm 38:20

Bi phung mplơ̆ nau mhĭk ntrok nau ueh gâp tâm rdâng đah gâp, Yorlah gâp ŭch hăn tĭng nau ueh.

Nau Hôr 13:13

Mbu nơm tâm rmot nau bu nti mra roh păng nơm, Bi ma nơm klach yơk nau vay ntăm nanê̆ mra geh nau nkhôm.

Nau Mprơ Ueh 1:6

Lơi ntrâng uănh ma gâp yorlah gâp krăk, Nar hŏ ƀư nđat ntâu gâp; Phung kon bu klâu mê̆ gâp ji nuih ma gâp, Hŏ jao ma gâp mât mray lĕ mir krăk ƀâu; Bi mir krăk ƀâu êng gâp nơm, gâp mâu mât mray!

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 5:19

Khân păng lah: “Dăn ƀư ndal jêh ri ƀư gơnh nau kan Păng, Gay ma hên dơi saơ! Dăn nau dăp dơm Nơm Kloh Ueh Israel dơi ƀư, dơi jêng Gay ma hên dơi gĭt!”

Êsai 60:15

Ntrok bu hŏ chuêl jêh ri tâm rmot jêh ma may, Kŏ tât mâu geh nơm hăn rgăn ta ntŭk may ôh, Ri mơ Gâp mra ăn may nau yơk mro mrăng, Jêh ri jêng nau răm maak ma âk rô̆.

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Yêrêmi 36:16

Ƀiălah, tăng jêh lĕ rngôch nau ngơi, khân păng klach tâm rle uănh ndrăng nơm jêh nây lah ma Y-Baruk; “Hên mra mbơh ma hađăch lĕ nau ngơi aơ.”

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Mathay 10:22

Lĕ rngôch bunuyh mra tâm rmot ma khân may yor amoh Gâp, ƀiălah mbu nơm nâp nuih n'hâm tât lôch dŭt mra dơi rklaih.

Luka 13:17

Dôl Păng ngơi pônây, lĕ rngôch phung tâm rdâng đah Păng bêk da dê, jêh ri lĕ phung ƀon lan răm maak ma lĕ nau khlay ngăn Păng hŏ ƀư.

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Yôhan 9:34

Khân păng plơ̆ lah: “Bu deh ma may tâm nau tih, may ŭch nti hên đŏng hĕ?” Jêh nây khân păng mprơh păng luh padih.

II Têsalônik 1:12

kŏ tât amoh Kôranh Brah he jêng Brah Yêsu geh nau tâm rnê tâm khân may, jêh ri khân may tâm Păng, tĭng nâm nau yô̆ bơh Brah Ndu he jêh ri bơh Kôranh Brah jêng Brah Yêsu Krist.

Titus 2:13

dôl gŭ kâp nau kâp gân ueh maak jêh ri nau tâm mpơl ma nau chrêk rmah Brah Ndu dŭt toyh, jêng Nơm Tâm Rklaih he đŏng jêng Brah Yêsu Krist,

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

I Yôhan 3:13

Hơi phung oh nâu, tơlah neh ntu tâm rmot ma khân may, lơi hih rhâl.