Êsai 66:20 - Nau Brah Ndu Ngơi 2023

²⁰ Brah Yêhôva lah: “Phung bu năch mra njŭn lĕ rngôch phung oh nâu khân may plơ̆ sĭt bơh lĕ rngôch bri dak. Khân păng rdeng khân may klơ seh, ndeh, tâm ưn, ncho seh bri jêh ri seh samô, hăn ta yôk kloh ueh Gâp jêng Yêrusalem, gay nhhơr khân păng tâm ban ma du mpa nhhơr ma Brah Yêhôva; tâm ban đŏng phung Israel djôt leo mpa nhhơr tâm ndơ dŏng kloh rsang lăp ma ngih Brah Yêhôva.”

Êsai 66:20 ပူးပေါင်းရင်းမြစ်များ

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Êsai 54:3

Yorlah ay mra ƀư dĭ mpeh pa ma jêh ri mpeh pa chiau; Phung kon sau ay mra pit in lĕ bri dak jêng ndrăp ndơn, Khân păng mra ƀư ăn lĕ ƀon toyh jêng rngol jêh plơ̆ jêng âk phung ƀon lan.

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Êsai 65:11

Bi ma khân may, jêng phung chalơi jêh Brah Yêhôva Jêh ri chuêl yôk kloh ueh Gâp; Jêng phung nkra sưng sông sa ma brah Ƀŭn Lap, Jêh ri kêt bêng ndrănh tâm lŭk ăn ma brah Veh;

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Daniel 11:45

Păng mra rdâk ngih bok ngih hađăch păng ta vah vang ta nklang dak mƀŭt jêh ri ta yôk kloh ueh chrêk rmah. Ƀiălah mrô nar nglĕ dŭt păng mra tât mâu geh du huê nơm sâm kơl ôh.”

Sôphôni 3:10

Tă bơh đah ri kơh dak krong n'gor Kus, Phung yơk mbah ma Gâp, Nây jêng phung Gâp hŏ ƀư du pru, Mra leo ndơ nhhơr ma Gâp.

Nau Kơp Bunuyh 7:3

Khân păng djôt leo lĕ ndơ nhhơr tât tanăp Brah Yêhôva: Prao bôk ndeh geh ndơ nkŭm jêh ri jât ma bar mlâm ndrôk nkuăng; ăp kôranh chiă uănh nhhơr du mlâm ndrôk jêh ri bar hê bunuyh nhhơr du bôk ndeh. Khân păng nhhơr lĕ ndơ nhhơr panăp Ngih Bok.

Nau Kơp Bunuyh 7:62

du kachok mah du rhiăng jât mprăm gram bêng ma dak si ƀâu kah;

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

Philip 2:17

Nđâp tơlah mham gâp nkhŭt ta klơ ndơ nhhơr. jêh ri kan nau chroh khân may, gâp maak lĕ jêh ri maak ndrel ma khân may lĕ rngôch

I Pêtrôs 2:5

Ăn Păng dŏng hom khân may nâm bu lŭ rêh gay rdâk du mlâm ngih brah, jêh ri tă bơh Brah Yêsu Krist, khân may kan kôranh ƀư brah kloh ueh, gay nhhơr ndơ ƀư brah, ƀư maak nuih n'hâm Brah Ndu.