Êsai 66:18 - Nau Brah Ndu Ngơi 2023

¹⁸ “Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Êsai 66:18 ပူးပေါင်းရင်းမြစ်များ

Ndrom Samƀŭt bơh Yôp 42:2

“Gâp gĭt jêh Kôranh Brah dơi ƀư lĕ ntil nau, Bu mâu dơi buay nau May ŭch ƀư.

Nau Mprơ Ơm 139:2

May gĭt lĕ dôl gâp gŭ, dôl gâp dâk; Ntơm bơh ngai may gĭt rah vah nau mĭn gâp.

Nau Mprơ Ơm 67:2

Gay trong May dơi gĭt tâm neh ntu Nau May tâm rklaih dơi gĭt ta nklang lĕ bri dak.

Nau Mprơ Ơm 72:11

Ăn lĕ rngôch phung hađăch mra chon mon tanăp hađăch; Lĕ rngôch mpôl băl mra pah kan ma hađăch.

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 82:8

Ơ Brah Ndu, dăn gơnh oi phat dôih neh ntu, Yorlah lĕ rngôch mpôl băl bunuyh jêng drăp ndơn May da dê.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nau Mprơ Ơm 94:11

Brah Yêhôva gĭt năl lĕ nau mĭn kon bunuyh, Khân păng knŏng jêng nau dơm dam.

Nau Mprơ Ơm 97:6

Lĕ ndâr trôk mbơh nau sŏng srăng Păng, Lĕ rngôch phung ƀon lan uănh nau chrêk rmah Păng.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 2:2

Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ lĕ gôl yôk, Prêh lơn ma lĕ rngôch yôk. Lĕ rngôch bri dak mra hăn plơ̆ sĭt ta nây,

Êsai 37:28

Ƀiălah Gâp gĭt dôl may gŭ, dôl may gŭ nsrâng; Dôl may hăn luh, tơlah may hăn lăp, Jêh ri nđâp lah may ji nuih tâm rdâng đah Gâp.

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 55:8

Brah Yêhôva lah: “Nau Gâp mĭn mâu di jêng nau khân may mĭn ôh, Trong khân may mâu di jêng trong Gâp ôh.

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Êsai 57:12

Aơ, Gâp nơm yơh mra mpơl nau ƀư tĭng nau rêh sŏng srăng may, Ƀiălah lĕ nau kan nĕ mâu geh khlay ma may.

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Êsai 65:2

Lĕ nar Gâp yơr ti Mpeh du phung ƀon lan vay tâm rdâng; Jêng phung hăn tâm trong mâu ueh, Tĭng nâm nau mĭn khân păng nơm;

Êsai 66:10

Ơ lĕ rngôch phung rŏng ma Yêrusalem! Hâk maak hom ma păng, maak hom yor păng. Ơ lĕ rngôch phung rngot klâng ma Yêrusalem! Maak ndrel hom ma păng.

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 3:17

Rnôk nây bu mra ntơ Yêrusalem jêng sưng Hađăch Brah Yêhôva. Lĕ rngôch mpôl bunuyh mra tâm rƀŭn tâm amoh Brah Yêhôva ta ƀon Yêrusalem, khân păng mâu mra dăng bôk ôh rêh tĭng nuih n'hâm mhĭk khân păng nơm đŏng.

Êsêkiêl 38:10

Kôranh Brah Yêhôva lah: “Tâm lĕ rngôch nar nây, geh nau mĭn mra nsĭch tâm rngok may jêh ri may mra geh mĭn nkra nau ƀư ƀai.

Êsêkiêl 39:21

“Gâp mra mpơl nau chrêk rmah Gâp tâm lĕ bri dak; lĕ rngôch ntil mpôl bunuyh mra saơ nau Gâp phat dôih jêh ri dơm ti Gâp ta klơ khân păng.

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Sakari 14:16

Jêh nây, lĕ rngôch phung hôm klen tâm lĕ bri dak tă lơh jêh ƀon Yêrusalem mra hăn hao ta nây ăp năm gay yơk mbah panăp măt Hađăch jêng Brah Yêhôva ma phung tahan, jêh ri văch râng kah gĭt nau rƀŭn Ngih Ndưp.

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Mathay 12:25

Brah Yêsu gĭt nau mĭn khân păng jêh ri lah: “Ƀon bri hađăch tâm nkhah tâm pă păng nơm mra rai yot, ăp ƀon mâu lah ăp ngih tâm nkhah tâm pă păng nơm mâu mra dơi gŭ ƀaƀơ ôh.

Mathay 9:4

Brah Yêsu hŏ gĭt jêh nau mĭn khân păng, Păng lah: “Mâm ƀư khân may geh nau mĭn mhĭk tâm nuih n'hâm kơt nây?

Luka 5:22

Ƀiălah Brah Yêsu gĭt jêh nau mĭn khân păng, jêh ri lah pô aơ: “Mâm ƀư khân may mĭn êng tâm nuih n'hâm tâm ban pônây?

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Yôhan 5:42

ƀiălah Gâp gĭt jêh khân may mâu geh nau rŏng Brah Ndu gŭ tâm khân may ôh.

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

I Kôrintô 3:20

Jêh ri: “Kôranh Brah gĭt năl lĕ nau mĭn phung blau mĭn Jêng mâu khlay ôh.”

Nau Vay Nkah Tay 31:21

Lah geh âk nau mhĭk jêh ri nau uh ah nkhŭt ma khân păng, nau mprơ aơ mra jêng du nau mbơh tâm rdâng đah khân păng, yorlah noi deh khân păng mâu mra dơi chuêl nau mprơ aơ. Nanê̆ ngăn, Gâp hŏ gĭt lĕ nau mĭn khân păng nar aơ êlor ma Gâp njŭn khân păng lăp tâm n'gor Gâp hŏ ton jêh ăn ma khân păng.”

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 2:13

‘Gâp gĭt ta ntŭk may gŭ; ntŭk nây jêng sưng hađăch Satan. May djôt nâp amoh Gâp jêh ri may mâu dun ôh nau chroh ma Gâp, nđâp tâm lĕ nar Y-Antipas, bunuyh mbơh răp jăp ma Gâp, bu hŏ nkhĭt păng ta ntŭk khân may, ta nây Satan gŭ.

Nau Tâm Mpơl 2:2

‘Gâp gĭt năl lĕ kan may ƀư jêh, nau jâk jêr may, nau may srôih. Gâp gĭt may mâu dơi dơn phung mhĭk, jêh ri rlong uănh jêh phung kơp êng săk khân păng nơm jêng kôranh oh mon, ƀiălah mâu di jêng kôranh oh mon, jêh ri may gĭt năl jêh khân păng jêng phung ngơi mƀruh.

Nau Tâm Mpơl 2:9

‘Gâp gĭt năl nau rêh ni jêh ri nau o ach may, ƀiălah may jêng ndrŏng ngăn! Gâp gĭt lĕ nau nchơt bơh phung kơp êng săk khân păng nơm jêng phung Yuđa, ƀiălah nanê̆ mâu di, ƀiălah khân păng jêng phung ngih rƀŭn Satan.