Êsai 66:15 - Nau Brah Ndu Ngơi 2023

¹⁵ Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Êsai 66:15 ပူးပေါင်းရင်းမြစ်များ

Nau Mprơ Ơm 11:6

Păng mra nkhŭt dak mih nau mhĭk tât ta klơ phung ƀai: Ŭnh hit, lŭ mô ŭnh jêh ri sial duh Mra jêng kachok prăp êng ma khân păng.

Nau Mprơ Ơm 18:9

Păng rklêng trôk jêh ri jŭr gŭ; Tâm dâng jâng Păng geh ndâr tŭk krăk mbâl.

Nau Mprơ Ơm 21:9

Tơlah Kôranh Brah gŭ ta nây, May ƀư ma khân păng nâm bu ŭnh năk duh; Tâm nau păng ji nuih, Brah Yêhôva mra rvăn ăn khân păng Jêh ri ŭnh mra sa khân păng.

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Nau Mprơ Ơm 68:17

Ndeh Brah Ndu âk rbăn, âk rmưn, mâu dơi kơp; Kôranh Brah gŭ tâm nklang lĕ ndeh nây, Bơh yôk Sinai chuat lăp tâm ntŭk kloh ueh.

Nau Mprơ Ơm 97:3

Ŭnh mpăr tanăp Păng Jêh ri su lĕ rngôch phung rlăng văr jŭm Păng.

Êsai 10:17

Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 30:30

Brah Yêhôva mra ăn bu iăt bâr nau rnam Păng. Păng mra ăn bu saơ ti ktang Păng tâm nau ji nuih, ma ŭnh sa, ma sial phŭt, sial phŭt ktang jêh ri mih pler.

Êsai 30:33

Yorlah Tôphet hŏ ndrăp jŏ jêh, bu nkra păng ma hađăch. Păng jru jêh ri dĭ, geh âk ŭnh jêh ri long; n'hâm Brah Yêhôva tâm ban ma n'hor dak mô ŭnh su sa păng.

Êsai 31:9

Lŭ toyh păng rnơm mra rlau lôch yor nau klach krit, Phung kôranh chiă uănh păng mra râm nsâr, yor saơ n'ha kơ, Nây jêng nau Brah Yêhôva lah, Nơm geh ŭnh ta Siôn, ŭnh năk tâm ƀon Yêrusalem.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Êsai 51:20

Phung kon bu klâu may khĭt huăr da dê, Bê̆ch lă lêng tâm lam lĕ trong sâng, Tâm ban ma yơng geh nhuăl, Khân păng gŭ tâm dâng nau Brah Yêhôva ji nuih Jêh ri nau Brah Ndu khân may nduyh!

Yêrêmi 25:37

Đơ ndrêch gơ̆ đăp mpăn hŏ jêng bri hŏng Yor nau ji nuih Brah Yêhôva.

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Yêrêmi 4:3

Brah Yêhôva lah ma phung Yuđa jêh ri phung ƀon lan Yêrusalem pô aơ: “Chuar hom neh hŏng, Lơi ta srih tăm ôh tâm nklang pôm lok.

Yêrêmi 46:15

Mâm ƀư brah ndrôk Apis may du krap, Ndrôk may mâu dơi tâm rdâng ôh? Yorlah Brah Yêhôva hŏ mprơh jêh khân păng du.

Êsêkiêl 38:17

Kôranh Brah Yêhôva lah: ‘Mâu di kăl e Gâp hŏ dŏng oh mon Gâp jêng nơm mbơh lor Israel lah jêh? Tâm rnôk nây, âk năm rlau khân păng hŏ mbơh lor pô aơ Gâp mra ăn may tât tâm lơh đah phung ƀon lan Gâp.’

Êsêkiêl 5:15

Tơlah Gâp hao ji nuih phat dôih may, nkhŭt nau ji nuih nduyh nkra may, pôri may mra jêng bêk prêng jêh ri nau bu mưch rmot, nau mbơh lor jêh ri nau krit toyh ăn ma bri dak gŭ jŭm may. Gâp yơh jêng Brah Yêhôva lah pônây!

Daniel 11:40

Ta rnôk nglĕ dŭt, hađăch mpeh pa dâng mra hăn tâm lơh đah hađăch mpeh pa lơ. Ƀiălah hađăch mpeh pa lơ djôt ndeh seh, phung tahan ncho seh jêh ri âk kumpăn hăn tâm lơh nâm bu phŭt chuănh. Hađăch nây hôm e hăn lơh lĕ bri dak, ler nâm bu dak lip.

Daniel 7:10

Tanăp măt Păng, Du n'hor dak krong ŭnh hoch. Rbăn rbăn nuyh pah kan ma Păng Rmưn rmưn gŭ tanăp Păng Phung phat dôih ntơm phat dôih, Ndrom samƀŭt hŏ pơk jêh.

Ndrom Samƀŭt bơh Ôsê 8:7

Yorlah khân păng hŏ srih jêh sial mra rek phŭt chuănh. Khân păng jêng tơm ba dâk mâu geh găr, Mâu mra luh jêng rnih môi ôh. Tơlah păng mâu geh luh rnih môi Pôri phung bu năch ăt mra rvăn lĕ.

Amôt 7:4

Kôranh Brah Yêhôva tâm mpơl ma gâp pô aơ: Aơ, Kôranh Brah Yêhôva njuăl nau phat dôih ma ŭnh; păng ƀư suăt kro ntu jru jêh ri sa rvăn lĕ neh.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Habakuk 3:8

Ơ Brah Yêhôva, di lĕ May ji nuih đah lĕ dak krong? Di lĕ nau May ji nuih tâm rdâng đah lĕ dak n'hor? Geh lĕ nau May hao nuih tâm rdâng đah dak mƀŭt, Lah May ncho seh ndrel ndeh seh gay tâm rklaih lĕ?

Sakari 6:1

Gâp n'gơr đŏng măt jêh ri uănh saơ, geh puăn mlâm ndeh seh luh tă bơh ta nklang bar mlâm yôk, lĕ yôk nây jêng yôk ma kông.

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.

Nau Vay Nkah Tay 28:20

Tơlah khân may ƀư nau djơh mhĭk jêh ri chalơi Brah Yêhôva pôri Păng mra ăn tât nau mhĭk, nau krit klach jêh ri nau phit ndrŏt tâm khân may, tâm lĕ nau kan ti khân may ƀư, kŏ tât khân may rai jêh ri gơnh rai lôch ro.

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.