Êsai 65:6 - Nau Brah Ndu Ngơi 2023

⁶ Aơ jêng nau hŏ nchih prăp jêh tanăp Gâp: “Gâp mâu mra gŭ rklăk ôh, ƀiălah mra plơng bôk; Ngăn yơh, Gâp mra plơng bôk di nanê̆

Êsai 65:6 ပူးပေါင်းရင်းမြစ်များ

Nau Mprơ Ơm 107:17

Phung rluk geh nau rêh ni yorlah nau gŭ ngao tih, Jêh ri rêh ni yor nau djơh mhĭk khân păng nơm.

Nau Mprơ Ơm 109:14

Ăn bu nkah tay lĕ nau mhĭk phung chô yau păng tanăp măt Brah Yêhôva; Nau tih me păng bu mâu jut lơi ôh.

Nau Mprơ Ơm 50:21

Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Nau Mprơ Ơm 50:3

Brah Ndu he văch tât jêh ri mâu gŭ rklăk ôh. Tanăp Păng jêng ŭnh hit, Văr jŭm Păng jêng geh phŭt sial chuănh hâu ngăn.

Nau Mprơ Ơm 56:8

May kơp ăp nhuat gâp hăn nsong: Dăn May dơ dak măt gâp tâm kachok May. Dak măt gâp mâu dơi nchih tâm ndrom samƀŭt May hĕ?

Nau Mprơ Ơm 79:12

Ơ Kôranh Brah, dăn mplơ̆ lơi ro ma lĕ bri dak văr jŭm hên bar âk lơn tơ̆ pơh. Ma nau khân păng ƀư mhĭk jêh ma May.

Nau Ngluh Êjipt 17:14

Brah Yêhôva lah ma Y-Môis: “Nchih hom nau aơ tâm ndrom samƀŭt gay ma ndray jêh ri nkoch ăn ma Y-Yôsuê gĭt nau aơ Gâp mra jut lĕ nau ndray ma phung Amalek tâm neh ntu aơ.”

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsai 42:14

Jŏ jêh Gâp gŭ rklăk, Gâp hŏ gŭ rklăk, Gâp hŏ kuăn rdâng Gâp nơm. Ƀiălah aƀaơ aơ, Gâp nter, ngơi nthôk nthơk, nsôr n'hâm mâu luh n'hâm, Tâm ban ma du huê bu ur deh kon,

Êsai 59:18

Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Êsai 64:12

Ơ Brah Yêhôva, lĕ kơt aơ nau tât, Mâm nuih n'hâm May hôm dun? Mâm May hôm gŭ rklăk Gay ƀư rêh ni hên rlau keh?

Êsai 66:6

Iăt hom, geh bâr drơu drơu bơh ƀon toyh, Geh nau nter bơh ngih brah, Păng jêng bâr Brah Yêhôva, Nơm plơng bôk ma phung rlăng đah Păng.

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Êsêkiêl 11:21

Ƀiălah phung geh nuih n'hâm ŭch ma lĕ ndơ tâm rmot jêh ri ƀơ̆ ƀơch Gâp mra ƀư ma trong khân păng nkhŭt tay ta klơ bôk khân păng nơm,’ Yêhôva Brah Ndu lah pônây.”

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Êsêkiêl 9:10

Bi ma Gâp, măt Gâp uănh mâu mra nhhuach ôh, mâu mra yô̆ klâng lĕ. Gâp mra ƀư trong khân păng nkhŭt ta klơ bôk khân păng nơm.”

Yôel 3:4

Hơi ƀon Tyre jêh ri Sidôn ndrel ma lĕ rngôch nkual neh Philistin, moh khân may jêng ma Gâp? Di lĕ khân may ŭch plơng bôk ma Gâp? Tơlah kơt nây Gâp mra ăn nau khân may ƀư nkhŭt tay ta klơ bôk khân may nơm gơnh ro jêh ri ƀât lât.

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

Luka 6:38

Ăn hom, khân may mra dơi ăn tay; bu mra sŏk thŭng toyh veh bêng, mpet jŭr, rgu kŏ tât nôk bêng ler, jêh nây nkhŭt tâm ntôr ao khân may; yorlah mâm nau khân may veh ma bu, pôri khân may mra dơn tay veh kơt nây.”

Nau Vay Nkah Tay 32:34

Nau kan pônây mâm Gâp dơi chuêl? Gâp lĕ ntĭl jêh păng tâm ntŭk prăp drăp khlay Gâp.

Nau Tâm Mpơl 20:12

Gâp saơ phung khĭt, toyh jêh ri jê̆, dâk tanăp sưng hađăch nây da dê, jêh ri bu pơk jêh lĕ ndrom samƀŭt. Du ndrom samƀŭt êng jêng ndrom samƀŭt nau rêh bu pơk đŏng. Bu phat dôih phung khĭt tĭng nâm kan khân păng ƀư jêh, tĭng nâm lĕ nau bu nchih jêh tâm ndrom samƀŭt nây.