Êsai 65:4 - Nau Brah Ndu Ngơi 2023

⁴ Gŭ tâm ntŭk môch Gŭ lĕ măng tâm ntŭk ndâp Gay sa puăch sŭr, Prăp dak gâm puăch ƀơ̆ tâm ngan khân păng.

Êsai 65:4 ပူးပေါင်းရင်းမြစ်များ

Nau Ngluh Êjipt 23:19

Ăn djôt leo dĭng lĕ play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Nau Ngluh Êjipt 34:26

Ăn may nhhơr play dak bôk dŭt ueh bơh neh may lăp tâm ngih Brah Yêhôva Brah Ndu. May mâu dơi gâm ôh be tâm dak toh me păng.”

Êsai 66:17

Phung prăp ƀư kloh khân păng nơm lăp tâm lĕ đang trao yơk mbah rup brah ta nklang đang trao, sa puăch sŭr, puăch đe jêh ri lĕ ndơ ƀơ̆ ƀơch êng, mra khĭt ndrel n'grŭp,” Brah Yêhôva lah pônây.

Êsai 66:3

Mbu nơm nkhĭt du mlâm ndrôk jêng tâm ban ma nơm nkhĭt du huê bunuyh; Nơm nhhơr kon biăp ƀư mpa ƀư brah tâm ban ma nơm nkê̆ch juet lơi trô ko so; Nơm nhhơr ndơ ƀư brah rnih môi jêng tâm ban ma nơm nhhơr mham sŭr; Nơm su ndơ ƀâu kah jêng tâm ban ma nơm yơk mbah ma rup brah. Yorlah khân păng săch tĭng trong khân păng nơm, Jêh ri nuih n'hâm khân păng knŏng maak ƀư lĕ nau ƀơ̆ ƀơch.

Êsêkiêl 4:14

Gâp lah: “Ơ Yêhôva Brah Ndu! Huêng gâp mâu mâp ƀư ƀơ̆ ôh. Ntơm bơh jê̆ tât aƀaơ ri, gâp mâu mâp sa ôh mpô mpa khĭt măt mâu lah mpô mpa bri hêk sa, jêh ri mâu lĕ geh ndơ ƀơ̆ lăp jêh tâm trôm mbung gâp.”

Kan Lêvi 11:7

sŭr, yorlah jâng păng geh nchop tâm nkhah ƀiălah mâu blau njuah tay ôh, pôri păng jêng mpô mpa mâu kloh ma khân may.

Sakari 9:7

Gâp mra jut kloh mham tă bơh trôm mbung păng, Jêh ri sŏk lĕ ndơ sa ƀơ̆ ƀơch luh bơh sêk păng; Păng mra nâm bu phung ƀon lan hôm klen ma Brah Ndu he Jêh ri mra jêng nâm bu du huê kôranh tâm noi deh Yuđa Bi phung Êkron mra jêng nâm bu phung Jêbusit.

Nau Kơp Bunuyh 19:11

Mbu nơm pah bi săk jăn du huê bunuyh khĭt mra jêng ƀơ̆ tâm pơh nar.

Mathay 8:28

Tơlah Brah Yêsu rgăn tât ta kơh kăl tê̆, lăp tâm n'gor phung Gađara, Păng mâp bar hê bunuyh brah mhĭk lăp luh tă bơh môch; khân păng janh ƀai ngăn, kŏ tât mâu geh bunuyh janh prot găn ta trong nây ôh.

Luka 8:27

Tơlah Brah Yêsu hao klơ kơh, geh du huê bunuyh geh brah mhĭk lơh gŭ ta ƀon nây văch tâm mâp Păng. Hŏ jŏ nar jêh păng mâu nsoh kho ao, mâu gŭ tâm ngih ƀiălah gŭ tâm môch.

Nau Vay Nkah Tay 14:21

Lơi ta sa ôh puăch du mlâm mpa lĕ khĭt jêh. Khân may dơi djôt păng ma phung bu năch gŭ tâm ƀon toyh khân may, gay ăn khân păng sa, mâu lah khân may dơi tăch păng ma phung bu năch. Yorlah khân may jêng du phung ƀon lan kloh ueh ma Yêhôva Brah Ndu khân may. Lơi ôh gâm puăch be kon tâm dak toh me păng.”

Nau Vay Nkah Tay 14:3

Khân may mâu dơi sa ôh du ntil ndơ geh nau tâm rmot.

Nau Vay Nkah Tay 14:8

Sŭr geh nchop tâm nkhah, ƀiălah mâu blau njuah tay ôh, jêng mpa mâu kloh ma khân may. Lơi sa puăch lĕ mpô mpa nây, mâu đŏng pah ta săk jăn khĭt khân păng.

Nau Vay Nkah Tay 18:11

dŏng gŭn rđang, kuăl brah phan, ngơi đah bunuyh khĭt;