Êsai 65:20 - Nau Brah Ndu Ngơi 2023

²⁰ Ta nây mâu mra geh ôh phung kon se khĭt gơnh, Mâu lĕ geh phung bu ranh mâu rĭng năm; Yorlah khĭt nôk du rhiăng năm, kơp jêng khĭt mom, Jêh ri nơm knŏng rêh tât du rhiăng năm bu mra kơp jêng nơm geh nau rak rtăp.

Êsai 65:20 ပူးပေါင်းရင်းမြစ်များ

Ndrom Samƀŭt bơh Yôp 5:26

May mra dơi geh âk năm lah lăp tâm môch Nâm bu nchăp ba rgum di yan.

Nau Mprơ Ơm 34:12

Mbu nơm rŏng ma nau rêh, Jêh ri ŭch gŭ rêh jŏ năm geh nau ueh maak?

Êsai 22:14

Brah Yêhôva ma phung tahan Nơm yơh hŏ mpơl nau ngơi aơ ma tôr gâp: “Nanê̆ ngăn nau tih aơ bu mâu mra yô̆ an kŏ tât khân may khĭt.” Kôranh Brah jêng Brah Yêhôva ma phung tahan lah jêh.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Sakari 8:4

Brah Yêhôva ma phung tahan lah: “Mra hôm e geh phung bu ranh bu ur, bu klâu gŭ rlu pâl tâm ăp nkual ntŭk pâl ta ƀon Yêrusalem, ăp nơm djôt mâng jra ta ti, yor păng lĕ ranh ngăn.

Nau Vay Nkah Tay 4:40

Djôt prăp hom lĕ nau vay Păng dăp jêh ri nau vay Păng ntăm, gâp ăn jêh ma khân may nar aơ gay ma khân may jêh ri ma phung kon sau khân may pakơi taơ geh nau ueh uĭn, jêh ri dơi gŭ jŏ nar tâm n'gor Yêhôva Brah Ndu khân may ăn jêh ma khân may n'ho ro.”