Êsai 65:17 - Nau Brah Ndu Ngơi 2023

¹⁷ “Yorlah aơ, Gâp mra rhăk njêng trôk mhe jêh ri neh mhe; Bu mâu hôm kah gĭt ôh ma lĕ ndơ kăl e, Mâu lĕ bu hôm mĭn ma ndơ nây.

Êsai 65:17 ပူးပေါင်းရင်းမြစ်များ

Êsai 43:18

“Lơi hôm kah gĭt ôh ma lĕ nau kan hŏ găn, Mâu lĕ mĭn ma nau ndơ rnôk ơm.

Êsai 46:9

Ăn khân may kah gĭt tay lĕ nau kan panăp, ntơm bơh rnôk kăl e; Yorlah Gâp jêng Brah Ndu, mâu geh Nơm êng ôh. Gâp jêng Brah Ndu jêh ri mâu geh nơm tâm ban ma Gâp ôh.

Êsai 51:16

Gâp dơm jêh nau gâp ngơi tâm trôm mbung may, Jêh ri pôn jêh may tâm dâng gui ti Gâp, Tâm nôk ndâk lĕ ndâr trôk, Dơm mbon rplay neh, Jêh ri lah ma ƀon Siôn pô aơ: ‘Khân may jêng phung ƀon lan Gâp.’”

Êsai 66:22

“Yorlah tâm ban ma trôk mhe jêh ri neh mhe Gâp rhăk njêng jêh, Mra ăt hôm e tanăp Gâp tâm ban kơt nây lĕ, Noi deh jêh ri amoh săk năm deh khân may mra ăt hôm e nâm bu kơt nây lĕ.” Brah Yêhôva lah pônây.

Yêrêmi 3:16

Brah Yêhôva lah đŏng: “Dôl khân may bĭk rơ̆ jêh ri hao jêng âk tâm n'gor, nôk nây bu mâu mra ngơi tât ma Hip Nau Tâm Rnglăp Brah Yêhôva đŏng ôh! Bu mâu hôm mra mĭn mâu lah nkah kah gĭt tât, mâu hôm nhhuach mâu lah ŭch pâng du mlâm Hip êng.

I Kôrintô 2:9

Ƀiălah, tâm ban ma nau nchih: “Lĕ nau măt mâu mâp saơ, tôr mâu mâp tăng, Jêh ri nuih n'hâm mâu mâp mĭn Brah Ndu hŏ ơm rơm jêh ma phung bunuyh rŏng ma Păng.”

II Kôrintô 5:17

Pô ri, tơlah mbu nơm gŭ tâm Brah Krist, păng jêng bunuyh rhăk njêng mhe jêh, lĕ ndơ ơm rlau lôch jêh, aơ, lĕ rngôch ndơ jêng mhe da dê jêh.

ហេឞ្រើ 12:27

Lĕ rplay samƀŭt: “Hôm du tơ̆ đŏng” tâm mpơl lĕ ndơ vay geh nau mpât n'gơ, nây jêng ndơ Brah Ndu njêng jêh, bu mra mƀăr lơi, gay ma lĕ ndơ mâu dơi mpât n'gơ hôm geh ƀaƀơ.

II Pêtrôs 3:13

Ƀiălah tĭng nâm nau Păng ton, he kâp gân trôk mhe jêh ri neh ntu mhe jêng ntŭk nau sŏng srăng gŭ.