Êsai 65:15 - Nau Brah Ndu Ngơi 2023

¹⁵ Bu mra prăp amoh săk khân may Gay ma phung Gâp săch jêh ƀư nau rak rtăp; Kôranh Brah Yêhôva mra nkhĭt khân may, Ƀiălah Păng mra rnha phung oh mon Păng ma amoh êng.

Êsai 65:15 ပူးပေါင်းရင်းမြစ်များ

Nau Mprơ Ơm 102:8

Ăp nar phung rlăng ƀư bêk ma gâp; Khân păng nsŭch jêh ri rak rtăp ma gâp.

Nau Hôr 10:7

Nau ndray ma bunuyh sŏng srăng geh nau tâm rnê, Bi amoh phung djơh mhĭk mra ôm rai.

Êsai 62:2

Aƀaơ, lĕ bri dak mra saơ nau sŏng srăng may, Lĕ rngôch phung hađăch mra saơ nau chrêk rmah may; Bu mra rnha may ma amoh mhe, Jêng amoh bơh mbung Brah Yêhôva ntơ ma may.

Êsai 65:12

Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Êsai 65:22

Khân păng mâu mra ndâk ngih ăn nơm êng gŭ ôh, Mâu lĕ tăm đang krăk ƀâu ăn nơm êng sa. Yorlah nar phung ƀon lan Gâp gŭ rêh mra jêng tâm ban ma nar tơm si gŭ rêh; Phung Gâp săch mra dơn ndơ tă bơh kan ti khân păng nơm ƀư.

Êsai 65:9

Gâp mra ƀư ăn du noi deh luh bơh Yakôb, Jêh ri geh du huê bunuyh ndơn drăp lĕ yôk Gâp, luh bơh Yuđa; Phung Gâp hŏ săch mra ndơn păng, Jêh ri phung oh mon Gâp mra gŭ ta nây.

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 25:18

Yêrusalem jêh ri lĕ rngôch ƀon Yuđa, phung hađăch jêh ri phung kôranh ƀon, gay khân păng jêng rngot njăp rjăp, ƀơ̆ ƀơch, bu gơm mưch jêh ri rak rtăp nâm bu nar aơ;

Yêrêmi 26:6

pôri Gâp mra phat ma ngih aơ nâm bu hŏ phat jêh ma ƀon Silô, jêh ri ƀư ma ƀon aơ jêng du nau rak rtăp ta nklang lĕ rngôch bri dak ta neh ntu.’”

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 29:22

Lĕ rngôch phung Yuđa bu nhŭp veng leo gŭ tâm bri Babilôn mra sŏk bar hê aơ ƀư nau ngơi rak rtăp: ‘Dăn Brah Yêhôva rmal may nâm bu Y-Sêdêkia jêh ri Y-Ahap, jêng bar bunuyh hađăch Babilôn hŏ gŭch tâm ŭnh!’

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Yêrêmi 44:12

Gâp mra sŏk lơi phung Yuđa hôm klen, jêng phung săch jêh ŭch hăn ta bri Êjipt, bu mra ƀư ngroh lơi khân păng ta nây; khân păng mra khĭt tâm bri Êjipt, mra khĭt ma tak đao mâu lah sa sât ji ngot. Ntơm bơh kon se jê̆ tât ma bunuyh toyh mra khĭt da dê yor tak đao mâu lah sa sât ji ngot. Khân păng jêng nau rak rtăp, jêng nau ma bu bêk prêng, jêng nau krit toyh, nau ƀơ̆ ƀơch jêh ri nau bu ƀư mhĭk.

Êsêkiêl 14:8

Gâp mra tâm rdâng đah nơm nây, ƀư ma păng du nau mbên jêh ri nau hôr. Gâp mra ngroh lơi păng bơh ta nklang phung ƀon lan Gâp. Rnôk aơ, khân may mra gĭt Gâp jêng Brah Yêhôva.

Sakari 8:13

Hơi ngih Yuđa jêh ri Israel! Mâm jêng nau bu rak rtăp khân may tâm ăp bri dak, pôri Gâp mra tâm rklaih khân may, jêh ri ƀư ma khân may mra jêng du nau ueh uĭn tâm ban lĕ. Lơi klach ôh, ƀiălah ƀư hom ti khân may ăn jêng dăng!”

Mathay 21:41

Khân păng plơ̆ lah: “Păng mra nkhĭt khĭt phung djơh mhĭk nây ma nau rêh ni ji klâng, jêh ri păng ăn ma phung tăm krăk ƀâu êng nkhôm, jêng phung mra chê̆ kao play ma păng di yan pĕ play.”

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.

Kôranh Oh Mon 11:26

nôk dơi joi jêh, păng njŭn leo Y-Sôl ta ƀon Antiôs. Bar hê bunuyh tâm rƀŭn ndrel ma Phung Ngih Brah Ndu jêh ri ntĭm nti âk bunuyh tâm du năm. Ta ƀon Antiôs ro, bu ntơm kuăl phung oh mon jêng Phung Brah Krist.

Samƀŭt Pôl Njuăl Ăn Ma Phung Nsing Ta Ƀon Rôm 9:26

“Jêh ri tâm ntŭk Gâp lah ma khân păng: ‘Khân may mâu di phung Gâp ôh,’ Ta ntŭk nây bu mra kuăl khân păng jêng ‘Phung kon Brah Ndu gŭ rêh mro mrăng.’ ”

I Têsalônik 2:16

buay hên nti lah gay tâm rklaih phung bu năch. Khân păng ƀư ăn nau tih khân păng nơm bêng ler âk. Ƀiălah dăch dŭt, Brah Ndu ji nuih hŏ tât jêh ta khân păng.

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”