Êsai 65:14 - Nau Brah Ndu Ngơi 2023

¹⁴ Aơ, phung oh mon Gâp mra mprơ yor nuih n'hâm maak, Bi khân may mra nter vơl yor nuih n'hâm bêng ma nau rngot, Jêh ri mra nhĭm nhhiăng yor huêng khân may rai yot.

Êsai 65:14 ပူးပေါင်းရင်းမြစ်များ

Ndrom Samƀŭt bơh Yôp 29:13

Bunuyh ndrel tâm nau rêh ni lĕ dăch khĭt hôm ăn nau ueh uĭn ma gâp, Gâp ƀư an nau mprơ hâk răm ăn hao tâm nuih n'hâm bu ur ndrô.

Nau Mprơ Ơm 109:28

Khân păng rak rtăp gâp, ƀiălah May ăn nau ueh uĭn ma gâp. Tơlah khân păng dâk, bu mra ƀư bêk khân păng, Bi ma phung oh mon May mra răm maak.

Nau Mprơ Ơm 66:4

Lĕ neh ntu mra yơk mbah ma May; Khân păng mprơ tâm rnê ma May, Khân păng mprơ tâm rnê ma amoh May.” (Sêla)

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 24:14

Phung bunuyh hôm gŭ rêh klen aơ mra mprơ nau răm rhơn; Bơh mpeh nhâp nar, khân păng nter huy nau răm maak Tâm rnê nau chrêk rmah Brah Yêhôva.

Êsai 50:11

Aơ, lĕ rngôch khân may jêng phung sŭnh ŭnh, Jêh ri ŭnh rdo, Hăn hom ta nklang mpiăt ŭnh Jêh ri ŭnh rdo khân may su jêh! Aơ jêng nau ti Gâp hŏ ƀư ma khân may: Khân may mra lâng săk ma nau rêh ni!

Êsai 51:11

Phung Brah Yêhôva tâm chuai jêh mra plơ̆ sĭt, Khân păng mra văch ta Siôn tâm nau troh nter. Nau maak n'ho ro mra gŭ ta klơ bôk khân păng, Khân păng mra geh nau răm maak; Nau rngot jêh ri nau vơl nđor mra roh lĕ.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Êsai 9:3

Yorlah May hŏ pă jêh mâng mbăk jâk, Mâng rpăt ta săng nglik khân păng, Jêh ri mâng nơm tŭn jot khân păng. Nâm bu May hŏ ƀư tâm rnôk Madian.

Yêrêmi 31:7

Brah Yêhôva lah: “Nteh hom bâr nau răm rhơn ma Yakôb; Nter troh hom yor jêng phung ƀon lan mrô nguay ma lĕ rngôch ntil mpôl bunuyh; Mbơh hom, mprơ tâm rnê hom, jêh ri lah pô aơ: ‘Ơ Brah Yêhôva, tâm rklaih hom phung ƀon lan May, Jêng ƀon lan hôm e klen tâm phung Israel.’

Mathay 13:42

jêh nây mƀăr khân păng tâm ŭnh năk, ta nây mra geh nau nhĭm nhhiăng jêh ri nau rket sêk.

Mathay 22:13

Hađăch ntăm ma phung oh mon: ‘Chăp hom jâng ti păng jêh ri klŭp păng tâm ntŭk ngo padih, ta ntŭk mra geh nau nhĭm nhhiăng jêh ri nau rket sêk.’

Mathay 8:12

Ƀiălah phung kon tâm ƀon bri hađăch bu mra mƀăr khân păng tâm ntŭk ngo padih, ta nây mra geh nau nhĭm nhhiăng jêh ri nau rket sêk.”

Luka 13:28

Nôk nây, khân may mra saơ Y-Abraham, Y-Isăk, Y-Yakôp jêh ri lĕ rngôch phung nơm mbơh lor gŭ tâm ƀon bri hađăch Brah Ndu da dê, ƀiălah khân may bu mra klŭp mƀăr luh padih jêng ntŭk geh nau nhĭm nhhiăng jêh ri nau rket sêk.

Yakơ 5:1

Aƀaơ aơ, hơi phung oh nâu jêng phung ndrŏng! Nhĭm nhhiăng hom, vơl dăn hom yorlah nau rêh ni mra nkhŭt jŭr ta klơ khân may.

Yakơ 5:13

Mbu moh tâm khân may geh nau rêh ni? Bunuyh nây mbơh sơm hom. Mbu moh geh nau răm maak? Tâm rnê hom.