Êsai 65:12 - Nau Brah Ndu Ngơi 2023

¹² Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Êsai 65:12 ပူးပေါင်းရင်းမြစ်များ

Êsai 1:16

Rao ƀư kloh hom khân may nơm! Mƀăr lơi hom lĕ nau mhĭk bơh măt Gâp; Lơi hom ƀư nau mhĭk.

Êsai 1:20

Ƀiălah tơlah khân may dun jêh ri tâm rdâng, Đao gưm mra ƀư rai khân may; Yor bâr mbung Brah Yêhôva hŏ ngơi jêh.”

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 27:1

Tâm nar nây, Brah Yêhôva mra dŏng đao dăng, toyh jêh ri ktang Gay ma tâm rmal Lêviathan jêng bêh du ngăch, Tâm rmal Lêviathan jêng bêh kue kuăt; Jêh ri Păng mra nkhĭt mpa djơh gŭ tâm dak mƀŭt.

Êsai 3:25

Phung bu klâu may mra cha lôt ma đao, Phung tahan janh ktang may mra khĭt tâm nau tâm lơh.

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsai 34:5

Yorlah đao Gâp gŭ tâm trôk hŏ nhêt mpay jêh; Aơ, păng mra jŭr ŭch phat dôih bri Êđôm, Ma phung ƀon lan Gâp hŏ jao ma nau rai lôch gay phat dôih.

Êsai 34:6

Đao Brah Yêhôva krêp bêng ma mham, jêh ri ngi, Jêng mham kon biăp jêh ri be nkuăng, Ngi mlâm leh biăp nkuăng. Yorlah geh nau nhhơr mpa ƀư brah ma Brah Yêhôva ta ƀon Bôsra, Nau tâm nkhĭt toyh tâm bri Êđôm

Êsai 41:28

Gâp uănh ƀiălah mâu geh du huê ôh; Ta nklang khân păng, mâu geh du huê nơm tâm kơl nchră Gay ma tơlah Gâp ôp, khân păng dơi plơ̆ lah ma Gâp du nau ngơi.

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 59:15

Nau ngăn mâu hôm, Mbu nơm der đah nau mhĭk njêng păng nơm jêng ndơ bu pit.” Brah Yêhôva hŏ saơ pô aơ Tâm dâng măt Păng, lĕ rngôch mhĭk da dê, mâu geh nau sŏng.

Êsai 63:6

Tâm nau ji nuih, Gâp jot plên phung ndŭl mpôl bunuyh; Gâp ăn khân păng nhŭl yorlah nau Gâp ji nuih, Jêh ri Gâp ƀư pling jêh mham khân păng ta neh.”

Êsai 65:3

Jêng phung ƀon lan mâu rlu nsônh nau ji nuih ma Gâp, Nđâp tanăp muh măt Gâp: Khân păng nhhơr mpa ƀư brah tâm lĕ đang trao, Su ndơ ƀâu kah ta klơ lĕ mbŭch ƀrĭk,

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Yêrêmi 16:17

Yorlah măt Gâp kâp uănh tâm lĕ trong khân păng. Khân păng mâu dơi du ôh bơh măt Gâp, jêh ri nau tih khân păng mâu đŏng dơi king măt Gâp.

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 34:17

Yor nây, Brah Yêhôva lah: pô aơ: ‘Khân may mâu tông ôh bâr Gâp, mâu geh du huê mbơh ôh nau kon me ma oh nâu jêh ri nơm chiau meng păng.’ Brah Yêhôva lah: ‘Aơ, Gâp mbơh “nau kon me” ma khân may, nâm bu ntĭt jao khân may mâp ma tak đao, nau ji tưp, sa sât ji ngot, mra ƀư ma khân may plơ̆ jêng tâm rmot ma lĕ rngôch bri hađăch ta neh ntu.

Yêrêmi 35:17

Yor nây, Yêhôva Brah Ndu ma phung tahan, Brah Ndu Israel lah: ‘Aơ, Gâp ăn tât ma phung Yuđa jêh ri lĕ rngôch phung gŭ tâm ƀon Yêrusalem lĕ rngôch nau mhĭk djơh Gâp hŏ mbơh lor jêh ăn ma khân păng, yorlah Gâp ngơi khân păng mâu iăt, Gâp kuăl khân păng mâu plơ̆ lah ôh.’”

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Yêrêmi 7:27

“Pônây, may mra ngơi ma khân păng lĕ rngôch nau aơ, ƀiălah khân păng mâu mra iăt may ôh. May mra kuăl, ƀiălah khân păng mâu plơ̆ sĭt lah.

Kan Lêvi 26:25

Gâp mra djôt đao gưm tât ma khân may gay mplơ̆ plơng yor khân may ƀư rai nau tâm rnglăp đah Gâp. Dôl khân may tâm rƀŭn tâm ƀon toyh Gâp mra nkhŭt nau ji tưp ta klơ khân may jêh ri khân may mra tŭp tâm ti phung rlăng.

Sakari 7:7

Nau nây mâu di tă nau ngơi Brah Yêhôva kuăl bơh phung nơm mbơh lor rnôk kăl e hăn mbơh, lah Yêrusalem jêh ri phung ƀon chiau meng gŭ jŭm păng hôm e geh phung ƀon lan gŭ jêh ri geh nau hao jêng, tâm ban ma bri Nêgep jêh ri bri Sêphêla geh phung ƀon lan gŭ lĕ?’”

Mathay 22:3

Hađăch njuăl oh mon hăn kuăl phung dơi jă jêh văch râng nau nhêt sông tâm nkol ur sai, ƀiălah khân păng mâu văch.

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.

Yôhan 1:11

Păng hŏ văch tâm bri dak Păng nơm, ƀiălah phung ƀon lan Păng mâu ŭch rom dơn Păng ôh.

Nau Vay Nkah Tay 32:25

Padih đao mra nkhĭt phung kon, Tâm trôm nau krit kir ngăn Ƀư ma bu klâu ndăm jêh ri bu ur druh, Jêh ri kon se dôl gŭ pu toh nđâp ma bu klâu ranh mra rai lôch da dê.