Êsai 65:10 - Nau Brah Ndu Ngơi 2023

¹⁰ Ma phung ƀon lan Gâp, phung tĭng joi jêh Gâp, Sarôn mra jêng ntŭk ndrêch gơ̆ ma phung biăp, Jêh ri rlŭng Akôr mra jêng ntŭk rlu ma phung ndrôk kuen.

Êsai 65:10 ပူးပေါင်းရင်းမြစ်များ

I Nau Rêh Jêng 27:29

Y-Sitrai, bunuyh Sarôn, djôt kan chiă uănh ndrôk phung rong tâm neh lâng Sarôn; bi Y-Saphat, kon Y-Adlai, djôt kan chiă uănh ndrôk tâm rlŭng.

I Nau Rêh Jêng 5:16

Khân păng gŭ ta n'gor Gilêat, tâm n'gor Basan, jêh ri lĕ ƀon jê̆ jê̆ păng, jêh ri tâm lĕ rngôch ndrêch gơ̆ ta Sarôn tât ta dŭt n'har păng.

Êsai 33:9

Bri neh nhĭm jêh ri huănh hươi; Liban bêk jêh ri klêu; Sarôn jêng tâm ban ma ndrêch rdah; Basan jêh ri yôk Karmel nhop kro.

Êsai 35:2

Păng mra geh kao âk jêh ri hâk maak, Răm maak ma nau mprơ. Bu mra ăn ma păng nau chrêk rmah bri Liban, Nđâp ma nau ueh yôk Karmel jêh ri bri Sarôn. Khân păng mra saơ nau chrêk rmah Brah Yêhôva Jêh ri nau chrêk rmah Brah Ndu he.

Êsai 51:1

“Ơ phung tĭng joi nau sŏng srăng, Jêng phung tĭng joi Brah Yêhôva, iăt hom Gâp! Uănh hom ma lŭ toyh tă bơh ntŭk nây yơh khân may lôk, Jêh ri ma ntu lŭ jru tă bơh ntŭk nây yơh ntŭk khân may kuyh!

Êsai 55:6

Ăn joi hom Brah Yêhôva dôl he hôm mâp; Kuăl dăn hom ma Păng dôl Păng gŭ dăch!

Yêrêmi 29:13

Khân may mra joi Gâp jêh ri dơi mâp, lah khân may tĭng joi Gâp ma lĕ nuih n'hâm.”

Yêrêmi 33:12

Brah Yêhôva ma phung tahan lah: ‘Tâm ntŭk rngol aơ, mâu geh du huê bunuyh ôh, mâu lah mpô mpa, jêh ri tâm ăp rplay ƀon păng, mra geh tay ndrêch gơ̆ ăn ma phung rmăk biăp djôt leo phung biăp păng văch gŭ rlu.

Yêrêmi 50:19

Ƀiălah Gâp mra njŭn Israel sĭt ma ntŭk ndrêch gơ̆ nse păng nơm, păng mra sa gơ̆ hơm mpay ta Karmel jêh ri tâm bri Basan, jêh ri ta klơ yôk bri Êphraim jêh ri tâm bri Gilêat.”

Ndrom Samƀŭt bơh Ôsê 2:15

Tă bơh ntŭk nây, Gâp mra ăn ma păng đang krăk ƀâu, Njêng rlŭng Akôr mra jêng mpông nau kâp gân. Ta nây, păng mra plơ̆ lah nâm bu tâm nar mom ndăm, Nâm bu tâm nar păng luh tă bơh n'gor bri Êjipt.”

Kôranh Oh Mon 9:35

Lĕ rngôch phung ta Liđa jêh ri Sarôn saơ pônây, plơ̆ sĭt ma Kôranh Brah da dê.