Êsai 64:9 - Nau Brah Ndu Ngơi 2023

⁹ Ơ Brah Yêhôva, lơi nuih rlau keh ôh, Mâu lĕ kah gĭt n'ho ro ma nau tih hên! Aơ, hên dăn May mêt uănh, Lĕ rngôch hên jêng phung ƀon lan May.

Êsai 64:9 ပူးပေါင်းရင်းမြစ်များ

II Phung Hađăch 25:9

Păng su rai ngih brah Brah Yêhôva, ngih hađăch, jêh ri lĕ rngôch ngih tâm ƀon Yêrusalem; păng su lĕ rngôch ngih phung ndrŏng.

Nau Mprơ Ơm 119:94

Gâp jêng ndơ May, rklaih hom gâp Yorlah gâp joi nau May ntăm.

Nau Mprơ Ơm 38:1

Hơi Brah Yêhôva! Lơi duh ji nuih gay ma nduyh gâp, Mâu lĕ duh nuih gay nduyh nkra gâp.

Nau Mprơ Ơm 6:1

Ơ Brah Yêhôva! Lơi ta nduyh gâp dôl May ji nuih, Lơi May nduyh nkra đŏng gâp tâm nau May ji nuih.

Nau Mprơ Ơm 79:13

Bi hên jêng phung ƀon lan May jêh ri jêng phung biăp tâm ndrêch gơ̆ nse May, Hên mra tâm rnê ma May mro mrăng; Ntơm bơh rnôk aơ tât rnôk ri, hên mra mbơh nau mprơ tâm rnê ma May.

Êsai 43:25

Gâp, Gâp yơh jêng Nơm yor Gâp nơm Jut lơi lĕ nau tih may, Gâp mâu mra kah gĭt ôh ma nau tih may.

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 60:10

Phung bu năch mra rdâk tay mpêr ƀon may, Phung hađăch khân păng mra pah kan ma may. Yorlah tâm nau Gâp ji nuih, Gâp hŏ dong may, Ƀiălah aơ Gâp lŏ yô̆ ma may, tĭng nau yô̆ Gâp.

Êsai 63:18

Phung ƀon lan kloh ueh May geh n'gor aơ mâu hŏ jŏ ôh, Ƀiălah phung rlăng đah hên jot jêh ntŭk kloh ueh May.

Êsai 63:19

Jŏ jêh, hên jêng jêh tâm ban ma phung May mâu mâp chiă uănh, Jêh ri mâu hôm geh kuăl amoh May đŏng ôh.

Êsai 63:8

Yorlah Păng lah jêh: “Nanê̆, khân păng jêng ƀon lan Gâp, Jêng phung kon mâu mra ndơm mƀruh ôh.” Jêh ri Păng jêng Nơm Tâm Rklaih khân păng.

Yêrêmi 10:24

Mbah Brah Yêhôva, dăn nkra nti gâp, ƀiălah tâm nau di; Mâu di ôh tâm nau ji nuih, Klach lah May ăn gâp rai lơi.

Yêrêmi 3:12

Hăn hom, rle mpeh pa lơ mbơh lĕ nau aơ: ‘Hơi phung Israel mâu răp jăp, plơ̆ sĭt hom! Brah Yêhôva lah, Gâp mâu mra luh muh măt ji nuih ôh uănh ma khân may, Yorlah nuih n'hâm Gâp bêng ma nau yô̆ nđach; Gâp mâu mra ji nuih n'ho ro ôh.’ Brah Yêhôva lah pônây.

Yêrêmi 44:21

“Di lĕ khân may jêh ri phung chô yau khân may, phung hađăch jêh ri phung kôranh khân ay may, ndrel phung ƀon lan tâm bri nây hŏ nhhơr jêh ndơ ƀâu kah tâm ăp ƀon toyh n'gor Yuđa jêh ri lĕ trong toyh ƀon Yêrusalem, Brah Yêhôva hŏ kah gĭt jêh ri hŏ prăp jêh tâm nau mĭn Păng nây lĕ?

Nau Nhĭm Vơl 2:7

Păng hŏ mƀăr lơi jêh nơng ƀư brah, Tâm rmot lơi ntŭk kloh ueh; Păng hŏ jao jêh mpêr ngih hađăch ƀon Siôn Tâm ti phung rlăng; Khân păng troh nter tâm ngih Brah Yêhôva Nâm bu tâm nar rƀŭn.

Nau Nhĭm Vơl 5:18

Yorlah yôk Siôn hŏ jêng rngol jêh, Ƀư ntŭk so bri hăn nsong.

Nau Nhĭm Vơl 5:20

Mâm ƀư may chuêl ma hên mro mrăng, Chalơi êng hên jŏ nar tâm ban pônây?

Nau Nhĭm Vơl 5:22

Di lĕ May lĕ chalơi jêh hên, Jêh ri ji nuih ma hên hâu ngăn?

Êsêkiêl 29:16

Bri dak nây mâu hôm ƀư jêng ntŭk rnơm ăn ma ngih Israel đŏng ôh, ƀiălah Israel mra kah gĭt tay nau tih khân păng dôl khân păng plơ̆ dăn kơl ma bri dak nây. Nôk nây khân păng mra gĭt Gâp jêng Kôranh Brah Yêhôva.’”

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Habakuk 3:2

Ơ Brah Yêhôva! Gâp tăng jêh nau bu nkoch lư n'găr amoh May, Yor ri gâp klach yơk ma May. Ơ Brah Yêhôva! Ta nklang năm khay mro mrăng, Dăn Kôranh Brah ăn njêng mhe tay nau kan May, jêh ri tâm mpơl ma lĕ rngôch bunuyh gĭt. Tâm nau ji nuih, dăn Kôranh Brah kah gĭt ma nau yô̆ nđach!

Malachi 1:4

Tơlah phung Êđôm lah: “Hên lĕ rai jêh, ƀiălah hên mra plơ̆ sĭt đŏng ndâk tay ta ntŭk lĕ rlâm rai jêh,” pôri Brah Yêhôva ma phung tahan lah pô aơ: “Khân păng mra ndâk đŏng ƀiălah Gâp mra ƀư rlâm lơi, bu mra ntơ khân păng jêng N'gor Bri Djơh Mhĭk, jêng phung ƀon lan Brah Yêhôva ji nuih n'ho ro.”

II Pêtrôs 2:17

Khân păng jêng lĕ n'hor dak mâu geh dak, lĕ ndâr dak ngom phŭt rdu leo; nau ngo klĕng prăp jêh ma khân păng.

Nau Tâm Mpơl 20:10

Bi brah mhĭk jêng nơm ndơm mƀruh khân păng bu klŭp mƀăr păng lăp nglao ŭnh geh mô ŭnh, Ta nây geh mpô mpa dŭt janh jêh ri nơm mbơh lor nklă gŭ jêh. Khân păng geh nau rêh ni măng nâm nar ma tât n'ho ro.