Êsai 64:7 - Nau Brah Ndu Ngơi 2023

⁷ Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 64:7 ပူးပေါင်းရင်းမြစ်များ

Ndrom Samƀŭt bơh Yôp 10:9

Dăn Kôranh Brah kah gĭt pô aơ May hŏ rli mon gâp bơh neh uk; Mâm aƀaơ May ŭch mplơ̆ tay gâp sĭt ma ndruyh neh?

Ndrom Samƀŭt bơh Yôp 8:4

Tơlah phung kon sau may ƀư tih đah Păng Pôri Păng jao khân păng tâm nau tâm rmal ma nau tih.

Nau Mprơ Ơm 100:3

Ăn gĭt pô aơ Yêhôva jêng Brah Ndu. Păng yơh njêng jêh he, he jêng ndơ Păng; He jêng phung ƀon lan Păng, jêng phung biăp tâm ndrêch gơ̆ Păng.

Nau Mprơ Ơm 14:4

Di lĕ rngôch phung djơh mhĭk mâu gĭt rbăng da dê? Khân păng sa rvăn phung ƀon lan Gâp tâm ban ma sa ƀănh, Jêh ri mâu mâp kuăl mbơh sơm ma Brah Yêhôva.

Nau Ngluh Êjipt 32:12

Mâm ƀư ăn phung Êjipt mra lah: ‘Kôranh Brah ŭch ngluh jêh khân păng luh bơh n'gor aơ gay nkhĭt lơi khân păng tâm yôk, jêh ri ƀư rai khân păng bơh neh ntu’? Dăn Kôranh Brah bah ji nuih jêh ri chalơi nau mĭn ŭch ƀư nau mhĭk ma phung ƀon lan May.

Êsai 1:15

Yor ri, lah khân may yơr klơ, Gâp mra nkŭm măt gâp ma khân may. Nđâp tơlah khân may mbơh sơm âk, Gâp mâu iăt ôh. Yor ti khân may pung mham.

Êsai 27:5

Mâu geh ndơ dơi ban nau ktang Gâp Tâm rnglăp hom đah Gâp, Di jêh, tâm rnglăp hom đah Gâp!”

Êsai 45:9

Rêh ni ngăn ma nơm tâm rlăch đah Nơm rhăk njêng păng! Păng knŏng jêng du rplay yăng tâm lĕ tâm yăng ma neh! Di lĕ neh uk ôp nơm blau mon glah, jêng nơm mon păng pô aơ: “Moh rup may ƀư?” Mâu lah: “Ndơ bơh ti may ƀư mâu geh ueh ôh?”

Êsai 50:2

Mâm ƀư tơlah Gâp văch, mâu geh bunuyh ôh? Tơlah Gâp kuăl, mâu geh bunuyh plơ̆ lah ôh? Ti Gâp jêng gleh ir hĕ kŏ păng mâu dơi tâm chuai? Mâu lah Gâp mâu geh nau brah mâu dơi tâm rklaih hĕ? Aơ, Gâp knŏng nduyh du tong, dak mƀŭt suăt kro ro. Gâp rgâl dak krong jêng bri rdah; Ka tâm dâng dak krong khĭt yor mâu geh dak. Jêh ri ƀâu ôm.

Êsai 54:8

Tâm nau ji nuih dŭt n'hâm, Gâp n'gĭl jêh muh măt Gâp ma ay ƀât lât, Ƀiălah ma nau ueh mâu blau dŭt, Gâp mra yô̆ nđach ma ay,” Nơm Tâm Chuai ay jêng Brah Yêhôva lah kơt nĕ.

Êsai 56:4

Yorlah pô aơ Brah Yêhôva lah tâm ban pônây: “Ma phung kôranh bu char djôt prăp nar Saƀat Gâp, Săch nau ƀư maak ma Gâp, Djôt prăp nâp nau Gâp tâm rnglăp,

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Êsai 59:2

Ƀiălah yor nau kue khân may yơh Hŏ tâm nkhah khân may đah Brah Ndu khân may, Jêh ri nau tih khân may yơh pôn lơi muh măt Păng bơh khân may Kŏ tât Păng mâu iăt ôh khân may.

Êsai 59:4

Mâu geh du huê phong ma nau sŏng srăng ôh. Mâu geh du huê tâm rlăch ma nau nanê̆ ngăn. Bu rnơm nsing ma nau ngơi dơm dam jêh ri ngơi mƀruh. Khân păng hŏ ntreo ma nau mhĭk jêh ri deh nau tih toyh.

Êsai 63:16

Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Yêrêmi 9:7

Yor nây, Brah Yêhôva ma phung tahan: “Aơ Gâp mra kret trih jêh ri rlong uănh khân păng Yorlah Gâp mra ƀư êng đah kon bu ur ƀon lan Gâp?

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Êsêkiêl 24:11

Jêh nây, dơ glah dơm ta klơ ŭnh rnga, Kŏ tât glah nây păng dŭm jêh ri ŭnh sa Gây nau ƀơ̆ ƀơch tâm trôm păng lêk lĕ, jêh ri ek găm păng rai lĕ.

Ndrom Samƀŭt bơh Ôsê 5:15

Gâp mra hăn, mra plơ̆ sĭt ta ntŭk Gâp gŭ Kŏ tât khân păng gĭt năl nau tih khân păng nơm jêh ri tĭng joi muh măt Gâp. Tâm nau rêh ni, khân păng mra khŏm nsrôih ngăn tĭng joi Gâp.”

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Ndrom Samƀŭt bơh Ôsê 7:7

Lĕ rngôch khân păng duh da dê nâm bu năk ŭnh Sa rvăn phung kôranh phat dôih khân păng. Lĕ rngôch phung hađăch khân păng lĕ rlâm tŭp da dê Mâu geh ôh du huê tâm phung khân păng kuăl mbơh sơm ma Gâp.

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Malachi 2:10

Mâu di bơh lĕ rngôch he geh knŏng du huê mbơ̆? Mâu di bơh geh knŏng du huê Brah Ndu rhăk njêng jêh he? Mâm ƀư ăp nơm phung he mâu gŭ răp jăp ôh ndrăng oh nâu he, ƀư ƀơ̆ nau tâm rnglăp bơh chô yau he?