Êsai 64:2 - Nau Brah Ndu Ngơi 2023

² Tâm ban ma ŭnh sa long kro, Tâm ban ma ŭnh ƀư khuh dak, Gay ăn phung rlăng đah May gĭt amoh May, Jêh ri lĕ phung ndŭl mpôl bunuyh râm nsâr tanăp May.

Êsai 64:2 ပူးပေါင်းရင်းမြစ်များ

Nau Mprơ Ơm 106:8

Nđâp tơlah pônây, Păng ăt tâm rklaih khân păng yor amoh Păng, Gay ma tâm mpơl nau brah Păng.

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 79:10

Mâm ƀư phung mpôl băl lah pô aơ: “Mbah ntŭk Brah Ndu khân păng?” Ăn nau har plơng yor mham phung oh mon May hŏ nkhŭt jêh Dơi ƀư nklang phung ƀon lan tanăp hên.

Nau Mprơ Ơm 83:13

Ơ Brah Ndu gâp! Ƀư ma khân păng jêng nâm bu phŭt chuănh đô̆, Nâm bu njŏk rhe tanăp vănh blông.

Nau Mprơ Ơm 9:20

Ơ Brah Yêhôva; ƀư ăn khân păng klach krit. Ăn phung ƀon lan gĭt khân păng jêng knŏng bunuyh nglay săk. (Sêla)

Nau Mprơ Ơm 99:1

Brah Yêhôva chiă uănh! Lĕ mpôl băl bunuyh râm sâr hom; Păng gŭ klơ phung Chêrubim; neh ntu geh nau mpât n'gơ.

Nau Ngluh Êjipt 14:4

Gâp mra ƀư dăng nuih n'hâm Pharaôn, jêh ri păng mra hăn tĭng phung ƀon lan nây. Ƀiălah Gâp mra dơi geh nau tâm rnê yor Pharaôn jêh ri lĕ rngôch phung tahan păng; phung Êjipt mra gĭt Gâp jêng Brah Yêhôva.” Phung ƀon lan Israel hŏ ƀư di kơt nây.

Êsai 28:21

Yorlah Brah Yêhôva mra dâk tâm ban ma Păng ƀư jêh ta yôk Pêrasim, Păng mra ji nuih tâm ban ma tâm rlŭng Gibêôn Gay ma ƀư nau kan Păng, jêng nau kan hih rhâl; Gay ƀư nau Păng pah kan, jêng nau pah kan khlay ngăn ngên.

Êsai 37:20

Pôri aƀaơ, ơ Yêhôva Brah Ndu hên, tâm rklaih hom hên bơh ti Y-Sênakêrip, gay ma lĕ rngôch ƀon bri hađăch ta neh ntu dơi gĭt knŏng êng May yơh jêng Brah Yêhôva!”

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.

Amôt 4:12

“Hơi Israel, yor nây, Gâp mra ƀư ma may tâm ban pônây; Hơi Israel, yorlah Gâp mra ƀư ma may tâm ban pônây, Pôri may nkra hom ma nau tâm mâp đah Brah Ndu may.”

Mika 1:4

Lĕ yôk mra lêk hoch tâm dâng Păng, Lĕ rlŭng mra đang Nâm bu jrêng sŭt gŭ panăp ŭnh, Nâm bu dak hoch jŭr sop.

Sakari 14:4

Tâm nar nây, jâng Păng mra dâk ta klơ yôk Ôlive, jêng yôk tâm tham ƀon Yêrusalem mpeh luh nar. Yôk Ôlive mra đang ta nklang, jêng rlŭng toyh ngăn bơh luh nar tât nhâp nar; n'gul yôk trơn tĭt mpeh pa lơ, n'gul ri trơn tĭt mpeh pa dâng.

Nau Vay Nkah Tay 2:25

Nar aơ Gâp ntơm ƀư ma lĕ phung ƀon lan tâm neh ntu aơ mra krit jêh ri klach ma khân may. Lah tăng nau bu nkoch bri ma khân may, lĕ phung ƀon lan nây mra râm sâr jêh ri krit tanăp măt khân may.’”