Êsai 63:9 - Nau Brah Ndu Ngơi 2023

⁹ Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Êsai 63:9 ပူးပေါင်းရင်းမြစ်များ

Nau Ntơm 48:16

Jêng Tông Mpăr hŏ rklaih jêh gâp bơh lĕ nau mhĭk, Dăn Kôranh Brah ăn nau ueh uĭn ma bar hê kon se aơ, Ăn khân păng sŏk amoh gâp Jêh ri chô yau gâp jêng Y-Abraham jêh ri Y-Isăk. Ăn ma khân păng jêng bĭk rơ̆ âk râk klơ neh ntu!”

Ndrom Samƀŭt bơh Yôp 37:23

Nơm Geh Lĕ Nau Brah, he mâu dơi ôh joi tât ta Păng; Păng geh nau brah jêh ri sŏng nanê̆ ngăn, Păng sŏng srăng dŭt n'hâm, mâu tŭn jot bu ôh.

Nau Mprơ Ơm 25:22

Ơ Brah Ndu! Tâm chuai phung Israel Bơh lĕ nau rêh ni.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Ngluh Êjipt 14:19

Tông mpăr Brah Ndu ơm vay hăn lor panăp rmlak tahan phung Israel, hŏ trơn jêh jêh ri hăn pakơi khân păng; bi n'gâng tŭk hŏ trơn jêh bơh panăp khân păng hăn mpeh pakơi,

Nau Ngluh Êjipt 15:13

Ma nau May rŏng may têk ndrêng phung ƀon lan may hŏ chuai jêh; May hŏ njŭn khân păng ma nau brah May tât ma ntŭk kloh ueh May gŭ.

Nau Ngluh Êjipt 19:4

‘Khân may hŏ saơ jêh nau Gâp ƀư ma phung Êjipt, Gâp hŏ rdeng khân may ma năr klang ƀŭng, jêh ri mâm nau Gâp njŭn leo jêh khân may ma Gâp nơm.

Nau Ngluh Êjipt 33:14

Brah Yêhôva lah: “Gâp nơm mra hăn ndrel ma may, jêh ri Gâp mra ăn nau rlu ma may.”

Nau Ngluh Êjipt 33:15

Y-Môis lah: “Tơlah May nơm mâu hăn ôh ndrel ma gâp, lơi ăn ôh hên hăn du bơh ntŭk aơ.

Êsai 43:1

Aƀaơ Brah Yêhôva lah: Ơ phung Yakôb! Nơm hŏ rhăk njêng jêh khân may, Ơ phung Israel! Nơm hŏ rhăk njêng khân may, lah: “Lơi klach ôh, yorlah Gâp hŏ chuai jêh may. Gâp hŏ kuăl jêh amoh may jêh ri may jêng ndơ Gâp.

Êsai 43:4

Yorlah Gâp uănh may jêng khlay jêh ri geh nau yơk. Gâp yơh hŏ rŏng ma may, Rĭ dĭng Gâp mra ăn nơm ntrok ma may, Jêh ri ăn lĕ ntil mpôl bunuyh ntrok nau rêh may.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 51:10

Mâu di May hĕ ƀư suăt jêh dak mƀŭt, Ƀư suăt lơi lĕ tu dak brŏng toyh; Ƀư du mlâm trong tâm dak mƀŭt jru Gay ma phung may tâm chuai jêh dơi hăn rgăn?

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Daniel 6:22

Brah Ndu gâp njuăl jêh tông mpăr Păng tât jêh ri rdêp lơi mbung yau mŭr yor ri khân păng mâu ƀư mhĭk ma gâp ôh, yorlah tanăp măt Păng dơi kơp gâp jêng mâu geh nau tih ôh. Ơ hađăch, tanăp măt may tâm ban lĕ gâp mâu mâp ƀư tih ôh.”

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Yôel 2:18

Brah Yêhôva hŏ ntôn jêh yor bri aơ, Jêh ri Păng tâm mpơl nau yô̆ nđach ma phung ƀon lan Păng.

Sakari 2:8

Lôch jêh mpơl nau chrêk ma lơp, Păng đă gâp hăn tât ma lĕ bri dak hŏ pit in jêh ndơ khân may. Yorlah Brah Yêhôva ma phung tahan lah pô aơ mbu nơm pah tât ta khân may nâm bu ntĭt pah tât ta găr măt Păng.

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Mathay 25:45

Păng mra plơ̆ lah pô aơ: ‘Nanê̆, Gâp lah ma khân may, nôk khân may mâu mâp ƀư nau aơ ma du huê jê̆ lơn tâm phung bunuyh aơ, jêng nâm bu khân may mâu mâp ƀư ma Gâp tâm ban lĕ.’

Luka 15:5

Tơlah hŏ joi saơ jêh, răm maak tuy biăp ta săng nglik.

Kôranh Oh Mon 12:11

Y-Pêtrôs kah gĭt jêh ri lah: “Aƀaơ aơ gâp gĭt n'hêl nanê̆ Kôranh Brah njuăl tông mpăr Păng hăn rklaih gâp bơh ti hađăch Hêrôt jêh ri bơh lĕ nau phung Yuđa kâp gân.”

Kôranh Oh Mon 7:38

Păng yơh jêng nơm hŏ gŭ jêh ta nklang phung tâm rƀŭn ta bri rdah ndrel ma tông mpăr, nơm ngơi ma păng ta yôk Sinai jêh ri ma phung chô yau he; păng sŏk dơn jêh lĕ nau ngơi rêh gay ăn ma he.

Kôranh Oh Mon 9:4

Păng cha lôt ta neh jêh ri tăng nau ngơi lah ma păng: “Hơi Y-Sôl, Y-Sôl, mâm ƀư may ƀư djơh ma Gâp?”

I Kôrintô 10:9

Lơi he rlong uănh Kôranh Brah ôh nâm bu phung ƀaƀă tâm khân păng, jêh ri khân păng khĭt đah nau bêh chôk.

Nau Vay Nkah Tay 1:31

Tâm bri rdah, jêng ntŭk khân may saơ jêh Yêhôva Brah Ndu hŏ chông khân may nâm du huê mbơ̆ chông kon păng hăn rgăn ăp trong kŏ tât khân may lăp ta ntŭk aơ.’

Nau Vay Nkah Tay 4:37

Yorlah Păng rŏng ma phung chô yau khân may jêh ri hŏ săch noi deh khân may, jêh ri Păng nơm hŏ sŏk nau brah toyh Păng, njŭn khân may luh tă bơh n'gor Êjipt,

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

ហេឞ្រើ 2:18

Yorlah Păng yơh dơn jêh nau rêh ni tâm nôk geh nau ndơm, pôri Păng kơl an phung geh nau ndơm.

ហេឞ្រើ 4:15

Yorlah he mâu geh du huê kôranh ƀư brah toyh lơn mâu dơi yô̆ ma nau rdja he, ƀiălah geh jêh du huê kôranh ƀư brah geh nau ndơm tâm lĕ rngôch nau nâm bu he, ƀiălah Păng mâu ƀư tih ôh.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,

Phung Kôranh Phat Dôih 10:16

Khân păng ntlơi lĕ đơ phung brah êng, jêh nây plơ̆ tay pah kan ma Brah Yêhôva. Brah Yêhôva rngot rvê ngăn ma nau rêh ni phung ƀon lan Israel.