Êsai 63:7 - Nau Brah Ndu Ngơi 2023

⁷ Gâp nkah tay nau ueh bơh Brah Yêhôva, Jêh ri nau tâm rnê ma Brah Yêhôva, Yorlah tĭng nâm lĕ nau Brah Yêhôva ƀư ăn jêh ma he, Jêh ri Păng ăn nau ueh âk toyh ma ngih Israel, Tĭng nau Păng yô̆ nđach, Jêh ri nau ueh bơh Păng mâu blau dŭt.

Êsai 63:7 ပူးပေါင်းရင်းမြစ်များ

I Phung Hađăch 8:66

Lăp nar rơh pham, hađăch ăn phung ƀon lan hăn sĭt. Khân păng ăn nau ueh uĭn ma hađăch jêh nây hăn sĭt rlet ngih vâl khân păng nơm, nuih n'hâm hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, oh mon Păng, jêh ri ma Phung ƀon lan Israel Păng.

II Nau Rêh Jêng 7:10

Nar bar jât ma pe khay pơh, păng ăn phung ƀon lan hăn sĭt rlet ngih vâl khân păng nơm. Nuih n'hâm lĕ rngôch bunuyh răm maak jêh ri hâk răm ngăn yor lĕ nau ueh Brah Yêhôva hŏ ƀư jêh ma Y-Đavit, ma Y-Salômôn jêh ri ma phung ƀon lan Israel Păng.

Nêhêmi 9:25

Khân păng sŏk jêh lĕ rplay ƀon pôih nâp ngăn, Neh ueh ngăn, ngih bêng ăp ntil ndơ ueh, Lĕ ntu dak kuyh jêh, Đang krăk ƀâu, đang ôlive jêh ri tơm play âk ngăn. Khân păng sa kŏ hơm jêh ri jêng lay ueh; Khân păng răm maak tâm nau ueh toyh ngăn bơh May.

Nêhêmi 9:27

Yor ri, Kôranh Brah jao jêh khân păng tâm ti phung rlăng, jêh ri phung nây tŭn jot khân păng. Tâm nau rêh ni, khân păng kuăl dăn ma Kôranh Brah. Yorlah, nuih n'hâm ueh toyh, tă bơh trôk Kôranh Brah iăt Jêh ri ăn jêh phung sâm rklaih gay rklaih khân păng tă bơh ti phung rlăng ma khân păng.

Nêhêmi 9:31

Ƀiălah, yorlah nuih n'hâm yô̆ nđach toyh, Kôranh Brah mâu ƀư rai lĕ khân păng tâm ban đŏng mâu chalơi khân păng. Yorlah Kôranh Brah jêng Brah Ndu vay yô̆ nđach jêh ri geh nau ueh.

Nêhêmi 9:35

Tâm nôk hôm gŭ tâm n'gor bri, Maak dơn âk ngăn nau ueh tâm n'gor huy ngăn jêh ri ndrŏng, Kôranh Brah hŏ ăn jêh ma khân păng, Khân păng mâu đŏng pah kan ma Kôranh Brah, jêh ri mâu chalơi lĕ nau kan djơh mhĭk khân păng.

Nau Mprơ Ơm 103:2

Ơ huêng gâp, tâm rnê hom ma Brah Yêhôva, Lơi dĭng chuêl ôh lĕ ntil nau ueh Păng ăn.

Nau Mprơ Ơm 107:15

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor nau mbên khlay Păng ƀư jêh ma phung kon bunuyh!

Nau Mprơ Ơm 107:21

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor nau mbên khlay Păng ƀư jêh ma phung kon bunuyh!

Nau Mprơ Ơm 107:31

Ăn bu tâm rnê ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 107:8

Ăn bu tâm rnê lah ueh ma Brah Yêhôva yor nuih n'hâm ueh Păng, Jêh ri yor lĕ nau mbên khlay Păng ƀư jêh ma phung kon bunuyh!

Nau Mprơ Ơm 145:7

Bu mra kah gĭt nkoch ndray ma nau ueh May mâu blau lôch, Jêh ri mra mprơ troh rhơn ma nau sŏng srăng May.

Nau Mprơ Ơm 25:6

Ơ Brah Yêhôva, ăn kah gĭt nau yô̆ nđach jêh ri nuih n'hâm ueh May. Yorlah bar ntil nau nây geh bơh kăl e.

Nau Mprơ Ơm 51:1

Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Nau Mprơ Ơm 63:3

Yor nau ueh May ueh lơn ma nau rêh. Bâr mbung gâp mra mprơ tâm rnê ma May.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Mprơ Ơm 92:2

Nkoch mbơh nau ueh May tâm ăp kêng ôi, Jêh ri nau răp jăp May tâm dôl măng,

Nau Ngluh Êjipt 18:9

Y-Jêtrô răm rhơn yor lĕ nau ueh Brah Yêhôva hŏ ƀư ma phung Israel nôk rklaih khân păng bơh ti phung Êjipt.

Êsai 26:13

Ơ Yêhôva Brah Ndu hên, Rlau ma Păng, hên hŏ tă geh phung kôranh êng chiă uănh, Ƀiălah aƀaơ, hên knŏng rnơm nsing du huê May dơm Jêh ri vah vơl dăn ma amoh May.

Êsai 51:2

Ăn khân may uănh hom chô yau khân may jêng Y-Abraham Jêh ri ma H'Sara, jêng nơm deh ma khân may; Gâp kuăl jêh Y-Abraham nôk păng gŭ knŏng du huê, Ƀiălah Gâp hŏ ăn nau ueh uĭn ma păng, Jêh ri ƀư ma păng plơ̆ jêng âk râk.

Êsai 54:10

Nđâp tơlah yôk dơi du, Nđâp tơlah mbon mra rgâl ntŭk, Ƀiălah nau Gâp ueh mâu mra du bơh ay ôh, Jêh ri nau tâm rnglăp đăp mpăn Gâp mâu dơi rgâl ôh;” Brah Yêhôva jêng Nơm geh nau yô̆ nđach ma ay lah kơt nĕ.

Êsai 54:7

“Gâp chalơi jêh ay ƀât lât, Ƀiălah Gâp mra vơt ay sĭt ma nau yô̆ nđach mâu blau lôch.

Êsai 54:8

Tâm nau ji nuih dŭt n'hâm, Gâp n'gĭl jêh muh măt Gâp ma ay ƀât lât, Ƀiălah ma nau ueh mâu blau dŭt, Gâp mra yô̆ nđach ma ay,” Nơm Tâm Chuai ay jêng Brah Yêhôva lah kơt nĕ.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsai 64:5

May vơt dơn nơm pah kan sŏng srăng ma nau răm, Phung hăn tâm trong May jêh ri kah gĭt ma May. Aơ, May ji nuih jêh yorlah hên hŏ ƀư tih; Gŭ jŏ tâm nau tih kơt nĕ hên hôm geh nau tâm rklaih lĕ?

Nau Nhĭm Vơl 3:32

Nđâp tơlah Păng ƀư nau rngot rvê, Păng hôm e yô̆ nđach Tĭng nuih n'hâm ueh Păng toyh ngăn;

Ndrom Samƀŭt bơh Ôsê 2:19

Gâp mra nđăp ay đah Gâp n'ho ro; Gâp mra nđăp ay đah Gâp tâm nau di jêh ri sŏng, Nau ueh jêh ri nau yô̆ nđach.

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

Mathay 7:11

Kơt nây, tơlah khân may jêng bunuyh mhĭk, hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ khân may gŭ klơ trôk mâu mra ăn ndơ ueh ma mbu nơm dăn ma Păng mâm ƀư?

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Samƀŭt Pôl Njuăl Ăn Ma Phung Nsing Ta Ƀon Rôm 5:20

Nau vay tât jêh ƀư ma nau tih jêng âk lơn; ƀiălah moh ntŭk nau tih geh âk lơn, nau yô̆ geh âk rmeh lơn.

Êphêsô 2:4

Ƀiălah Brah Ndu, jêng Nơm ndrŏng nuih n'hâm yô̆ nđach, yor Păng rŏng he ma nau rŏng dŭt prêh,

I Timôthê 1:14

Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.