Êsai 63:6 - Nau Brah Ndu Ngơi 2023

⁶ Tâm nau ji nuih, Gâp jot plên phung ndŭl mpôl bunuyh; Gâp ăn khân păng nhŭl yorlah nau Gâp ji nuih, Jêh ri Gâp ƀư pling jêh mham khân păng ta neh.”

Êsai 63:6 ပူးပေါင်းရင်းမြစ်များ

Ndrom Samƀŭt bơh Yôp 21:20

Ăn măt khân păng nơm saơ n'hêl nê̆ nau rai lôch, Jêh ri nhêt nau ji nuih bơh Nơm Geh Lĕ Nau Brah.

Nau Mprơ Ơm 60:3

May ăn ma phung ƀon May dơn nau rêh ni, Ăn ma hên nhêt du ntil ndrănh nhŭl ji bôk.

Nau Mprơ Ơm 75:8

Yorlah tâm ti Brah Yêhôva geh du mlâm kachok Bêng ma rlŭk ndrănh, mpŭnh mbuh, Păng kêt lơi kachok nây. Lĕ rngôch phung mhĭk gŭ ta neh ntu mra nhêt da dê, Mra nhêt suăt ndrănh nây kŏ tât djah.

Êsai 22:5

Nanê̆ ngăn jêng du nar klach krit, nau tŭn jot jêh ri nau rlŭk rlăk, Dơi mpơl ta rlŭng nau tâm saơ Yorlah Kôranh Brah jêng Brah Yêhôva ma phung tahan; Mpêr ƀon ƀư rai jêh, Nau kuăl rklaih huy tât ta yôk.

Êsai 29:9

Ndrât hom jêh ri hih rhâl! Ƀư hom ma khân may nơm chieh măt jêh ri vĭr măt! Khân păng nhŭl, ƀiălah mâu di yor ndrănh ôh; Khân may ndĭt ndĭu ƀiălah mâu di yor ndrănh ktang ôh.

Êsai 34:2

Yorlah Brah Yêhôva ji nuih tâm rdâng đah lĕ bri dak, Păng nkhŭt nau ji nuih ma lĕ rngôch phung tahan khân păng; Păng ƀư rai khân păng, Jao khân păng ăn bu nkhĭt.

Êsai 34:7

Ndrôk bri, kon ndrôk jêh ri ndrôk nkuăng Cha lôt ndrel ma khân păng da dê; Bri khân păng mra nhŭl yor mham, Neh muy khân păng krêp bêng ngi lay.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 51:17

Ơ ƀon Yêrusalem, Kah rngăl hom, kah rngăl hom jêh ri dâk hom may! May hŏ nhêt jêh kachok nau Păng ji nuih, Bơh ti Brah Yêhôva, Nhêt kŏ lĕ jêh Tâm khăl ăn hăn ndĭt ndiu.

Êsai 65:12

Gâp mra tâm nal khân may ma đao, Lĕ rngôch khân may mra chon mon dơn nau bu nkhĭt; Yorlah Gâp hŏ kuăl ƀiălah khân may mâu plơ̆ lah ôh, Gâp ngơi jêh ƀiălah khân may mâu iăt. Khân may ƀư jêh nau mhĭk tâm dâng măt Gâp, Jêh ri hŏ săch jêh nau mâu ƀư maak ma Gâp.”

Yêrêmi 13:13

May mra lah tay: ‘Brah Yêhôva lah: Aơ, Gâp mra ƀư lĕ rngôch phung ƀon lan gŭ ta klơ neh aơ, phung hađăch gŭ ta sưng hađăch Đavit, phung kôranh ƀư brah, phung nơm mbơh lor, jêh ri lĕ rngôch phung ƀon lan Yêrusalem nhŭl ndrănh da dê.’

Nau Nhĭm Vơl 3:15

Păng hŏ ăn gâp glŏm bêng ma gơ̆ tăng, Rvăn tơm si tăng dĭl ngăn.

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.

Nau Tâm Mpơl 16:19

Ƀon dŭt toyh tâm pă jêng pe; bi lĕ ƀon toyh tâm ntil mpôl bunuyh rlâm lĕ. Brah Ndu kah gĭt ma ƀon Babilôn dŭt toyh, gay ma ăn păng nhêt kachok ndrănh nau Păng ji nuih hâu ngăn.

Nau Tâm Mpơl 16:6

Yorlah khân păng ƀư nkhŭt jêh mham phung kloh ueh jêh ri phung nơm mbơh lor, Pôri May ăn jêh ma khân păng nhêt mham. Nĕ mơ tâm di!”

Nau Tâm Mpơl 18:21

Nôk nây, du huê tông mpăr bêng nau dơi sŏk du mlâm lŭ toyh nâm bu mpăl kĭn toyh klŭp tâm dak mƀŭt jêh ri lah: “Babilôn, ƀon dŭt toyh bu mra klŭp păng trŭnh tâm ban pônây, jêh ri mâu hôm geh nơm mra joi saơ păng.