Êsai 63:18 - Nau Brah Ndu Ngơi 2023

¹⁸ Phung ƀon lan kloh ueh May geh n'gor aơ mâu hŏ jŏ ôh, Ƀiălah phung rlăng đah hên jot jêh ntŭk kloh ueh May.

Êsai 63:18 ပူးပေါင်းရင်းမြစ်များ

Nau Mprơ Ơm 79:1

Ơ Brah Ndu! Phung mpôl băl bri êng lăp jêh tâm drăp ndơn May; Ƀư ƀơ̆ ngih brah kloh ueh May; Jêh ri ƀư ma ƀon Yêrusalem jêng du mbŭch ƀrĭk hăch.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 63:19

Jŏ jêh, hên jêng jêh tâm ban ma phung May mâu mâp chiă uănh, Jêh ri mâu hôm geh kuăl amoh May đŏng ôh.

Êsai 64:10

Lĕ rngôch ƀon kloh ueh May hŏ jêng bri rdah, Siôn ăt jêng bri rdah, Yêrusalem jêng ntŭk rngot njăp.

Êsai 64:9

Ơ Brah Yêhôva, lơi nuih rlau keh ôh, Mâu lĕ kah gĭt n'ho ro ma nau tih hên! Aơ, hên dăn May mêt uănh, Lĕ rngôch hên jêng phung ƀon lan May.

Yêrêmi 12:10

Geh âk phung rmăk biăp ƀư rai jêh đang krăk ƀâu Gâp, Jot nkrâm ta ntŭk neh Gâp, Rgâl ntŭk neh Gâp ŭch rŏng Jêng bri rdah rngot rjăp.

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.

Nau Nhĭm Vơl 4:1

Ơ yuh! Mah lĕ roh nau chrêk, Mah chrêk lĕ rgâl jêh! Lĕ glo lŭ kloh ueh gŭ ta aơ ta ri Tâm ăp ntŭk njônh trong sâng!

Daniel 8:13

Rnôk nây gâp tăng du huê nơm kloh ueh ngơi, jêh ri du huê nơm kloh ueh êng lah ma nơm kloh ueh dôl ngơi pô aơ: “Nau tâm saơ ma ndơ ƀư brah gŭch nhhơr ƀaƀơ, ma nau ƀai njŭn leo tât nau rai yot, ma nau jao ntŭk kloh ueh ma phung tahan gay ma jot plên tâm dâng jâng păng, mra ndah jŏ hôm jong?”

Daniel 8:24

Nau dơi hađăch nây jêng bĭk rơ̆, ƀiălah mâu di ôh yor nau ktang păng nơm. Hađăch nây mra ƀư lĕ nau rai yot toyh Jêh ri dơi jêng tâm lĕ kan păng ƀư. Hađăch nây ăt ƀư rai phung dăng ktang Ndrel ma phung ƀon lan kloh ueh.

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Amôt 7:9

Lĕ ntŭk prêh Y-Isăk mra jêng rngol, Lĕ ntŭk kloh ueh Israel mra rai, Jêh ri Gâp mra sŏk đao ƀư rai ngih Y-Jêrôbôam.”

Mathay 24:2

Păng lah: “Khân may saơ lĕ rngôch ndơ nây di ƀơh? Nanê̆, Gâp lah ma khân may, ntŭk aơ mâu mra hôm geh du mâm lŭ tâm dăp gŭ ta klơ mlâm lŭ êng mâu mra tŭp.”

Luka 21:24

Bu mra nkhĭt khân păng ma đao bu njŭn khân păng jêng bu nă tâm lĕ rngôch mpôl băl, jêh ri phung bu năch mra jot ƀon Yêrusalem tâm dâng jâng khân păng, tât rnôk phung bu năch mra ƀư lĕ.

Nau Vay Nkah Tay 26:19

Păng ƀư ma khân may dơi geh nau tâm rnê, nau lư n'găr jêh ri nau yơk, rlau lơn lĕ rngôch ntil mpôl băl Păng hŏ rhăk njêng jêh, jêh ri khân may mra jêng du phung ƀon lan kloh ueh prăp ăn ma Yêhôva Brah Ndu khân may, tĭng nâm Păng hŏ lah jêh.”

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.