Êsai 63:17 - Nau Brah Ndu Ngơi 2023

¹⁷ Ơ Brah Yêhôva, mâm ƀư May ăn hên nkhah du bơh trong may? Mâm dĭng ăn nuih n'hâm hên dăng kŏ tât hên mâu hôm klach yơk ma May ôh? Yor phung oh mon May jêh ri phung ndŭl mpôl drăp ndơn May. Dăn Kôranh Brah plơ̆ sĭt hom!

Êsai 63:17 ပူးပေါင်းရင်းမြစ်များ

Nau Mprơ Ơm 119:10

Kon tǐng joi May ma lĕ nuih n'hâm, Lơi ăn gâp der bơh nau vay May ntăm ôh.

Nau Mprơ Ơm 119:36

Ăn nuih n'hâm gâp rle mpeh nau ntĭnh bơh May Lơi dĭng rle mpeh drăp ndơ mâu di.

Nau Mprơ Ơm 141:4

Lơi ăn nuih n'hâm gâp rle mpeh ma nau mhĭk ôh Gay ƀư nau djơh mhĭk ndrel phung ƀai; Jêh ri lơi ăn gâp sa ndơ kah khân păng.

Nau Mprơ Ơm 80:14

Ơ Brah Ndu ma phung tahan! Dăn plơ̆ văch hom, Uănh bơh trôk ta klơ, treng uănh Jêh ri chop khâl tơm krăk ƀâu aơ,

Nau Mprơ Ơm 90:13

Dăn plơ̆ tay! Ơ Brah Yêhôva, ndah nâm jŏ nau May ji nuih? Dăn yô̆ nđach ma phung oh mon May!

Nau Ngluh Êjipt 11:10

Y-Môis jêh ri Y-Arôn ƀư lĕ rngôch nau mbên khlay aơ tanăp Pharaôn; ƀiălah Brah Yêhôva ƀư dăng nuih n'hâm Pharaôn, yor ri Pharaôn mâu ăn ôh phung ƀon lan Israel du luh tă bơh n'gor păng.

Nau Ngluh Êjipt 4:21

Brah Yêhôva lah ma Y-Môis: “Lah may plơ̆ sĭt ta n'gor Êjipt, ăn may ƀư lĕ rngôch nau mbên khlay Gâp hŏ jao jêh tâm ti may gay ƀư tanăp Pharaôn. Ƀiălah Gâp mra ƀư ăn hađăch Êjipt dăng nuih n'hâm, mâu ăn ôh phung ƀon lan hăn.

Êsai 19:25

yorlah Brah Yêhôva ma phung tahan hŏ ăn nau ueh uĭn ma khân păng. Păng lah: “Nau ueh uĭn ma bri Êjipt jêng phung ƀon lan Gâp, bri Asiri jêng kan ti Gâp ndâk, bri Israel jêng drăp ndơn gâp!”

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 29:14

Yor nây, Gâp mra thoi đŏng ƀư Lĕ nau kan khlay ngăn ngên ta nklang phung ƀon lan aơ, Nau kan êng ngăn kŏ tât nau gĭt mĭn ma phung blau mĭn khân păng mra jêng dơm dam, Nau gĭt rbăng ma phung gĭt rbăng mra nkŭm ndâp.”

Êsai 30:28

N'hâm Păng sôr jêng tâm ban ma dak hoch thăng, Ler tât ta trô ko. Păng nsiăng ăp bri dak ma dông ƀư rai, Jêh ri dơm kang thao tâm trôm mbung phung ƀon lan gay leo khân păng vĭ trong.

Êsai 6:10

Ƀư hom ma phung ƀon lan aơ rluk mâl, Tê̆k trôm tôr, nhêp măt; Klach lah măt khân păng dơi saơ, Tôr khân păng dơi tăng, Nuih n'hâm khân păng dơi gĭt rbăng, Jêh nây khân păng plơ̆ sĭt jêh ri bu ƀư bah!”

Nau Nhĭm Vơl 3:9

Păng sŏk king trong gâp ma lŭ, Ƀư ma trong gâp hăn kue kuăt.

Êsêkiêl 20:26

Gâp hŏ ƀư jêh ăn khân păng jêng ƀơ̆ jêh yor ndơ ƀư brah dôl khân păng nhhơr lĕ rngôch kon bôk rah tâm ŭnh, gay yor nây, Gâp ƀư ăn ma khân păng jêng rngol ŭch ma khân păng gĭt pô aơ Gâp jêng Brah Yêhôva.

Sakari 1:12

Nôk nây, tông mpăr bơh Brah Yêhôva lah: “Hơi Brah Yêhôva ma phung tahan, May hŏ ji nuih đah ƀon Yêrusalem jêh ri phung ƀon tâm n'gor Yuđa tâm pơh jât năm aơ jêh. Ndah hôm jŏ nau May mâu mra yô̆ ma khân păng?”

Nau Kơp Bunuyh 10:36

Tơlah Hip Nau Tâm Rnglăp gŭ rlu, Y-Môis lah pô aơ: “Ơ Brah Yêhôva, plơ̆ sĭt hom Ndrel âk ngăn phung ƀon lan Israel!”

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Nau Vay Nkah Tay 2:30

Ƀiălah Y-Sihôn hađăch ƀon Hêsbôn, mâu ŭch ăn ôh hên rgăn nkual neh hađăch nây. Yorlah Yêhôva Brah Ndu khân may ƀư nau mĭn hađăch brơl, nuih n'hâm dăng ko, gay jao hađăch nĕ tâm ti khân may nâm bu nar aơ khân may hŏ saơ jêh.

Yôsuê 11:20

Yorlah Brah Yêhôva ƀư ma phung hađăch nây dăng nuih n'hâm tâm rdâng đah phung Israel, gay ma khân păng mra rai lĕ, mâu dơi geh nau yô̆ nđach ôh, di nâm Brah Yêhôva ntăm jêh ma Y-Môis.