Êsai 63:16 - Nau Brah Ndu Ngơi 2023

¹⁶ Nanê̆, May jêng Mbơ̆ hên; Nđâp tơlah Y-Abraham mâu gĭt năl ôh hên, Jêh ri Y-Israel mâu lĕ dơn hên; Ơ Brah Yêhôva, May yơh jêng Mbơ̆ hên, Bơh rnôk n'ho ro May jêng Nơm Tâm Chuai hên.

Êsai 63:16 ပူးပေါင်းရင်းမြစ်များ

I Nau Rêh Jêng 29:10

Tra năp lĕ rngôch phung tâm rƀŭn, Y-Đavit mât ton ma Brah Yêhôva pô aơ: “Hơi Yêhôva Brah Ndu chô yau hên jêng Israel! Mât ton ma May kŏ tât ƀaƀơ n'ho ro!

Ndrom Samƀŭt bơh Yôp 14:21

Phung kon khân păng dơi geh nau yơk, khân păng kŏ mâu gĭt lĕ; Mâu lah khân păng bu mâu uănh geh, khân păng mâu gĭt lĕ.

Nau Ngluh Êjipt 4:22

Pôri ăn may lah đah Pharaôn pô aơ Brah Yêhôva lah: ‘Israel jêng kon Gâp, jêng kon bu klâu bôk rah Gâp.

Nơm Nti 9:5

Bunuyh rêh gĭt ma nau păng nơm mra khĭt, Ƀiălah phung khĭt mâu mra gĭt du ntil ôh; Mâu hôm geh nau nkhôm ăn ma khân păng, Yorlah nau ndray ma khân păng hŏ tŭp tâm nau chuêl jêh.

Êsai 1:2

Ơ lĕ ndâr trôk gŭ iăt hom, ơ neh ntu rkêng tôr iăt hom! Yorlah Brah Yêhôva lah pô aơ: “Gâp hŏ mât mơh jêh oh kon, ăn khân păng toyh kuăng, Ƀiălah khân păng tâm rdâng jêh đah Gâp.

Êsai 29:22

Yor nây, Brah Yêhôva jêng Nơm tâm chuai jêh Y-Abraham hŏ lah jêh ma ngih Yakôb pô aơ: “Aƀaơ aơ, Yakôb mâu mra hôm bêk ôh, Jêh ri muh măt khân păng mra mâu hôm pal.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 43:14

Brah Yêhôva, Nơm Tâm Chuai khân may, Nơm Kloh Ueh Israel lah pô aơ: “Yor khân may, Gâp hŏ njuăl bu hăn lơh Babilôn, Mprơh lĕ rngôch khân păng, jêng phung Kaldê, Tâm ban ma phung nchuăt du, Trŭnh tâm kumpăn khân păng jêng ntŭk khân păng hŏ tă troh nteh huy ngăn.

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 45:11

Brah Yêhôva, Nơm Kloh Ueh Israel, Jêng Nơm hŏ njêng Israel, lah pô aơ: “Ôp hom Gâp moh nau mra tât kăndơ̆; Ôp hom Gâp ma lĕ phung kon Gâp, Jêh ri lĕ ma kan ti Gâp.

Êsai 51:2

Ăn khân may uănh hom chô yau khân may jêng Y-Abraham Jêh ri ma H'Sara, jêng nơm deh ma khân may; Gâp kuăl jêh Y-Abraham nôk păng gŭ knŏng du huê, Ƀiălah Gâp hŏ ăn nau ueh uĭn ma păng, Jêh ri ƀư ma păng plơ̆ jêng âk râk.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Êsai 60:16

May mra nhêt dak toh lĕ rngôch bri dak, Pu toh phung hađăch. May mra gĭt Gâp yơh, Brah Yêhôva, jêng Nơm Tâm Rklaih may, Jêh ri Nơm Tâm Chuai may jêng Nơm Geh Lĕ Nau Brah phung Yakôb.

Êsai 63:12

Nơm ƀư ăn ti nau chrêk rmah Păng Hăn pa ma Y-Môis, Jêng Nơm hŏ nkhah jêh dak tanăp khân păng, Gay amoh lư n'găr n'ho ro;

Êsai 64:7

Mâu geh nơm kuăl mbơh sơm ma amoh May, Mâu lah nsrôih kuăn May; Yorlah May pôn jêh muh măt bơh hên, Gay ma hên rai lôch tâm nau kue hên.

Êsai 64:8

Ƀiălah, ơ Brah Yêhôva, aƀaơ May ăt jêng Mbơ̆ hên; Hên jêng neh uk, jêh ri May jêng nơm blau mon glah; Lĕ rngôch hên jêng kan ti May ƀư.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Yêrêmi 3:23

Nau yơk mbah klơ lĕ dor prêh Jêh ri nau drơu drơu ăp yôk nanê̆ knŏng jêng nau mƀruh nchơt. N'hêl nanê̆, knŏng tâm Yêhôva Brah Ndu hên Ri mơ geh nau tâm rklaih ăn phung Israel.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Malachi 1:6

Brah Yêhôva ma phung tahan lah đah khân may: “Hơi phung kôranh ƀư brah tâm rmot amoh Gâp! Kon bu klâu yơk ma mbơ̆ păng nơm, nơm dĭk nă yơk ma kôranh păng nơm. Pôri, tơlah Gâp jêng Mbơ̆ mbah ntŭk nau yơk ăn ma Gâp? Jêh ri tơlah Gâp jêng Kôranh hŏ geh nau klach yơk ăn ma Gâp?” Khân may lah đŏng pô aơ: “Ta ntŭk hên rmot hŏ amoh May?”

Malachi 2:10

Mâu di bơh lĕ rngôch he geh knŏng du huê mbơ̆? Mâu di bơh geh knŏng du huê Brah Ndu rhăk njêng jêh he? Mâm ƀư ăp nơm phung he mâu gŭ răp jăp ôh ndrăng oh nâu he, ƀư ƀơ̆ nau tâm rnglăp bơh chô yau he?

Mathay 6:9

Pôri, ăn khân may mbơh sơm pô aơ: ‘Ơ Mbơ̆ hên gŭ tâm trôk ơi; Ăn amoh May bu yơk ma nau kloh ueh.

Yôhan 8:41

Khân may ƀư kan ma mbơ̆ khân may nơm.” Khân păng lah: “Hên mâu di jêng kon văng tĭr ôh, hên knŏng geh du Mbơ̆, jêng Brah Ndu.”

Nau Vay Nkah Tay 14:1

“Khân may jêng phung ƀon lan Yêhôva Brah Ndu. Lơi koh mlay săk khân may nơm, mâu lah poih sŏk ta klơ ndăr kleng yor ma bunuyh khĭt,

Nau Vay Nkah Tay 32:6

Hơi phung ƀon lan rluk jêh ri mâu geh nau blau mĭn ôh, Khân may mplơ̆ sĭt tay nau yô̆ ma Brah Yêhôva tâm ban pônây bơh? Mâu di ƀơh Păng jêng Mbơ̆, jêng Nơm rhăk njêng, Hŏ rhăk njêng jêh ri ndâk njêng khân may jêng du phung ƀon lan?