Êsai 63:15 - Nau Brah Ndu Ngơi 2023

¹⁵ Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Êsai 63:15 ပူးပေါင်းရင်းမြစ်များ

I Phung Hađăch 8:27

Ƀiălah Brah Ndu geh gŭ ngăn lĕ tâm neh ntu? Ri, lĕ ndâr trôk, lĕ trôk tâm lĕ ndâr trôk mâu dơi đŏng tŏng prăp ma May, rlau lơn ma ngih brah gâp hŏ ndâk jêh ta aơ!

II Nau Rêh Jêng 30:27

Pônây, phung kôranh ƀư brah jêng noi Lêvi gŭ dâk ăn nau ueh uĭn ma phung ƀon lan; Brah Ndu dơn bâr khân păng, nau mbơh sơm khân păng hao tât ma ntŭk kloh ueh Kôranh Brah ta klơ trôk.

Nau Mprơ Ơm 123:1

Kon n'gơr măt n'gĭl uănh ma Brah Ndu, Jêng nơm gŭ ta klơ lĕ ndâr trôk,

Nau Mprơ Ơm 25:6

Ơ Brah Yêhôva, ăn kah gĭt nau yô̆ nđach jêh ri nuih n'hâm ueh May. Yorlah bar ntil nau nây geh bơh kăl e.

Nau Mprơ Ơm 33:14

Tă bơh sưng hađăch Kôranh Brah gŭ, Păng gŭ uănh, Păng sek uănh lĕ rngôch bunuyh gŭ ta neh ntu.

Nau Mprơ Ơm 68:5

Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Nau Mprơ Ơm 77:10

Gâp lah, “Nau rêh ni gâp jêng: Ti ma Nơm Dŭt Prêh hŏ rgâl jêng.”

Nau Mprơ Ơm 80:14

Ơ Brah Ndu ma phung tahan! Dăn plơ̆ văch hom, Uănh bơh trôk ta klơ, treng uănh Jêh ri chop khâl tơm krăk ƀâu aơ,

Nau Mprơ Ơm 80:15

Jêng tơm krăk ƀâu ti ma May tăm jêh, Jêh ri jêng nkeh May hŏ ăn jêh nau ktang.

Nau Mprơ Ơm 89:49

Ơ Kôranh Brah, nau ueh May sŏk nau răp jăp ton jêh ma Y-Đavit kăl e, Mbah ntŭk aƀaơ?

Êsai 16:11

Yor ri, nuih n'hâm Gâp nđêng tâm ban ma gong rêng loih yor bri Môap, Nuih n'hâm Gâp yor Kir-Hêres nđêng kơt nây đŏng.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 37:32

Yorlah mra geh phung hôm klen hăn luh bơh Yêrusalem, jêh ri du phung klaih jêh mra luh bơh yôk Siôn. Nau duh nđơr Brah Yêhôva ma phung tahan mra ƀư nau aơ.

Êsai 42:13

Brah Yêhôva mra hăn panăp tâm ban ma du huê nơm tahan janh ktang, Tâm ban ma du huê bunuyh tahan bêng ma nau duh nđơr; Păng nter, ngơi huy rduh tâm lơh, Jêh ri Păng mra lơh rai lĕ phung rlăng đah Păng nơm.

Êsai 49:15

“Dơi lĕ du huê bu ur me chuêl pu toh ma kon păng, Mâu lah mâu yô̆ ôh ma kon păng bơh ndŭl păng nơm? Nđâp tơlah păng chuêl kon păng, Ăt Gâp mâu mra chuêl may ôh.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 59:17

Păng nsoh ao loih ma nau sŏng srăng, Ndô đon nau tâm rklaih ta bôk; Nsoh ao ma nau plơng bôk, Mbăk ta klơ păng nơm ao rjai nuih n'hâm duh nđơr.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Êsai 64:12

Ơ Brah Yêhôva, lĕ kơt aơ nau tât, Mâm nuih n'hâm May hôm dun? Mâm May hôm gŭ rklăk Gay ƀư rêh ni hên rlau keh?

Êsai 66:1

Brah Yêhôva lah: “Trôk jêng sưng hađăch Gâp, Neh ntu jêng rnơl chrong jâng Gâp, Moh ngih khân may mra ŭch rdâk ma Gâp? Moh ntŭk jêng ntŭk ma Gâp gŭ rlu?

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Nau Nhĭm Vơl 3:50

Kŏ tât Brah Yêhôva tă bơh ntŭk prêh klơ Uănh treng jêh ri saơ.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Yôel 2:18

Brah Yêhôva hŏ ntôn jêh yor bri aơ, Jêh ri Păng tâm mpơl nau yô̆ nđach ma phung ƀon lan Păng.

Luka 1:78

Yor nuih n'hâm yô̆ nđach bơh Brah Ndu he, Ang ơm ôi bơh klơ prêh chop khâl he,

Nau Vay Nkah Tay 26:15

Bơh ntŭk kloh ueh May gŭ, ta ntŭk trôk prêh klơ, dăn Kôranh Brah treng uănh jêh ri ăn nau ueh uĭn ma phung ƀon lan Israel May, ma n'gor bêng ma dak toh jêh ri dak sŭt May ăn jêh ma hên, tâm ban May sơm ton jêh ma phung chô yau hên.’ ”

Philip 2:1

Pôri, tơlah tâm Brah Krist geh nau n'hao nuih n'hâm, tơlah tâm nau rŏng geh nau bong leng, tơlah tâm Brah Huêng Ueh geh nau tâm rnglăp, tơlah geh nuih n'hâm rŏng jêh ri nau yô̆

I Yôhan 3:17

Tơlah mbu nơm geh drăp ndơ tâm rnôk aơ, saơ oh nâu păng nơm gŭ tâm nau pưt kƀah ƀiălah mâu geh nuih n'hâm rŏng, mâm ƀư nau Brah Ndu rŏng dơi gŭ tâm bunuyh nây?