Êsai 63:11 - Nau Brah Ndu Ngơi 2023

¹¹ Nôk nây, phung ƀon lan Păng kah gĭt Ma Y-Môis rnôk kăl e jêh ri ôp: “Mbah ntŭk Nơm hŏ njŭn leo rmăk biăp Jêh ri phung biăp luh hao bơh dak mƀŭt? Mbah ntŭk Nơm dơm jêh Brah Huêng Ueh Păng Ta nklang khân păng?”

Êsai 63:11 ပူးပေါင်းရင်းမြစ်များ

Nêhêmi 9:20

Kôranh Brah hŏ ăn jêh Brah Huêng ueh bơh Kôranh Brah, gay ntĭm nti khân păng. Kôranh Brah mâu dun ăn mana ma trôm mbung khân păng jêh ri ăn dak nhêt nôk khân păng ji hir.

Nau Mprơ Ơm 106:44

Nđâp tơlah pônây, Brah Ndu ăt tăng nau khân păng dăn, Jêh ri mêt uănh khân păng tâm rnôk khân păng rêh ni.

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 106:9

Păng buay ma Dak Mƀŭt Chăng, păng suăt sơh kro; Păng njŭn khân păng rgăn dak mƀŭt jru nâm bu rgăn bri rdah.

Nau Mprơ Ơm 143:5

Gâp kah gĭt tay ma lĕ nar rnôk kăl e, Gâp gŭ mĭn ma lĕ rngôch kan May ƀư Jêh ri gŭ mĭn ma kan ti May.

Nau Mprơ Ơm 25:6

Ơ Brah Yêhôva, ăn kah gĭt nau yô̆ nđach jêh ri nuih n'hâm ueh May. Yorlah bar ntil nau nây geh bơh kăl e.

Nau Mprơ Ơm 51:11

Lơi ta chalơi gâp bơh muh măt May Lơi sŏk sĭt Brah Huêng Ueh May bơh gâp.

Nau Mprơ Ơm 77:12

Ăt mra mĭn rvê ma lĕ rngôch kan May, Jêh ri mĭn ma lĕ nau May ƀư.

Nau Mprơ Ơm 77:20

May dŏng ti Y-Môis jêh ri Y-Arôn Gay ma njŭn leo phung ƀon lan May nâm bu du phung biăp.

Nau Mprơ Ơm 78:52

Lôch nây Păng djôt phung ƀon lan Păng hăn du nâm bu biăp, Njŭn leo khân păng tâm bri rdah nâm bu phung biăp.

Nau Ngluh Êjipt 14:22

Phung ƀon lan Israel hăn klơ neh sơh gay rgăn dak mƀŭt; bi dak jêng nâm bu pêr pa ma jêh ri pa chiau khân păng.

Nau Ngluh Êjipt 14:30

Tâm nar nây, Brah Yêhôva rklaih phung Israel bơh ti phung Êjipt, khăn păng saơ phung Êjipt ih săk jăn khĭt ta kơh dak mƀŭt.

Êsai 43:16

Brah Yêhôva, Nơm hŏ pơk trong tâm dak mƀŭt, Jêh ri ntĭm ndô̆ rgăn tâm n'hor dak dăng;

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Daniel 4:8

Kêng nglĕ dŭt geh Y-Daniel, rnha jêng Y-Beltisasar tĭng nâm amoh brah gâp, hăn lăp tanăp gâp. Păng geh huêng brah Brah Ndu kloh ueh gŭ ndrel păng. Gâp nkoch nau mbơi gâp ăn ma păng:

Ndrom Samƀŭt bơh Ôsê 12:13

Y-Yakôb du pôn rlet ma bri Aram; Israel ƀư dĭk gay geh ur, Yorlah gay geh ur mra hăn chiăp biăp.

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Ndrom Samƀŭt bơh Agê 2:5

‘Tĭng nau Gâp hŏ ton jêh tâm nau tâm rnglăp njêng đah khân may dôl khân may du luh tă bơh n'gor bri Êjipt, jêh ri Brah Huêng ueh Gâp hôm gŭ ta nklang khân may, yor nây lơi khân may klach ôh.’

Sakari 4:6

Păng lah ma gâp: “Aơ jêng nau ngơi bơh Brah Yêhôva lah ma Y-Sôrôƀaƀel: ‘Nau nây mâu di yor nau dơi ôh, kŏ mâu lĕ yor nau blau kan, ƀiălah yor Brah Huêng ueh Gâp.’ Brah Yêhôva ma phung tahan lah.

Nau Kơp Bunuyh 11:17

Gâp mra jŭr jêh ri ngơi ndrel đah may ta nây. Gâp mra sŏk Huêng Gâp gŭ ta klơ may gay ăn ma khân păng, jêh ri khân păng mra anh nau kan jâk phung ƀon lan aơ ndrel ma may, mâu di du huê may anh nau jâk nây.

Nau Kơp Bunuyh 11:25

Brah Yêhôva jŭr tâm ndâr tŭk jêh ri ngơi ma Y-Môis. Păng sŏk Huêng Brah gŭ ta klơ Y-Môis jêh ri ăn ma pơh jât kôranh bu ranh. Nôk Huêng Brah gŭ ta klơ pơh jât kôranh bu ranh, khân păng mbơh lor. Ƀiălah khân păng mâu hôm mbơh lor đŏng.

Nau Kơp Bunuyh 11:29

Y-Môis ơh nau: “Di lĕ may nach yor ma gâp? Vư! Ŭch ma lĕ rngôch phung ƀon lan Brah Yêhôva jêng phung nơm mbơh lor jêh ri Brah Yêhôva ăn ma Huêng Brah Păng ma khân păng!”

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

Phung Kôranh Phat Dôih 6:13

Y-Gidêôn lah: “Hơi kôranh, tơlah Brah Yêhôva gŭ ndrel ma hên, mâm ƀư lĕ rngôch nau aơ dơi tât ma hên? Phung chô yau hên nkoch tay ma hên pô aơ: ‘Brah Yêhôva hŏ njŭn jêh hên du luh bơh Êjipt’. Aƀaơ lĕ rngôch nau khlay ngăn ri mbah ntŭk gŭ? Ƀiălah Brah Yêhôva chalơi hên jêh ri jao hên tâm ti phung Madian.”