Êsai 63:1 - Nau Brah Ndu Ngơi 2023

¹ Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Êsai 63:1 ပူးပေါင်းရင်းမြစ်များ

Nau Ntơm 36:33

Hađăch Bêla khĭt, Y-Jôbap, kon bu klâu Y-Sêra, phung Bôsra, chiă uănh ntrok păng.

Nau Ntơm 49:11

Păng kât kon seh bri păng ta tơm krăk ƀâu, Jêh ri kât kon seh bri păng ta n'gĭng tơm krăk ƀâu nse ueh ngăn. Păng mra pih kho ao păng tâm ndrănh krăk ƀâu, Jêh ri pih ao păng tâm mham play krăk ƀâu.

I Nau Rêh Jêng 1:44

Tơlah Y-Bêla khĭt, Y-Jôbap, kon bu klâu Y-Sêra, phung Bôsra, chiă uănh ntrok păng.

Nau Mprơ Ơm 108:13

Rnơm Brah Ndu, hên mra tâm lơh ma nau janh ktang, Yorlah Kôranh Brah yơh mra jot plên phung rlăng đah hên.

Nau Mprơ Ơm 137:7

Ơ Brah Yêhôva, ăn May kah gĭt ma lĕ nau phung kon sau bri Êđôm hŏ ƀư jêh; Tâm nar bu sŏk jêh ƀon Yêrusalem, Khân păng lah: “Ƀư rai hom! Ƀư rai hom! Ƀư lâng kŏ tât ta mbon păng!”

Nau Mprơ Ơm 65:6

May dŏng nau brah gay rdâk njêng ma phung yôk. May rêt rse bŭt ma nau ktang.

Nau Mprơ Ueh 3:6

Mbu nơm nây văch tă bơh bri rdah, Nâm bu n'gâng nhhŭk ŭnh, Ƀâu n'hôl âk ntăk si ƀâu kah dak si tăng, Thŭl rvêt lĕ ntil rnih ƀâu kah rvăt tă bơh phung tăch drăp?

Nau Mprơ Ueh 6:10

Bu ur ri mbu nơm jêng dĭng mpơl nâm bu ƀhit rvi ang, Ueh nâm bu khay, chrêk lơp nâm bu nar, Rnam nâm bu tahan yơr kơ rduh tâm lơh?

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 11:14

Khân păng mra hăn lơh phung Philistin mpeh nhâp nar, Ndrel n'grŭp pit sŏk ndơ phung mpeh Lur Nar; Ti khân păng yơr nau tâm rdâng ma phung Êđôm jêh ri phung Môap, Phung Ammôn mra tông bâr ma khân păng.

Êsai 34:1

Hơi lĕ bri dak văch dăch hom, gay tăng, Ơ phung ƀon lan, rkêng tôr iăt hom! Rplay neh jêh ri lĕ rngôch ndơ tâm păng, Neh ntu jêh ri lĕ mpa luh bơh păng, Rkêng tôr hom!

Êsai 42:1

Aơ jêng oh mon Gâp, Nơm Gâp kâp kơl, Jêng Nơm Gâp hŏ săch jêh, jêh ri tâm Păng huêng Gâp geh nau maak. Gâp hŏ dơm jêh Brah Huêng Gâp ta klơ Păng, Jêh ri Păng mra mpơl nau sŏng ma lĕ bri dak.

Êsai 42:3

Păng mâu mra nkê̆ch lơi ôh tơm rpho hŏ nchah jêh, Jêh ri mâu khôm ôh brai ŭnh kađen dăch nhhât jêh. Păng mra sŏk nau răp jăp mpơl nau di.

Êsai 45:19

“Gâp mâu mâp ngơi ndâp ôh, Mâu lĕ ngơi tâm bri nau ngo. Gâp mâu mâp lah ôh ma phung kon sau Yakôb pô aơ: ‘Di lĕ khân may joi Gâp jêng dơm dam?’ Gâp yơh Brah Yêhôva, Nơm ngơi nau sŏng srăng, Mbơh nau nanê̆ ngăn.”

Êsai 45:23

Gâp hŏ tâm amoh Gâp nơm ton Nau ngơi sŏng srăng luh jêh bơh bâr mbung Gâp Mâu mra plơ̆ sĭt ôh; Lĕ rngôch kômâk mra chon mon tanăp Gâp, Jêh ri lĕ rngôch mpiăt mra ton săk tâm amoh Gâp.

Êsai 9:5

Yorlah bu deh jêh ma he du huê kon se, Bu ăn jêh ma he du huê kon bu klâu; Nau dơi chiă uănh mra n'gân ta nglik Păng. Bu mra rnha amoh Păng: “jêng Nơm Khlay Ngăn, jêng Nơm Blau Nchră, Jêng Brah Ndu Nau Brah, Jêng Mbơ̆ N'ho ro, jêng Kôranh Brah Đăp Mpăn.”

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 48:24

ta ƀon Kêriôt, ƀon Bôsra, jêh ri lĕ rngôch ƀon toyh dăch ngai tâm bri Môap.”

Yêrêmi 49:13

Brah Yêhôva lah: “Gâp hŏ ton lah ma Gâp nơm ƀon Bôsra mra jêng ndơ ƀơ̆ ƀơch, ndơ bu ntêh rmot, ntŭk rngot njăp, jêh ri ntŭk bu rak rtăp. Jêh ri lĕ rngôch ƀon toyh păng mra jêng rngot njăp n'ho ro.”

Êsêkiêl 25:12

Brah Yêhôva lah: “Yorlah phung ƀon lan Êđôm plơng har jêh ma ngih Yuđa jêh ri păng hŏ ƀư tih glăm lơn dôl plơng har đah ngih nây, yor nây Kôranh Brah Yêhôva lah pô aơ:

Êsêkiêl 35:1

Nau Brah Yêhôva lah ma gâp:

Êsêkiêl 38:17

Kôranh Brah Yêhôva lah: ‘Mâu di kăl e Gâp hŏ dŏng oh mon Gâp jêng nơm mbơh lor Israel lah jêh? Tâm rnôk nây, âk năm rlau khân păng hŏ mbơh lor pô aơ Gâp mra ăn may tât tâm lơh đah phung ƀon lan Gâp.’

Apdia 1:1

Nau Y-Apdia tâm saơ. Kôranh Brah Yêhôva lah ma bri Êđôm: He lĕ tăng nau mbơh tă bơh Brah Yêhôva Jêh ri bu prơh hăn du huê nơm mbơh tât ta nklang lĕ bri dak: “Dâk hom khân may! Dâk hom he tâm lơh đah păng!

Apdia 1:9

Hơi bri Têman, phung tahan may mra uh ah; Bu mra nkhĭt jêh ri ƀư rai lĕ rngôch bunuyh tă bơh yôk Êsau.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Malachi 1:2

Brah Yêhôva lah: “Gâp rŏng jêh ma khân may,” ƀiălah khân may lah pô aơ: “Hŏ geh Kôranh Brah rŏng ma hên?” Brah Yêhôva lah: “Mâu di Y-Êsau jêng nâu Y-Yakôb?

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Mathay 21:10

Tơlah Păng lăp jêh tâm ƀon Yêrusalem, lĕ rngôch bunuyh tâm ƀon ndrŏt nuih n'hâm, lah pô aơ: “Mbu nơm aơ?”

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

Nau Tâm Mpơl 19:13

Păng nsoh ao mbŭk tâm mham. Amoh Păng dơi rnha jêng NAU BRAH NDU NGƠI.