Êsai 62:9 - Nau Brah Ndu Ngơi 2023

⁹ Ƀiălah phung kăch roih mra dơi sa kao play păng, Jêh ri tâm rnê ma Brah Yêhôva; Phung pĕ jêh play krăk ƀâu mra dơi nhêt dak păng, Tâm nkual ngih jrô kloh ueh Gâp.”

Êsai 62:9 ပူးပေါင်းရင်းမြစ်များ

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Êsai 65:13

Yor nây, Kôranh Brah Yêhôva lah: “Aơ, phung oh mon Gâp mra sông sa, Bi khân may mra ji ngot; Aơ, phung oh mon Gâp mra nhêt, Bi khân may mra ji hir; Aơ, phung oh mon Gâp mra maak, Bi khân may mra geh nau bêk;

Êsai 65:21

Bu mra ndâk ngih jêh ri gŭ ta nây, Mra tăm đang krăk ƀâu jêh ri sa play păng.

Êsai 65:22

Khân păng mâu mra ndâk ngih ăn nơm êng gŭ ôh, Mâu lĕ tăm đang krăk ƀâu ăn nơm êng sa. Yorlah nar phung ƀon lan Gâp gŭ rêh mra jêng tâm ban ma nar tơm si gŭ rêh; Phung Gâp săch mra dơn ndơ tă bơh kan ti khân păng nơm ƀư.

Yêrêmi 31:5

May mra tăm tay đang krăk ƀâu Ta klơ yôk Samari, Bunuyh tăm tơm si mra tăm Jêh ri dơi dơn kao play.

Êsêkiêl 40:14

Bunuyh nây veh lĕ jrŏng jêng pe jât met, êp kêng jrŏng nây geh ndring jŭm mpông pêr lăp.

Yôel 2:26

Khân may mra sông sa jêh ri dơi hơm mpay, Jêh ri mra tâm rnê ma amoh Yêhôva Brah Ndu khân may, Jêng Nơm ƀư jêh nau khlay ngăn ngên ma khân may. Phung ƀon lan Gâp mâu mra geh nau bêk prêng đŏng ôh.

Sakari 3:7

“Brah Yêhôva ma phung tahan lah: ‘Tơlah may chuat hăn tâm trong Gâp, tông jêh ri djôt prăp nau Gâp ntĭm, ri mơ may dơi chiă uănh ngih Gâp, jêh ri dơi gak mpông pêr Gâp, jêh ri Gâp mra ăn ma may chuat lăp tâm nklang phung dâk pah kan jŭm Gâp.

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 16:11

Ăn khân may nđâp ma phung kon bu klâu, kon bu ur, nơm kơl kan bu klâu jêh ri bu ur khân may, phung Lêvi gŭ tâm ƀon khân may, bu năch, kon đơi, jêh ri bu ur ndrô gŭ ta nklang khân may, răm maak hom văch rƀŭn ta ntŭk Yêhôva Brah Ndu mra săch gay ăn amoh Păng gŭ ta nây.

Nau Vay Nkah Tay 16:14

Tâm yan nau rƀŭn, ăn khân may nđâp ma kon bu klâu, kon bu ur khân may, nơm kơl kan bu klâu jêh ri bu ur, phung Lêvi, bu năch, kon đơi, jêh ri bu ur ndrô, răm maak da dê djôt nau rƀŭn nây.