Êsai 62:6 - Nau Brah Ndu Ngơi 2023

⁶ Ơ Yêrusalem, ta klơ lĕ mpêr ƀon may, Gâp dơm jêh phung tahan gak; Lĕ măng nâm nar, Khân păng mâu mra gŭ rklăk ôh. Ơ khân may phung ăn Brah Yêhôva kah gĭt, Lơi gŭ rlu ôh,

Êsai 62:6 ပူးပေါင်းရင်းမြစ်များ

Nau Ntơm 32:12

Ƀiălah May nơm hŏ ton jêh ma gâp: ‘Nanê̆ May mra ƀư ueh ma gâp jêh ri ƀư ma noi deh gâp âk tâm ban ma choih dak mƀŭt, bu mâu dơi kơp ôh yor dŭt âk.’”

Nau Ntơm 32:26

Bunuyh nây lah: “Trôk lĕ ang jêh, ăn gâp hăn hom.” Ƀiălah Y-Yakôb lah: “Gâp mâu ăn ôh may hăn, tơlah may mâu ăn nau ueh uĭn ma gâp.”

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Nau Mprơ Ơm 122:7

Ăn nau đăp mpăn gŭ ta mpêr ƀon, Jêh ri nau chăt jêng tâm phung ngih hađăch may!

Nau Mprơ Ơm 74:18

Ơ Brah Yêhôva, ăn kah gĭt ma nau nơm rlăng suai rak, Jêh ri du mpôl băl rluk ngơi mhĭk ma amoh May.

Nau Mprơ Ơm 74:2

Ăn May kah gĭt ma phung ƀon lan May hŏ ndâk jêh ntơm bơh kăl e, Phung May tâm chuai jêh gay ƀư jêng drăp ndơn May; Ăn May kah gĭt ma yôk Siôn jêng ntŭk May tă gŭ jêh.

Nau Mprơ Ueh 3:3

Phung tahan gak mâp gâp Dôl khân păng hăn nsong jŭm ƀon. Gâp ôp: “Khân may saơ lĕ nơm nuih n'hâm gâp rŏng?”

Nau Mprơ Ueh 5:7

Phung tahan gak hăn nsong tâm ƀon hŏ mâp gâp, Khân păng lơh gâp, ƀư ăn gâp sôt; Phung gak njrăng mpêr ƀon Doh nđâp ao jâr gâp.

Êsai 43:26

Nkah hom ăn ma Gâp kah gĭt, Ăn he tâm rlăch ndrel n'grŭp; Tâm mpơl hom nau di khân may mĭn gay mpơl khân may jêng sŏng

Êsai 49:16

Aơ, Gâp nchih jêh may ta mpang ti Gâp; Lĕ mpêr ƀon toyh may hôm ƀaƀơ tanăp măt Gâp.

Êsai 52:8

Phung gak may troh mprơ, Khân păng troh n'grŭp ma nau maak; Yorlah khân păng mra saơ rah vah ma măt Brah Yêhôva plơ̆ sĭt tay ma ƀon Siôn.

Êsai 56:10

Lĕ rngôch phung gak Israel Chieh măt da dê, mâu geh nau gĭt rbăng ôh. Lĕ rngôch khân păng jêng so mlo, Mâu blau groh ôh; Knŏng mbơi, bê̆ch jong Jêh ri rŏng bê̆ch.

Êsai 62:1

Yorlah Siôn, Gâp mâu mra gŭ rklăk ôh, Yorlah Yêrusalem, Gâp mâu mra rlu ôh, Kŏ tât nau sŏng srăng păng nchrat tâm ban ma nau ang, Jêh ri nau tâm rklaih păng tâm ban ma ŭnh rdo hôm hit.

Yêrêmi 14:21

Yor amoh May, lơi ta mƀăr lơi, Lơi ta uănh dơm dam ôh sưng hađăch chrêk lơp May. Ăn May kah gĭt tay jêh ri lơi ta ngroh lơi Nau tâm rnglăp May hŏ njêng ma hên.

Yêrêmi 6:17

Gâp hŏ ndâk bunuyh gak njrăng khân may; ‘Rkêng hom tôr iăt bâr nŭng!’ Ƀiălah khân păng lah: ‘Phung hên mâu rkêng tôr iăt ôh!’

Nau Nhĭm Vơl 5:1

Ơ Brah Yêhôva, dăn kah gĭt ma lĕ nau hŏ tât ma hên; Dăn mêt uănh hom nau bêk prêng hên!

Nau Nhĭm Vơl 5:20

Mâm ƀư may chuêl ma hên mro mrăng, Chalơi êng hên jŏ nar tâm ban pônây?

Luka 18:39

Phung hăn panăp buay păng, đă gŭ rklăk. Ƀiălah păng nter dŭt huy: “Hơi Kon hađăch Đavit, dăn yô̆ nđach ma gâp ƀă!”

Kôranh Oh Mon 10:31

jêh ri lah: ‘Hơi Kôrnei, Brah Ndu tăng jêh nau may mbơh sơm jêh ri Păng kah gĭt ma nau may ăn yô̆ ma bu.

Kôranh Oh Mon 10:4

Păng klach ntrâng uănh ta tông mpăr Brah Ndu jêh ri ơh: “Ô Kôranh Brah, moh nau geh?” Tông mpăr plơ̆ lah: “Nau may mbơh sơm jêh ri ndơ may ăn yô̆ hao tât ta Brah Ndu jêh ri Brah Ndu kah gĭt nau nây.

I Kôrintô 12:28

Brah Ndu dơm hŏ dăp lor tâm Phung Ngih Brah Ndu: tal nguay jêng kôranh oh mon, rơh bar jêng nơm mbơh lor, rơh pe jêng kôranh nti, rĭ mơ tât bunuyh ƀư nau mbên khlay, jêh nây bunuyh dơi ƀư bah nau ji, phung dơi kơl bu, bunuyh mât uănh, bunuyh ngơi lĕ nau ngơi êng.

I Têsalônik 5:17

mbơh sơm hom mâu rlu;

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.

Nau Tâm Mpơl 6:10

Khân păng nter ktang pô aơ: “Ơ Kôranh Brah jêng Nơm kloh ueh jêh ri nanê̆ ngăn, ndah hôm jŏ đŏng Kôranh Brah mra phat dôih, jêh ri plơng bôk ma phung gŭ ta neh ntu yor ma mham hên?”