Êsai 62:5 - Nau Brah Ndu Ngơi 2023

⁵ Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Êsai 62:5 ပူးပေါင်းရင်းမြစ်များ

Nau Mprơ Ueh 3:11

Hơi, phung bu ur druh Siôn, Gơnh oi uănh hađăch Salômôn. Păng ndô đon hađăch me păng hŏ n'gân ta klơ bôk hađăch. Tâm nar tâm nkol ur sai hađăch, Nar nuih n'hâm hađăch hâk răm.

Nau Mprơ Ueh 4:8

Hơi ƀăn gâp, hăn hom ndrel gâp du bơh yôk Liban, Hăn hom ndrel gâp chalơi yôk Liban, Du hom n'gơn yôk Amana, N'gơn Sênir jêh ri Hermôn, Du bơh trôm yau mŭr, Du bơh yôk yau brăch.

Êsai 62:4

Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 65:19

Gâp mra hâk maak yor Yêrusalem, Gâp mra maak yor phung ƀon lan Gâp; Ta ntŭk nây bu mâu mra tăng ôh bâr nhĭm, Mâu lah bâr nter nau nđêh nji đŏng.

Yêrêmi 32:41

Gâp mra maak ƀư nau ueh ma khân păng, ma lĕ nuih n'hâm ma lĕ nau ktang tăm khân păng ma nau nâp tâm bri aơ.’

Ndrom Samƀŭt bơh Ôsê 2:19

Gâp mra nđăp ay đah Gâp n'ho ro; Gâp mra nđăp ay đah Gâp tâm nau di jêh ri sŏng, Nau ueh jêh ri nau yô̆ nđach.

Ndrom Samƀŭt bơh Ôsê 2:21

Brah Yêhôva lah: “Tâm nar nây Gâp mra plơ̆ lah, Gâp mra plơ̆ lah ma lĕ ndâr trôk, Lĕ ndâr trôk mra plơ̆ lah ma neh ntu.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Malachi 3:12

“Lĕ bri dak mra ntơ ma khân may geh nau ueh lăng ngăn, yorlah bri dak khân may jêng du n'gor bri dak dơi răm maak.” Brah Yêhôva ma phung tahan lah pônây.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.