Êsai 62:4 - Nau Brah Ndu Ngơi 2023

⁴ Bu mâu hôm mra rnha ôh may jêng “nơm bu chalơi,” Mâu hôm rnha ôh bri may jêng “bri rngol” đŏng; Ƀiălah bu mra rnha may jêng “nơm Gâp Maak”, Jêh ri bu mra rnha neh may jêng “nơm geh sai”; Yorlah Brah Yêhôva maak đah may, Jêh ri neh may mra geh sai.

Êsai 62:4 ပူးပေါင်းရင်းမြစ်များ

Nau Mprơ Ơm 149:4

Yorlah Brah Yêhôva geh nau maak tâm phung ƀon lan Păng; Păng sŏk nau tâm rklaih nkrơ̆ ma phung dêh rhêt.

Nau Mprơ Ơm 16:3

Bi ma lĕ phung kloh ueh tâm neh ntu aơ, Khân păng jêng phung sŏng gâp geh lĕ nau maak.

Êsai 49:14

Ƀiălah ƀon Siôn hŏ ăp lah pô aơ: “Brah Yêhôva hŏ dun jêh gâp; Kôranh Brah gâp chuêl jêh gâp.”

Êsai 54:1

“Ơ bu ur ndrô gâng, nơm mâu mâp deh, mprơ hom; Ơ nơm mâu mâp ji yorlah deh kon, Mprơ hom nau mprơ răm rhơn. Yorlah phung kon bu ur bu chalơi Mra jêng âk lơn ma phung kon bu ur geh sai.” Brah Yêhôva lah kơt nĕ.

Êsai 60:15

Ntrok bu hŏ chuêl jêh ri tâm rmot jêh ma may, Kŏ tât mâu geh nơm hăn rgăn ta ntŭk may ôh, Ri mơ Gâp mra ăn may nau yơk mro mrăng, Jêh ri jêng nau răm maak ma âk rô̆.

Êsai 60:18

Bri may mâu mra đŏng tăng ôh nau djơh janh, N'gor may mâu đŏng hôm nau jêng rngot njăp rlâm rai nchah. May mra rnha mpêr ƀon may jêng “Nau Tâm Rklaih” Jêh ri kuăl mpông ƀon may jêng “Nau Tâm Mprơ Rnê.”

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 62:12

Bu mra rnha khân may jêng “phung ƀon lan kloh ueh”, Jêng “phung ƀon lan Brah Yêhôva tâm chuai jêh”; Bi may bu mra rnha may jêng “ƀon bu mra joi”. Jêng lah “ƀon toyh bu mâu hôm chalơi ôh”.

Êsai 62:2

Aƀaơ, lĕ bri dak mra saơ nau sŏng srăng may, Lĕ rngôch phung hađăch mra saơ nau chrêk rmah may; Bu mra rnha may ma amoh mhe, Jêng amoh bơh mbung Brah Yêhôva ntơ ma may.

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Êsai 65:19

Gâp mra hâk maak yor Yêrusalem, Gâp mra maak yor phung ƀon lan Gâp; Ta ntŭk nây bu mâu mra tăng ôh bâr nhĭm, Mâu lah bâr nter nau nđêh nji đŏng.

Yêrêmi 3:14

Brah Yêhôva Lah: “Hơi phung kon mâu răp jăp, plơ̆ sĭt hom! Yorlah Gâp jêng kôranh ma phung khân may. Gâp mra sŏk tă bơh phung khân may ăp ƀon du huê, ăp ndŭl mpôl bar hê, Jêh ri djôt tât ma Siôn.

Yêrêmi 32:41

Gâp mra maak ƀư nau ueh ma khân păng, ma lĕ nuih n'hâm ma lĕ nau ktang tăm khân păng ma nau nâp tâm bri aơ.’

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Êsêkiêl 36:35

Khân păng mra lah: “Bri neh rngol aơ hŏ jêng nâm bu n'gar Êđen; đơ ƀon lĕ rlâm rai, jêng rngol jêh ri ntŭk hŏ rai, aƀaơ lĕ nkra tay jêh ri geh bunuyh gŭ!”

Ndrom Samƀŭt bơh Ôsê 2:21

Brah Yêhôva lah: “Tâm nar nây Gâp mra plơ̆ lah, Gâp mra plơ̆ lah ma lĕ ndâr trôk, Lĕ ndâr trôk mra plơ̆ lah ma neh ntu.

Ndrom Samƀŭt bơh Ôsê 2:22

Neh ntu mra plơ̆ lah ma ba ƀlê, Ndrănh mhe, jêh ri dak ngi; Lĕ rngôch pe ntil nây mra plơ̆ lah ma Jesrêel.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Malachi 3:12

“Lĕ bri dak mra ntơ ma khân may geh nau ueh lăng ngăn, yorlah bri dak khân may jêng du n'gor bri dak dơi răm maak.” Brah Yêhôva ma phung tahan lah pônây.

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

II Kôrintô 11:2

Yorlah khân may, gâp grang đah nau grang bơh Brah Ndu, yorlah gâp ƀư ndrôi jêh khân may ma knŏng du huê sai, tâm mpơl măt khân ay tâm ban du huê bu ur druh kloh ma Brah Krist.

Nau Vay Nkah Tay 30:9

Yêhôva Brah Ndu khân may mra ăn ma khân may ndrŏng tâm lĕ rngôch kan ti khân may ƀư, ntơm bơh play săk jăn khân may tât ma phung kon mpô mpa rong khân may jêh ri play do bơh neh khân may. Yorlah Brah Yêhôva mra răm maak đŏng ăn nau ueh lăng ma khân may nâm bu Păng răm maak jêh ăn nau ueh lăng ma phung chô yau khân may,

ហេឞ្រើ 13:5

Lơi kơnh ir ma prăk ôh, maak hom nuih n'hâm ma drăp ndơ khân may geh jêh, yorlah Brah Ndu nơm lah jêh: “Gâp mâu mra lơi may ôh, mâu lah dun may ôh.”

I Pêtrôs 2:10

kăl e ri khân may mâu di jêng du phung ƀon lan ôh, ƀiălah aƀaơ jêng phung ƀon lan Brah Ndu; kăl e ri mâu dơi yô̆ nđach ôh, ƀiălah aƀaơ geh jêh nau yô̆ nđach.

Nau Tâm Mpơl 21:2

Gâp saơ đŏng ƀon kloh ueh, jêng Yêrusalem mhe, jŭr tă bơh ntŭk Brah Ndu ta klơ trôk, ndrăp nkra jêh nâm bu du huê bu ur mhe nkrơ̆ gŭ kâp sai păng nơm.